Sam 96:2 - Nobonob Baibel

² Ag Yawenu ahi ettan, Nug onig humeg! Deɗ ohppa ag laa amelagppa, “Yawe Nug ig padal mematanu ehanigtte,” aon aig!

Sam 96:2 ပူးပေါင်းရင်းမြစ်များ

1 Stori 29:20

Dawit nug anam unuqitta, nug eɗua danab qagmeppig ele amelagppa aum. “Ag Yawe, ahilag Kayak, ag Nug binag meig!” awa aum. Nug anam a, danab oh ag Yawe, ag mamelkad aɗi dilag Kayak, ag Nug binag meppig. Ag amu hewona, ag Nug noobppa, Dawit noobppa ele gatelag qaun ona, gomelna autna aona, ag iɗulag wanppa mena daappig.

Sam 103:20

Engel ag, ag Yawe humitteg! Ao, ag engel aun aɗi ag ɠagattag ele, ag Nug aɗi keeke hekkulagnu atte dooglagnu daulag human daan hetteb ele amu, ag Nug binag meig!

Sam 145:1

O Yawe, na am dahil Kayak, na king. Da geha na binan okkai, attannab humakkul. Yo, da geha hanhan na onin attan humakkul.

Sam 145:10

O Yawe, keeke oh na hattame amu, ag geha na binan mekkulag. Ao, danab ah nahipad ag nahipnu oo metta ii uuak kobol dim lamidtteb ele, ag geha na onin attannab humaglag.

Sam 145:2

Deɗ oh da geha na onin humeme, da geha na binan okkai hanhan attan humakkul.

Sam 40:10

Da nahip genab tutukku hak kobol da oolppa ii tonai daatte. Iitta. Ao, da nahip oo metta ii uuak kobol na dim lamidttem, aria na danab ah ag padal memananu ehanadttem, kobol nahip amu ele amu, da amunu Israel dilag tamaniak amelagppa madittem. Ge, haen ag qagmeegeg, da nahip oo mauhaknab kobolnu, amu nahip doyak diig genabibnu ele madittem.

Sam 71:15

Na kobol enanagnab kuɗumnab, da oh doyadkkulnu elele iitta hettem amunu, da na keeke genab tutukku hettemnu oh amelagppa akkul. Yo, deɗ oh amun tuqan ele da laa amelagppa na danab ah nahipad padal memananu ehanadme akkul.

Aisaia 40:9

O Sion danab ah, ag nai ena madippeg, laa dooglagnu maɗi ahilagppa daatte, amunu ag qauko laa attan teig! Ao, Jerusalem danab ah, ag nai ena madippeg, laa dooglagnu maɗi ahilagppa daatte amunu, ag qalan, enan mehuqeg! Ag qalan ena akkulagnu aib baɗappig. Ag, “Ahilag Kayak Nug uɗitte,” anana, Juda aab okkai, aab nakok ele ooppan danab ah appeg doyeg!

Mak 16:15

Daulag batowa, Nug ag amelagppa aum. “Ag ahan, wan atu ohppa gona, dahilnu Nai Ena danab oh amelagppa mehuqeg!

Aposel 13:26

O lailad, ag laala Abraham buɗubppan danab, amu ag laala iitta aɗi danab ag Kayaknu ebehilag oh bodoetta le mette amu, ag oh doyeg! Kayak Nug danab eɗua diiadkkunu aum amu, Nug ig oh, ihinignu aum.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Revelesen 5:13

Ag anam ettaeg, da keeke oh Kayak Nug hattom, amuam keeke hab attan daatteb, wanppa daatteb, wan unuqag daatteb, amu yuppa daatteb ele baalag doomi. Keeke amu oh aben amu ohppanu ag inam ahi edappig. “Kayak Nug sia king ⌊anuqak,⌋ appa daatte, Sipsip Nag ele amu, onig okkai, binag mak, binag amahlak oppiaawak ele, amu ɠagattag oh ele ahilahppa hanhan alet ele dayaɗ!” aon appig.