Sam 96:4 - Nobonob Baibel

⁴ Aɗinu? Yawe Nug onig ɠagattag ele, laa oh eɗattak daatte. Ao, Nug danab ah ag Nug binag mekkulagnu elelenab daatte. Ge, danab ah ag nuhignu ebehilag oh bodoetta le mekkunu elelenab daatteb. Kayak laa anam laa ii daatte.

Sam 96:4 ပူးပေါင်းရင်းမြစ်များ

2 Stori 2:4

Da digmein, Yawe, dahil Kayak, da nug laug laa buukkulnu hettem. Da lag amu nuhignu tituane medakkulnu hettem. Lag amuppa amu, ag kalu danab ile muttuɗig enanag bette ilaglag; ag bret Kayaknu tituana mettak daatte hanhan, Sabat bekkunu heebeb, balal laa Kayaknu mettid lag, amuppa daatte, ag bret amuppa mekkulag; aria, ag hanhan buttua, tueb, Sabat deɗppa, kalam bau betteppa, amu hobul dayaknu haen epeɗiakppa ele, Yawe, ihinig Kayak, Nug ippuanattom bia, ag manaknu ofa ele hekkulag. Ɗo amuam ig Israel, ihinignu hanhan daakku.

Nehemaia 9:5

Ag anam heeg, Lewi buɗubppan mana mettak danab iitta, ag oolagppan laa onilag Jesua, Katmiel, Bani, Hasapnea, Serebia, Hodia, Sebania, Petahia ele, ag appig. “Ag oh ahan hippaidna daan, ag Yawe, ahilag Kayak, ag Nug binag meig! Nug hanhan daatte. Nug digmak iitta, batak ele iitta,” appig. Ag anam awona, ag tuɗidna, Yawe amegppa appig. “O Yawe, na binan amahlak oppiaawak ele, amu danab ag na onin dabmenan humappeg, attannab, itittak ena oh, binag mak oh eɗittak daakkunu oonig daatte,” aon appig.

Sam 145:3

Yawe Nug am onig, ɠagattag okkai ele. Nug danab ah ag Nug binag mekkulagnu elelenab daatte. Auntai laa nug Nug onig, ɠagattag okkai ele tutukku dookkunu elele iitta.

Sam 150:2

Nug uɗat okkai, ɠagattag ele heum amunu, Nug binag meig! Ao, Nug am okkainab. Laa nug okkai amubia ii daatte amunu, ag Nug binag meig!

Sam 18:3

Da Yawe onigppa eiyi, Nug kekeɗ eɗilna aɗaelmananu ehaniɗe, ag ii eɗiltteb. Nug ig danab ah, ig Nug binag mekkunignu elele daatte.

Sam 48:1

Yawe Nug onig okkai ele; danab ah ag Nug binag mekkulagnu elelenab. Nug onig aab okkai Jerusalem appa meum daatte. Danab ah ag Nug appa binag mekkulagnu daatte. Ge, ag nuhig qaukoppa, Nug binag mekkulagnu daatte. Qauko amuam nuhignu tituanak daatte.

Sam 66:3

Ag Kayak amegppa inam aig! “Keeke na hattame am enanagnab. Danab ag amu anadna, ag ebehilag oh bodoetta le mette. Ɠagattag nahip am okkainab, amu nahip kekeɗ ag amu doona, ag baɗana, na noomppa gatelag qaun ona daatteb.

Sam 66:5

Kayak Nug keeke digdig danab ehanadkkunu heum amu, ag dona antteg! Kayak uɗat heum imu danab ag anadna, ag ebehilag oh bodoetta le mette.

Sam 76:7

Danab ah ag na huana baɗidttebnu diig am miagib daatte! Haen na oppoɗin bette amu, aun nug na noomppa hibaitta daakkunu elele?

Sam 86:10

Ag amu hekkulagnu diig am, na onin ɠagattag ele, na kobol danab hekkunu elele iitta okkai okkai hettem. Na aakkuib am Kayak.

Sam 89:7

Danab ah Kayaknu oppiaawak ele daatteb, ag laippu qagmena amu, ag Kayaknu ebehilag oh bodoetta le mak dootteb. Laanu iitta. Ao, laa Kayak talilidna daatteb ele amu, danab nug ag anatteb, nug ebehi oh bodoetta le mekku, amge laa nug Kayak antteb, nug ebehi oh bodoetta le ma auta autanab aokku.

Sam 95:3

Aɗinu? Yawe Nug am Kayak onig, ɠagattag ele. Ao, Nug king. Nug kayak laa oh eɗattak, attannab daatte.

Eksodas 18:11

Gemu da doottem, Yawe Nug kayak laa oh eɗattak. Aɗinu? Haen Isip ag beɗuppa tak kobol nau dim lamidnana, ag Israel eheɗ nau hattegeg, Nug Israel ena ehanatta, Isip danab eppelagppanu eɗua diiom,” awa aum.

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Daniel 2:47

Nebukatnesar nug anam ha mala, nug Daniel amegppa aum. “Genabnab genab, nahip Kayak Nug kayak laa oh eɗattak daatte; Nug king laa oh dilag okkai daatte; Nug dimppa aɗi bekkunu daatte danab ippunadtte. Aɗinu ⌊ig amu doognignu elele⌋? Nug he, keeke lokkumak dayom imu amu, na he, miag atiom,” awa aum.

Luk 12:5

Amge ag aun baɗidkkulagnu amu, da ag ippunadkkul. Laa nug danab qeeb mauheb, buɗieb padal mak abenppa gokkunu ɠagattag ele amu, ag nuhignu baɗeg! Ao, da ag amelagppa attem, ag nuhignu baɗeg!

Revelesen 15:4

O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.

1 Samuel 4:8

Gadonnab gadon! Uug nau aakku tonikkom daatte. Kayak uɗippig ele amu, ag am kayak ɠagattag ele. Ag heeg, uug naunab kuɗum Isip danab ah ele aqe ukke, atu taɗakppa gogppa te, ag nauhna autna aoppig. Aun nug kayak amu eppelagppanu awigkku? Laa iitta!” aon appig.