Sekaraia 10:7 - Nobonob Baibel

⁷ Israel danab ag ban danab ɠagattag bia bena, ag gamag ahak okkai dooglag. Ao, ag danab wain lanan, gamag ahak dootteb bia daaglag. Ahilkad nid ele ag da, Yawe, ag da aɗi hekkul anidna, ag ele gamalag ahakku. Ao, ag da, Yawe, ag da heminu gamag ahak doon oiglag.

Sekaraia 10:7 ပူးပေါင်းရင်းမြစ်များ

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Genesis 43:34

Ag anam daaegeg amu, Josep nug awakkud oh anen anen ee nuhig balalppanu tappiɗ laippu ag noolagppa paniom, amge Benyamin nug nuhig tappiɗ tanig ele noobppa meum. Nug anam heum amunu, ag ee, le ele aon elelenab lappig.

Sam 102:28

Nahipad maɗi nid bekkalkad aɗelkad ele ag geha na noomppa ɠagattag daaglag. Ao, ag buɗulkad amu, ag geha na noomppa hanhan daaglag,” awe ami.

Sam 104:15

Ee laa am muɗi grep meunu leppu, wain; wain amu he, danab nug gamag ahak dootte. Laa am olip ad meunu goɗen; danab ag aon beɗulag laaitteg ehanadtte. Laa am ee aeg bret haknu; ag ee aeg amu aon, bret hena lawona, ag ɠagattag aotteb.

Sam 13:5

Amge da nahip oo mauhaknab kobolnu oolppa genab doottem. Ao, da geha na ehaniɗppe padal ii mepanu gamag ahak dookkul.

Sam 28:7

Yawe Nug am dahil ɠagattagnu diig daatte. Nug am dahil guppiɗ. Da nuhignu oolppa genab doyeye, Nug da ehaniɗe, da gamag ahak doyen, ahi edette, “Ena heme,” attem.

Sam 33:21

Anam amunu, ig Nug, Nug am oppiaawak ele, ig nuhignu dabmeta, ig gamanig ahatte. Yo, Laa amu, ig nuhignu oonigppa genab doottem.

Sam 90:16

Na heppe, ig nahip maɗi nid, ig kobol danab haknu elele iitta na hettem amu, ig amu anidkkunignu oɗ medattem. Na heppe, ig buɗunkad ag nahip hak enanagnab anidkkulagnu unuqidttem.

Aisaia 25:9

Haen keeke amu beppeg, danab ah ag inam akkulag. “Antte! Imuam ihinig Kayak. Ig nuhignu oonigppa genab doomut, Nug ig ehanikke, ig padal ii memut. Ao, imuam Yawe, ig nuhignu oonigppa genab doomut, Nug ig padal mematanu ehanikkom amunu, ig oonig gamag huan ahaɗ!” Ag anam akkulag.

Aisaia 38:19

Danab bau daatteb, ag na onig okkai medatteb, ag ⌊baelkadppa aɗi amelagppa⌋ da gemu hettem bia, ag nahip ehanittak okkainu maditteb. Mamelkad ag nid naunau ahilkad amelagppa layag oo metta ii uuak kobol nahip na dim lamidnana, danab ah ehanadtteb ele amu, ag amunu ag amelagppa maditteb.

Aisaia 54:13

Danab ah oh Jerusalem daatteb, Juda laa oh ele amu, Yawe Nug ib tutukku ippuanatteb, ag maɗoɗnab daaglag.

Aisaia 66:14

Yawe Nug ahilagnu keeke oh hekku amu, ag anidna, ag oolag gamag eheɗnab ahakku. Ag am enanag, gikkiɗah ena bia, daaglag. Danab ag amu anidna inam dooglag; Yawe Nug laa ag Nug dim lamidtteb ele, ag am nuhikkud maɗi nid maɗi ah amu, Nug ag ehanadtte, amge Nug kekeɗ nuhikkud dilag amu oppoɗi bette.

Jeremaia 32:39

Ag, amu ag buɗub dimppa dokkulag ele, ag dahilnu ebehilag oh bodoetta le mekku dayeb amu, ag ena, elele daaglag. Anam amu, ag dahilnu ebehilag oh bodoetta le mekkunu da heppi, ag oolag unuqagppa, ahilag dabmakppa ele ag da noolppaib dup nona, da binal mekkulagnu, ag da oɗelib dim lamidkkulagnu dabmak anam daakku.

Esekiel 37:25

Ag anam henana, ag wan ag mamelkad aɗi daadppigppa, wan amu da Jakop mettami amu, ag amuppa daaglag. Ag, ag bekkalkad, ag alalkad uma ukkak ele ag hanhan wan amuppa daaglag. Ag anam daappeg, dahil maɗi nid Dawit, nug hanhan ahilag okkai daakku.

Joel 2:23

Yawe Nug hanhan genab tutukku hak kobol dim lamidtte amunu, Nug he, oug haen digmetteppa gu neum. Ao, Nug he, gu elelenab, oug haen digmetteppa, gakkaɗak haen digmetteppa ele, anukka neum bia, nette. Anam amunu, Sion danab ah ag gamalag ahaɗ! Ao, ag Yawe, ahilag Kayak, ag nuhignu gamag ahak okkai doyeg!

Habakuk 3:18

⌊Uug nau amu oh anam bena daaglagtai,⌋ amge da Yawenu gamag ahak dookkul. Ao, da Kayak, Nug da ehaniɗe, da padal ii mettem amu, da nuhignu ool gamag ahakku.

Sepanaia 3:14

O Israel danab ah Sion daatteb ag, ag ahi etteg! Ao, Israel danab ah oh, ag oolag gamag aheb, ag huan qalan eig! Ag Israel danab ah ag Jerusalem appa daatteb amu, ag meulag ohppa ele oolag huan gamag ahaɗ!

Sekaraia 12:8

Yawe Nug Jerusalem danab ehanatteb, kekeɗ eɗaɗkkulag, deɗ amuppa amu Nug aun aɗi Jerusalem daatteb, Nug amu dilag guppiɗ daakku. Nug ehanatteb, aun laa nug ɠagattag iittanab ele ag oolagppa daatteb, ag ɠagattag ahilag am Dawitnu bia oiglag. Amu Dawit buɗub ag Jerusalem danab ah gumadkkulag. Ahilag gumak, amuam tatam Yawenu engel laa ag omalatta gumattom, ag amubia gumadkkulag; Kayak gumadtte bia daakku.

Sekaraia 9:15

Yawe Nukka Ɠagattag Oh Ele Nug nuhikkud danab ah dilag guppiɗ daakku. Nug ehanatteb, ag ahilkad kekeɗ men katapulppa mena aqan eɗadkkulag. Danab wain lanan etteb, amubia Yawenu danab ag kekeɗ eɗadna ekkulag. Yawenu danab ag ahilkad kekeɗ tiilag huana gokkaɗkkulag. Mana mettak danab nug doɗ mana, Kayak medakkunu haaha, doɗ tiig qaɗab daugppa gokkaɗtte, kekeɗ tiilag amubia gokkaɗkkulag.

Sekaraia 9:17

Wan am enanag, neekkak enanag ele daakku. Anam amunu, ee aeg am heeb, nid danab ag enanag bena daaglag. Ao, wain bau am heeb, ah makkun ag enanag bena daaglag.

Luk 1:47

Padal ii maknu ehanittak dahil am Kayak. Da nuhignu maɗoɗppan gamag ahak doottem.

Jon 16:22

Anamnab aakku. Gemu amu ag oolagppa oo doyak ele daatteb, amge da geha ag eɗue anadkkul, amu haen amuppa ag maɗoɗppan gamag ahak okkai dooglag. Amu laa nug ahilag maɗoɗppan gamag ahak amu qeeb nekkunu elele iitta,” awa aum.

Aposel 13:33

amu haen Nug he, Jesus eɗua hibaittom, amuppa Nug ig, danab amu bekkalkad, Nug ihinignu aakku he, nai amu meu oum. Amuam nai Sam aɗitppa daatte bia. Nai amuam inam. ‘Na am da Bekkal; gemu amu, da na Mamen bemi daattem.’

Aposel 2:26

Diig amunu da ool gamag ahehe, da oo gamag ahak ahi edattem. Ao, da dimppa eɗuen hippaidkkulnu dabmak aɗe oikkul.

Aposel 2:39

Am Kayak Nug anukka nuhig Ouɗi ag, ag bekkalkad, amu wan laa adeppan danab ah, ag ele madakkunu nai qakka aum. Yo, Naɗi, ihinig Kayak, Nug aun aɗi ag onilagppa ette amu, Nug nuhig Ouɗi ag madakkunu nai qakka aum,” awa aum.

Pilipai 4:4

Ag Pilipai daatteb amu, ag hanhan Naɗinu maɗoɗppan gamag ahak doyeg! Yo, da baula ag amelagppa attem, ag hanhan maɗoɗppan gamag ahak doyeg!

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

1 Samuel 2:1

Hana nug Yawe binag ma mattiaya, nug inam aum. “Da Yawenu amu, da ool gamag ahatte. Nuhig ehanittakppa amu, da ɠagattag daattem. Yawe Nug he, da kekeɗ dahilad imadttem. Aɗinu? Nug da ehaniɗe, da amunu enanagnab doottem.