Sekaraia 11:8 - Nobonob Baibel

⁸ Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Sekaraia 11:8 ပူးပေါင်းရင်းမြစ်များ

1 King 11:25

Reson nug Aram dilag okkai dayaya, haen Solomon nug Israel dilag king dayeye, Reson nug haen amuppa Israel dilag kekeɗ dayom. Uug amuam Hadatnu uug tuɗittom.

Sam 106:40

Ag anam heppig, diig amunu Yawe Nug danab ah nuhikkudnu oo huana nauhom. Ag nuhikkudnab, amge ag hipunin anam aakku heeg, Nug ahilagnu ooppa uuaknab doyom.

Sam 5:5

Beɗuppa tak danab ag na noomppa ii daamna. Ao, na danab ag kobol nau hetteb ele, na ahilagnu nau ninig ele doottem.

Sam 78:9

Epraim ban danab ag bannu keeke oh ele elele daappig, amge ag ban gonana amu, ag eɗun aon, oolna goppig,

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Jeremaia 12:8

Dahilad danab ah ag laion atuppa oitte bia bena daan, dahilnu kekeɗ dootteb. Laion kekeɗ antta, eheɗ gaatte, ag amubia dahilnu hetteb amunu, da ag uuadkkul.

Jeremaia 14:21

⌊Amge⌋ da na oninnu dabmak anuqak aonna, na ig ii geɗigmananu oɗ medattem. Ao, na ag uuadppe, laa ag uɗin, nahip lag enanagnab, na aguppa daattem amu, ag amu heppeg nauhmanu unuqidttem. Na hee, ig ele nug tituanta nai qakkamut amu, na nai amu dabmenana, ii okkulmananu oɗ medattem.

Jeremaia 6:30

Gadon, Yawe Nug Juda danab ah geɗadkku amunu, laa ag ahilagnu, “Silwa laa dubuttid ele, danab silwa amuppa uɗat laa hekkunu elele iitta amunu nug geɗidkku amu, Juda danab ah ag amubia daatteb,” akkulag.

Esekiel 14:5

Da Israel danab ah oh, ag da uuiɗna, kayak hambuppuak dim lamadtteb amu, ag dabmak amu uun, eɗun daib dim lamiɗkkulagnu, da anam hekkul,’ awa atte.

Esekiel 16:45

Jerusalem, na amu, na anin bianab daattem. Na anin nug gamunu ena iinab doya, nid nuhikkud dilagnu ele anamib doyom. Nug anam he, na apan, makkep ele, aa ele aa gamultinu, nid ahilti dilagnu ele ena iinab doopiɗ, amu na aa hepiɗ, na anamnab aakku hettem. Na anin nug am Hit ah, na mamen nug Amo danab.

Hosea 4:6

Dahilad danab ah ag da ii dooiɗtteb amunu, laa ag heeg nauhtteb. Mana mettak danab ag, ag da dooiɗaknu uuppig amunu, gemu da ag, ag dahilad mana mettak danab daaglagnu geɗadttem. Ge, ag da, Kayak, ahilag Kayak, ag dahil ɗo nai ii dabmeppig amunu, da geha nid naunau ahilkad ii dabmadapa.

Hosea 5:7

Danab ah Israelnu, Judanu ele ag Yawe ippuanattom bia Nug dim lamidkkulagnu uun hetteb. Aɗinu? Ag ah laa nug gamunab iitta ele nid menuattom, ag nug bia daatteb. Israel, Juda danab ah ele ag kayak hambuppuak dilagnu dup nona binalag meppig amunu, haen elab iitta, ag nauhna, ahilag en ele iitta mekkulag.

Hosea 9:15

Yawe atte. “Israel dilagnu amu, ag Gilgal appa hak nau huanak heppig amunu, appa da digmein, ahilagnu oolppa uuaknab doomi. Ge, da geha ag, ahilag hipunin amunu, da laulppanu lamadppi ahaglag. Da geha ahilagnu tuɗitten, ool ii hema; ikki danab ahilkad oh ag am nai tappe nak danab.

Lewitikas 26:11

Da geha ag oolagppa dayeye, ahilagnu nau ii doopa.

Lewitikas 26:30

Da kayak hambuppuak dilag mettid lag nakok ahilag oh loppaɗadppi neppeg, kalu danab ilaeg muttuɗig enanag bette elenu qaɗab oh loppaɗkkul. Da heppi, ahilkad kekeɗ ag aqana, gaɗalag diin, kayak hambuppuak dottolkad qaɗelagppa maadkkulag. Da geha ahilagnu amu ena iinab doopa.

Lewitikas 26:44

Amge ag kekeɗ wanelagppa daappeg, da ag dimattena, ahilagnu ena iinab doyeye heppi, ag iitta ii memana. Iitta. Ag diia ukka laih me dayak danab ah daan, haen ag ahilkad kekeɗ dilag wanppa daappeg amu, da hei, da ag ele nug tituana nai qakkak hemut am ii tippalpa. Da anam helom amu, da ag ohnab aqalom, amge da anam ii hepa. Aɗinu? Da am Yawe, ahilag Kayak.

Luk 12:50

amge uug laa da maokkulnunab daatte amunu, da gemu ukka batakppa oolppa uug nau doottem.

Luk 19:14

Amge nug wanebppan danab ⌊laa⌋ ag nuhignu nau ninig ele dooppig amunu nug ukke, am danab amu ag heeg, ag oolagppan danab laa ag nug dim lamidnana ag inam appig. ‘Ig danab imu nug ihinig king daakkunu ig oonig ii daatte,’ aon appig.

Jon 15:18

Wan imuppan danab ah wannu kobol dim lamadtteb ele, ag oolagppa ahilagnu nau ninig ele dooppeg amu ag doyeg! Danab ah amu ag tatam dahilnu anam dooppig.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Duteronomi 32:19

Israel danab ah, ag Yawe bekkod, aɗekkud ele amu, ag kobol nau heegeg, Nug amu antta, Nug oo nauhom. Nug oo nauhe, nug Israel danab ah guhuɗattom.

Hibru 10:38

Genab tutukku hak danab dahilad, ag dahilnu oolagppa genab dootteb amunu, ag bau daaglag. Amu laippu laa nug dimeɗakku amu, nuhignu amu da oolppa ena ii doopa.”