Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sekaraia 1:8 - Nobonob Baibel

8 Da Sekaraia, da tuqan tulegleg laa anidmi. Tulegleg amuppa, da danab laa anidmi. Hos nug attan daya oiyom ele amu, hos amuam kokoɗ. Amu danab amu nug ad mirtel kuɗum oolnu noak nakokppa daappig, nug ad amu oolagppa hibaitta dayom. Danab amunu hos dimugppa amu, hos laala ele daappig. Hos amu laala am kokoɗ, bedupped, hakkab ele. ⌊Amu hos anen anen ohppa danab laa attan ta dayom. Aria, ad mirtel amu oolagppa Yawenu engel ele dayeye anidmi.⌋

အခန်းကိုကြည့်ပါ။ ကော်ပီ




Sekaraia 1:8
26 ပူးပေါင်းရင်းမြစ်များ  

Awom, amge dimppa Kayak Nug tulppa Abimelek amegppa aum. “Na ah aome ele amu, nug danab ele amunu, na mauhme daattem,” awa aum.


Aria, tuqan tuleglegppa Kayak Nug Jakop amegppa, “Jakop, Jakop,” awa aum. Nug anam a, Jakop nug aum. “Da ina; aɗitai, appe dookkul,” awa aum.


Solomon nug anam ha, nug tuqan Gibeon appa niieye, Yawe Nug tul niiakppa gumitta na, amu Kayak Nug aum. “Na aɗi keeke da medakkulnu oot hette amu, na appe doyei!” awa aum.


Ag amu anidna, Yawe Nug ag nai laa imu Israel danab ah dilag aab ohppa, Jerusalem appa ele inam meppeg gokkunu aum ele anidppig. Nai am inam. “Ag Israel danab ah oh, Pehppa Dayaknu Hobulppa daaglagnu haenppa ag ahan, aab dimittim qauko qaukoppa gona, appa ag olip ad ebekkud, olip dakkuɗ ebekkud, ad mirtel ebekkud, ad pam ebekkud, amu ad laala lokko ena ele eppelkad okkuladna, peh hekkulagnu aon uɗieg!” Kayak nai amu Moses bukppa yom amu, ag eɗun anidppig.


Tuqan danab huana niitteb haenppa, haen amuppa da tul niimi. Da tul niimi, amge tul niiak amuppa da oolppa maɗoɗ ii doyeye,


Laa nug dahilnu oo mauhtte ele, nug am dahil daatte; da amu, da nuhig daattem. Doɗ gasel ag gikkiɗah, bala onig lili gamagppa daatte, gasel ag appa gikkiɗah aon latteb. Laa nug dahilnu oo mauhtte ele amu, nug doɗ gasel bia, da am bala lili bia daattem.


Laa nug dahilnu oo mauhtte ele amu, nug dad nuhigppa ukkom daatte. Nug dad laa, amuppa spais oh daattebppa ukkom. Nug dadppa hamu oiyaya keeke andatta, lili bala ele diikkunu ukkom.


Atu taɗakppa da heppi, ad digdig, amuam ad sida, ad akasia, ad mirtel am ad olip ele, ad amu ana bekkulag. Ao, wan meu waknu nakokib elele, appa da heppi, ad digdig, amuam ad pain, ad saiprus, ad fir ele, ad amu aakku bekkulag.


Ahilag wanppa, wan laih laihppa, ad naunau qaun ele beppigppa amu, ad pain, ag aguppa bekkulag. Ao, wan laih laihppa, keeke qaun ele beppigppa amu, ad mirtel, ag aguppa bekkulag. Ag bena, Yawe Nug heumnu at daanna, anamib daaglag. Laa nug heeb iitta ii mema.


Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.


Daniel amelagppa anam mattia male, tuqan Kayak he, Daniel nug kingnu tul niiak amu tuleglegppa anttom. Nug antta aha, nug Kayak, hab attan daatte, nug Nug binag meum.


Da tuqan tulegleg anidmi, amuppa da neekki ukke, da noolppa laa nug danab bekka bia, nug lombig hab waappa daatteb, nug amuppa dayaya uɗieye anidmi. Nug ukka, Kayak Hanhan Daatte guguitta ukke, laa ag omaleg, Nug gumittanab ukkom.


Nug inam yom. “Da, Daniel, da tuqan tulegleg laa antten, tulegleg amuppa da neekki ukke, ulah waɗele, am yau, yawalti, qaban, kaɗag ele, ag oh uɗin iwalegeg, yu naɗi koɗkoɗ eheɗ qeum.


Nug anam a, danab ad mirtel oolagppa dayom ele, nug aum. “⌊Laa hos attan daatteb amu,⌋ ag am laa, Yawe Nug ag wan atu ohppa gokkulagnu tituanatte goppig,” awa aum.


Nug anam a, laa hos attan daappig ele ag Yawenu engel ad mirtel oolagppa dayom amegppa appig. “Ig wan atu ohppa oitta, maɗoɗib daatte anidmut,” aon appig.


Amu Darius nug Persia dilag king dayaya, nuhig king dayaknu maɗ aɗitppa, kalam 11, onig Sebat, kalam amunu deɗ 24ppa Yawe Nug nuhig nai propet Sekaraia mettom. Sekaraia am Berekia bekka. Berekia nug am Ido bekka. Nai Yawe Nug Sekaraia mettom am inam.


Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.


Nug aum. “Aa nai dahil doyeɗ! Haen dahil propet danab laa ag oolagppa daatte amu, da Yawe, da tuleglegppa da diil, dahil nai ele nug ippunidttem, tul niiakppa da nug amegppa nai madittem.


Deɗ laa Josua nug ukka, Jeriko gukkuittak daya, nug ameg huma, danab laa nug Josua noobppa hibaitta dayeye anttom. Danab amu nug qep elab laa eppegppa aɗa dayom amunu, Josua nug gumitta ta, oɗ metta aum. “Na ihinig ban danab laa daattemte, iitta na kekeɗ ihinignu ban danab laate?” awa oɗ mettom.


Nug anam ana, Nug nai tuɗitta Jon amegppa aum. “Na nai da attem imu Epesus Kristen tamaniaknu ikki danab, nuhignu inam ye! Nai imu, laa Nug hoɗoppai eblaih aɗit ele eppeg naɗiap-ppa aɗalattatta, lam maknu balal eblaih aɗit ele oolagppa oitte amu, nuhigppanu uɗitte.


Nug anam a, da neekki ukke, hos hakkab laa anidmi. Danab nug hos attan dayom ele amu nug lat ele aɗom. Nug king haɗ laa eppegppanu awom. Nug ban eɗadkkunu elele amunu, nug ban kuɗumnab eɗadkkunu ukkom.


Da dooi amu hos kokoɗ doum. Danab nug hos amu attan dayom, amu ag nug ɠagattag, ɠagattag amuppa nug wanppa danab oh dilagppanu maɗoɗ kobol amu eɗua aweb, ag akka danab ah laa aqappeg mauhkkulagnu, ɠagattag amu medappig. Amunu nug uɗat amu hekkunu qep okkai elab medappig.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ