Sekaraia 10:5 - Nobonob Baibel

⁵ ⌊Juda⌋ ag ban danab ɠagattag, banppa ban ɠagattag hetteb bia daaglag. Ao, ag danab, ag ahilkad kekeɗ eheɗ eɗadtteb bia hekkulag. Aɗinu? Yawe Nug ag ele daatteb. Ge, ⌊Yawe ag ele daatteb, amunu⌋ ag ban ɠagattag hena, ag kekeɗ hosppa ban hetteb ele eɗadkkulag.

Sekaraia 10:5 ပူးပေါင်းရင်းမြစ်များ

2 Samuel 22:43

Da oɗoɗatti, ag wanppa gappud bia daappig. Ge, da danab nug gappud tate, ib daugppa gotte, amubia da hei, ag nauhppig.

2 Samuel 22:8

Nug unuqittak dahil doya he, wan uɗalala, hahaɗom. Ao, Nug doya he, hab ukku uɗalom. Amu hab wan ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

2 King 9:33

Jehu nug amelagppa aum. “Ag ah amu aon, buɗippeg naɗ!” awa aum. Awa a, aakku ag Jesebel aon, buɗieg no, Jehunu hos aa gaɗa amu tappaya ukkaeheh, Jesebel tiig ukka, lagnu gilil laitta, hos ele layatom.

Sam 18:42

Da oɗoɗatti, ag gappud ulah ehale gotte bia daappig. Ge, da danab nug gappud tate, ib daugppa gotte, amubia da hei, ag nauhppig.

Sam 20:7

Aabaab laa ag ena ɠagattag daaglagnu ag ahilkad ban daup, amu bannu keeke elenu oolagppa genab dootteb, amge ig amu, ig Yawe, ihinig Kayak, ig nuhignu oonigppa genab doottem.

Sam 33:16

King laa nug daup huanak eletai, amge daup amu ag akka ag king amu ehanidppeg, padal ii memanu elele iitta. Ban danab laa ɠagattagnabtai, nug nukka dabmak awa, ɠagattag nuhigppa, nugakka ehanitta, ena daakkunu elele iitta.

Sam 44:5

Na nahip ɠagattagppa ehanikke, ig ihinkad kekeɗ eɗadttem. Ib laappa anam ii hettem. Ao, na ig ehanigttem, diig amunu ig ihinkad kekeɗ eɗadttem.

Sam 45:3

O king ɠagattag ele, na nahip qep elab na heqonppa qakke! Ao, na king, na dagom onig ɠagattag okkai naɗi ele, na keeke amu lamen bia takke!

Aisaia 10:6

Anam amu, da Kayak, da heppi, Asiria danab, ag danab ah laa, danab ah amu ag dahilnu, dahil haknu ele uuak dootteb, ⌊am Israel danab ah aakku,⌋ da ag danab ah dahil amu bu mattaglagnu ahilag wanppa gokkulagnu gokkulag. Ao, da, Kayak, da Asiria ag danab ah amu ag oo nauhak da meɗatteb, ⌊am Israel danab ah aakku,⌋ da ag danab ah dahil amu dahil bu aoglagnu heppi, ag ahilagppa gokkulag. Da Asiria ag banelag gona, Israel dilag keeke, ahilag en ele aoglagnu heppi gokkulag. Yo, da Asiria ag gona, Israel eheɗ hattan, tappaladppeg noppeg, oɗoɗadna autna aoglagnu heppi gokkulag.

Aisaia 25:10

⌊Aɗinu ag anam akkulag?⌋ Yawe Nug geha Sion qauko anam ena atognokku, amge Moap aɗi, ag eheɗ naunab aoglag. Makau ag gikkiɗah qaɗaiettak tappan oinna biieg, gikkiɗah biiak ele kaboliak daatteb, kekeɗ ag Moap dilagnu amubia hekkulag.

Aisaia 31:1

Aun aɗi ag Isip appanu ehanittak aoglagnu dabmetteb amu, ahilagnu am gadonnab gadon. Ag bannu hosppa ⌊Isipnu⌋ ehanittak aoglagnu dabmetteb. Ag Isip dilag daup bannu karis kuɗum eleppa daan, ban hetteb doon amunu, bannu karis amuppa ehanittak aoglagnu oolagppa genab dootteb. Ao, ag Isipnu ban danab kuɗumnab hos attan daan oin, ban hetteb doon amunu, ahilagppa ehanittak aoglagnu oolagppa genab dootteb. Ag anam dabmetteb, amge ag Israel dilag Kayak Oppiaawak Ele, ag nuhig dabmak aoglagnu oɗ ii medatteb. Ao, ag Yawenu, ag ehanittak nuhigppanu aoglagnu ii dabmetteb. Ag anam hetteb amunu, ahilagnu gadonnab gadon.

Aisaia 41:12

Ag Israel ag heppeg, kekeɗ ag iitta mekkulag amunu, ag kekeɗ ahilkad anadkkulagnu laih laih neegkkulag, amge ag ag ii anadmana. Ao, laa ag ag ele ban hekkulag hetteb amu, ag Israel, ag heppeg, ag keeke iinab daatte bia daaglag.

Aisaia 41:25

Yawe Nug atte. “Da laa dabmak metten hei, laa amu nug yawalti uɗitteppanu aakku aha, yag bak doya uɗitte. Ao, da laa, nug appag diig aam bedeppa daatte amu, da laa amu hei aha, nug da unuqiɗtte. Danab laa amu nug danab lekkoh baegppa tabatte, nug amubia danab okkai he nauhtteb. Nug waa keeke hak danab tatam lekkoh baegppa tappe, kaboliak elele daye waa hette, danab amu nug danab okkai dilagppa anam hette.

Aisaia 8:9

Ag wan atu ohppan danab, ag ban hekkulagnu babaitteg! Amge ⌊Yawe Nug heeb,⌋ ag nauhkkulag. Ag danab ah oh wan uma umanu amu, ag oh ag daulag human, dabmetteg! Ag wan atu ohppan danab, ag ban hekkulagnu keeke oh babaitteg! Amge ⌊Yawe heeb,⌋ ag nauhna autna aoglag. Ao, ag wan atu ohppan danab, ag ban hekkulagnu keeke oh babaitteg! Amge ⌊Yawe heeb,⌋ ag nauhna autna aoglag. Ag ahan, ⌊Juda ele⌋ ban hekkulagnu dabmak naɗi aweg! Amge ⌊Yawe Nug heeb,⌋ ag nauhna autna aoglag. Ao, ag ahan ⌊Juda ele⌋ ban hekkulagnu maittak aon, ag nug ippunitteg! Amge ⌊Yawe Nug heeb,⌋ ag nauhna autna aoglag. Aɗinu? Kayak ig ele daattem.

Esekiel 38:15

Na aakku amunu dabmekkut amunu, na appan diig, wan amuam yawalti uɗitteppanu uma daatte amu, na appanu ahan uɗikkut. Na wanppan wan kuɗum laa danab ehanidtteb ele amu, ag oh ahan uɗiglag. Ag oh hos attan daanna uɗiglag. Ag daup huanaknab. Ag ban danab bodok iitta.

Amos 2:15

Ban danab nug lat ette ele amu, nug bittumttum gokku. Ban danab nug baegppa qaietta gotte ele amu, nug kekeɗ ii eɗadma. Ban danab hos attan ban haaha oitte ele amu, nug ele oola, bau ii daama.

Maika 5:8

Jakop buɗub ooppan oɗo yaak danab amu, ag wanppan wan ohppa daaglag. Ao, ag danab digdig oolagppa daan oiglag. Ag anam daan, ag laion atuppan doɗ dakkuɗ oolagppa daatte, ag amubia daaglag. Ao, ag laion bau sipsip oolagppa daatte, ag amubia daaglag. Laion bau anam amu, nug oiyaya, sipsip aqaaqa, guittak okkai madatta gotte, am aun laa nug sipsip amu ehanadkkunu elele? Laa iitta.

Maika 7:10

Yawe Nug anam heeb, ihinkad kekeɗ ag anidna, ag uɗa nak naunab nau dooglag. Ao, laa ag ig amenigppa, “Yawe, Nug am ahilag Kayak, Nug adeppa daatte?” appig ele amu, ag uɗa nak anam dooglag. Ag anam nena qekkulag, ig amenigppanab ahilag na qak anidkkunig. Ao, haen amuppa Yawe Nug heeb, danab lekkoh tappa gotte, amubia danab ag ihinkad kekeɗ baelagppa tappaladna oiglag.

Hagai 2:22

Da heppi, king laala dilag sia king nena qena, nauhak daaglag. Da heppi, wanppan ɗo maɗoɗ laala dilag ɠagattag am iitta mekku. Da heppi, bannu karis, danab lamidtteb ele ag nena qeppeg, hos, ban danab hos attan oitteb ele ag ele nena qekkulag. Amuam danab amu lailkad eppelagppa bekku.

Sekaraia 12:4

Deɗ amuppa da heppi, bannu hos oh ag eheɗnab baɗappeg, daup hos attan oinna ban hetteb amu, ag oh dabmak ahilag eɗatteb, ag kaaka daaglag. Ge, da Juda danab ah neekkatten atognoadkkul, amge da heppi, Juda dilag kekeɗ, ahilkad hos oh ag amelag gaɗuak daakku.” Yawe Nug anam awa atte.

Sekaraia 12:8

Yawe Nug Jerusalem danab ehanatteb, kekeɗ eɗaɗkkulag, deɗ amuppa amu Nug aun aɗi Jerusalem daatteb, Nug amu dilag guppiɗ daakku. Nug ehanatteb, aun laa nug ɠagattag iittanab ele ag oolagppa daatteb, ag ɠagattag ahilag am Dawitnu bia oiglag. Amu Dawit buɗub ag Jerusalem danab ah gumadkkulag. Ahilag gumak, amuam tatam Yawenu engel laa ag omalatta gumattom, ag amubia gumadkkulag; Kayak gumadtte bia daakku.

Sekaraia 14:13

Ag anam ban hekkulagnu uɗippeg, Yawe Nug heeb, ag eheɗnab baɗaglag. Yawe Nug heeb, ag eheɗ baɗappeg, ahilag dabmak eɗatteb, ag kaaka oinna, ag akka akka nug qak hekkulag.

Sekaraia 14:3

Kekeɗ ag amu hekkulag, amge Yawe Nug aha ukkeb, nug wan amu, ahilkad daup ele ban hekkulag; Nug bannu deɗppa banppa dayaya, ban hette, Nug anam bia ag ele ban hekkulag.

Sekaraia 9:13

Anam amunu, Juda danab ag dahil lat bia daaglag. Israel danab ag am lat doɗo dahil bia daaglag. Aab Sion am dahil qep elab bia daakku. Da heppi, ag Grik danab ele ban hena, ⌊eɗadkkulag⌋.” Yawe Nug anam atte.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Matyu 4:3

Enug qeeqe amu, eheɗ haknu oo eeɗak danab nuhigppa beum. Ba amu nug aum. “Na Kayak Bekka daattem dayeb amu na appe, men imu eɗua bret baɗ!” awa aum.

Luk 24:19

Nug anam awa a amu, Jesus Nug aa oɗ matom. “Aɗi keeke?” Awa a amu, aria aa Nug amegppa kobol oh Jesusnu heppig, aa amunu mattiya, inam apiɗ. “Jesus, Nasaret ted, Nug amu Kayaknu propet, Nug Kayak nai diig genab ɠagattag ele Kayak noobppa, danab ah amelagppa ele mattia mehuqa, Nug uɗat ɠagattag ele Kayak noobppa, danab ah amelagppa haaha oiyom.

Aposel 18:24

Pol nug anam heehe amu Juda danab laa, onig Apolos, nug anig aab laa onig Aleksandria, Isip wanppa appa menue dayeye ukke, Pol Epesusnu aha oiyeye, Apolos nug ukka Epesus dayom. Nug am doyak kuɗum ele, amu nug Kayak nai, Juda ag aɗappig ele, nug amu oh doyom.

Aposel 7:22

Anam he, Moses nug okkai ma amu, Isip dilag doyak oh doya malowa, nug danab, nuhig nai mattiak amu nuhig uɗat ele am ɠagattag, anam dayom.

2 Korint 10:4

Ban haknu keeke oh ig aɗattem amu, ag wanppan keeke iitta. Iitta. Ig aɗattem ele amuam Kayaknu ɠagattag ele, amuppa ig kekeɗnu ban haknu aben ɠagattag loppaɗttem.

Duteronomi 20:1

Haen ag ahilkad kekeɗ banelag gona, kekeɗ ag hos, bannu karis ele anadnana, ag ban danab, ahilag ebqak am ag eɗattak ele anadnana, ag aib baɗappig. Aɗinu? Yawe, ahilag Kayak, Nug ag Isipnu diia uɗiom ele, Nug ag ele daaglag!

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

2 Timoti 4:7

Da Jesusnu uɗat ena hein malen, da aɗi uɗat hekkulnu dayom amu hein, gogppa tein, da dahil ooppa genab doyak ele aɗami,

Josua 10:14

Genab, deɗ amuppa Yawe Nug Israel dilagnu, ag ban eɗadkkunu ehanatta, kobolnab heum amunu, deɗ anam bia laa, haen laal ii beum. Deɗ amuppa Yawe Nug Josua, Nug oɗ mettom amu, Nug amu heum, amge Nug kobol heum, anam bianab, laa dilagppa ii heum.

Josua 10:42

Yawe, Israel dilag Kayak, Nug nuhikkud danab banppa ehanattom amunu, haen tutu laippu amuppaib, Josua nug king appanu eɗattowa, nug wan amu oh awom.

Revelesen 19:17

Aria, da engel laa aam amegppa hibaitta dayeye anidmi. Dayaya, nug baag okkaippa, ai oh hab waappa hagagaɗppig ele, nug ag uɗin, king teppulag, ban daup ikki teppulag, danab ebehilagnab teppulag, danab amu hos ahilkadppa daappig ele teppulag, danab ah laa, laa ag begbeg maɗi nid iitta, laa ag begbeg maɗi nid, laa ag onilag ele, laa ag onilag iitta ele, amu oh teppulag ele lakkulagnu ag onilagppa ewa, inam aum. “Ag uɗin, Kayaknu ee lanak balalppa dayeg!” ewa aum.

1 Samuel 16:18

Saul nug ag amelagppa anam a, Saulnu maɗi nid laa nug Saul amegppa aum. “Da Betlehem ted Jesi bekka laa anidmi. Nid amu nug harp qaknu, enanag hette. Danab amu nug ooppa ɠagattag doyak ele; nug am banppa ban ena hette ele. Nuhig mattiak am ena; nug iɗu ele am tuqak ele. Laa ele amu, Yawe nug ele daattep,” awa aum.