Sekaraia 1:16 - Nobonob Baibel

¹⁶ Diig amunu amu, Yawe Nug inam atte. “Da Jerusalem danab ah dilagnu, ⌊Juda laa oh dilagnu ele⌋ ool gai-iitta doye, ool matte ehanadkkulnu eɗuen uɗimi. Da heppi, danab laa ag dahil mettid lag eɗun bappaidna, Jerusalem ele eɗun bappaidkkulagnu dabmak aoglag.” Yawe Nukka Ɠagattag Oh Ele Nug anam atte.

Sekaraia 1:16 ပူးပေါင်းရင်းမြစ်များ

Job 38:5

Aun nug wannu okkai attem daakkunu dabma, at meum? Na amu doottemte? Ge, aun nug melemel meum?

Aisaia 12:1

Haen amuppa amu ⌊Israel danab ah, Juda danab ah ele ag oh laib laib⌋ geha ahi inam ettan akkulag. “O Yawe, na dahilnu oot nauhom, amge gemu nahip oo nauhak amu na uume. Ao, na uunna, nai ena da meɗan oo mak meɗame amunu, da na binan humakkul.

Aisaia 34:11

Atu taɗakppanu hipunai, ag appa daappeg, hipunai gayak baag eheɗ ele, ag ele appa teɗ mekkulag. Hipunai okkai, ai alɗal ele, ag appa teɗ mekkulag. Kayak Nug heeb, Edom wan am nauha autanab aokku. Ao, Nug heeb, wan nauheb, danab ah appa ii daamna.

Jeremaia 30:18

Amu Yawe Nug inam atte. “Da Jakop buɗub, da ahilagnu ool doyeb, ool matten ehanadppi, ag eɗun, ag wanelagppa ag laulkad eɗun bappaladna daaglag. Aab okkai Jerusalem am nauhakib daakku, amge ag eɗun, nuhig kinipan ameg hume takppa, appa ag aab eɗun bappaidkkulag. Ag aab bappaidna, ag kingnu lag enanagnab nuhig abenppa eɗun bappaidppeg daakku.

Esekiel 40:3

Amu tuleglegppa Kayak omaiɗe, appa ukken, danab laa anidmi; nug beɗu anttaknu am bras bia. Danab amu nug aben amunu aɗ odppa dayaya, nug eppegppa melemel laa linen muɗippa hak, amu melemel laa adppa hak ele aɗalatom.

Esekiel 47:3

Amu da anam anitti, danab amu nug melemel doyaknu muɗi eppegppa aɗa ugakka, nug melemel me ukke, 500 mita batak aam bedeppa ukkom. Nug anam ukka, nug da omaiɗe, le amu mataɗmi; le amu, noa ukkak nuhig am da bael baag batak dayom.

Esekiel 48:35

Anam amunu, aab okkai amunu talilittaknu melemel oh am 9,000 mita. Haen amuppa digmeeb, ii tuqa awakppa aab amunu onig am, Yawe Nug Ana Daatte, daakku.”

Hagai 1:14

Anam amunu, Yawe Nug he, Sealtiel bekka Serubabel, nug Juda dilag gawana, Jehosadak bekka Josua, nug mana mettak ikki danab, aa, Juda danab ah oh ag oɗo yaak danab ah daatteb, ag ele, ag oh yagbak doon, ag lag amu hekkulagnu ahappig. Ag ahan uɗin, Yawe Nukka Ɠagattag Oh Ele, ahilag Kayak, ag Nug laug eɗun bappaidna heppig.

Sekaraia 10:6

Yawe Nug atte. “Da Juda danab ɠagattag madakkul. Ao, da Israel danab ele ehanadppi, ag padal ii memana. Da ahilagnu oo bodoetta le mak doottem amunu, da heppi, ag eɗun, ahilag wanppa uɗin daaglag. Da matu geɗadmi, amge da am Yawe, ahilag Kayak amunu, haen amuppa ag da deɗ laa ii geɗadlom bia daaglag. Da ahilag unuqittak doyen ehanadkkul.

Sekaraia 2:4

engel da ele nai mattimuɗ nug engel laa amegppa aum. “Na paha gona, nid bau melemel doyaknu muɗi aɗatte amu, na nug amegppa inam appe doyaɗ! Deɗ laa dimppa danab ah huanak, doɗ manan ele Jerusalem appa daaglag. Ag kuɗumnab Jerusalem daaglagnu henana, ag oh aab ooppa daaglagnu elele iitta amunu, kuɗum ag aabnu aɗ dimittim daaglag.

Sekaraia 2:5

Amu Yawe Nug atte. Aab laa aɗ iitta, amge aab ewak hanhan aab amu talilitta ewawa dayaya, aab amunu aɗ daatte, amubia da dakka, da Jerusalemnu aɗ daakkul amunu, diig amunu laa ag aab amuppa, aab amunu aɗ dimittim daaglag ele ag enaib, maɗoɗ ele, qagaiettak iitta ele daaglag. Amu da, da aab amunu binag amahlak oppiaawak ele daakkul, awa atte.” Engel laa nug engel laa amegppa nid amu amegppa anam akkunu aum.

Sekaraia 2:6

Amu Yawe Nug atte. “Ag Israel danab ah, kekeɗ ag heeg, ag matatun gona, laih laih daatteb ele amu, ag eɗun uɗieg! Ag yawalti uɗitteppanu uɗieg! Aɗinu? Da hei, ag ulah waɗele uɗittebppanu, amuam kaɗag, yau, qaban, yawalti ele amu, ag aben amu ohppa matatun gona daatteb, ⌊amge ehanittak dahilppa ag aben amu ohppanu ahan, eɗun uɗieg!⌋” awa atte.

Sekaraia 4:9

“Serubabel nug mettid lag imunu ukku menppa haknu am aakku heum, nugib lag amu ha malakku amunu, qinob nai amu meu ob, dahilad danab ah ag da Yawe Dakka Ɠagattag Oh Ele, da na Sekaraia, da na meitte uɗime dooglag.

Sekaraia 8:3

Amu Yawe Nug laa ele inam atte. “Da eɗuen, qauko Sion appa ukken, da Jerusalem daakkul. Da amu heppi, danab laa ag Jerusalemnu, aab okkai amu onig am Yawe Dim lamittaknu Oo Metta Ii Uuak Kobol, akkulag. Amu qauko Sionnu, qauko amuam Yawe Nukka Ɠagattag Oh Elenu amu, ag qauko amunu, qauko amu onig am, Qauko Kayaknu Tituanak Daatte, akkulag,” awa atte.