Sam 96:7 - Nobonob Baibel

⁷ Ag wanppan wan anen anen ohppan danab ah ag Yawe, Nug binag amahlak oppiaawak ele, ɠagattag ele amu, ag amu doyeg! Ge, ag amu doyeg!

Sam 96:7 ပူးပေါင်းရင်းမြစ်များ

Sam 22:27

Wan oh geha Yawe doona, Nug dim lamidkkulag. Yo, danab ah wan ohppan ag Nug noobppa dup nokkulag.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Luk 2:14

“Kayak Nug attannab daatte; ig Nug binag amahlak oppiaawak ele metu! Wanppanu danab, ag nuhignu daatteb amu, ag maɗoɗ mattom,” aon appig,

1 Pita 5:11

Ɠagattag oh nuhigppa hanhan alet ele dayaɗ! Genab.

Revelesen 14:7

Nug baag okkaippa aum. “Ag Kayaknu ebehilkad oh bodoetta le meeb, ag Nug binag amahlak oppiaawak ele Nug metteg! Aɗinu? Nuhig hettoɗiakppa danab ah epeɗiadkkunu haen aakku neum. Ag laa Nug hab, wan, yu, le, amu le qeppuɗiattak ele he beppig amu, ag Nug noobppa dup nona binag meig!” awa aum.

Revelesen 19:1

Keeke amu oh dimppa da danab ah ameg naɗi baalag okkaippa hab aabppa eegeg doomi. Ag inam eppig. “Ig Kayak binag metu! Padal ii maknu ehanittak, binag amahlak oppiaawak ele, amu ɠagattag ele ihinig Kayak, nuhigppa dayaɗ!

Revelesen 19:6

Nug anam a amu, da keeke laa danab ah kuɗum baalag bia, am le okkai buɗuɗuppa noawa oqotti otte amubia, amu hakkaɗ okkai qa aɗeɗe neene, oqotti otte, da amubia dooiyi amu ag enana appig. “Naɗi Kayak Nukka Ɠagattag Oh Ele ihinig Nug King daatte amunu, ig Nug binag metu!

Revelesen 5:13

Ag anam ettaeg, da keeke oh Kayak Nug hattom, amuam keeke hab attan daatteb, wanppa daatteb, wan unuqag daatteb, amu yuppa daatteb ele baalag doomi. Keeke amu oh aben amu ohppanu ag inam ahi edappig. “Kayak Nug sia king ⌊anuqak,⌋ appa daatte, Sipsip Nag ele amu, onig okkai, binag mak, binag amahlak oppiaawak ele, amu ɠagattag oh ele ahilahppa hanhan alet ele dayaɗ!” aon appig.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

Revelesen 7:12

Ag binag mena appig. “Genab, anam dayaɗ! Onig okkai, binag amahlak oppiaawak ele, doyak dabmak ena ele, ena heme anak, binag mak, ɠagattag oh, amu ebehi ele hanhan alet ele ihinig Kayak, nuhigppa dayaɗ! Genab.”