Sam 94:3 - Nobonob Baibel

³ O Yawe, nau hak danab ag eheɗ hena, gamag ahak huananab dootteb; amu haen gane laa ele ukkebeb, am anam daakku? Ge, haen gane laa ele ukkebeb, ag anam hekkulag?

Sam 94:3 ပူးပေါင်းရင်းမြစ်များ

Esta 7:10

King nug anam aum amunu, ag Haman aon, balal attan danab aihaknu nug Mordekai aihkkunu heum, amuppa aihppig. King nug anam ha, nug baula oppoɗi bak ii doye, ameg kokoɗ eppak ele ii dayom.

Esta 7:6

King nug anam oɗ mette, Esta nob ma aum. “Ihinig kekeɗ, laa nug anam hekkunu hette am, danab nuhig kobol uɗig wak ele, am Haman iikku, nug hette,” awa aum. Esta anam a amu, Haman nug king, kuin ele noolahppa baɗak eheɗ nau ele dayom.

Job 20:5

Kobol amuam inam. Nau hak danab ag wanppa daan, deɗ laala ag gamag ahak dootteb, amge gamag ahak amuam haen tutuib daatte. Ge, Kayaknu nuhig haknu ele uuak danab ag ahilag gamag ahak haen tutuib daatte.

Sam 43:2

Aɗinu? Na am dahil Kayak, na aakkuib am dahil padal mak eɗitteb ena dayaknu ehanittak daattem. O Kayak, na da uuiɗme, bael laippu daattemnu diig am appe dookkulnu ool daatte. Da gai-iitta daaiyi, dahil kekeɗ ag da eheɗ heiɗegeg, da mahieye oittem amu, na amunu diig appe dookkulnu ool hette.

Sam 73:8

Ag danab ah laa hippelag qakkanna, ag nai nau maditteb. Ag am beɗuppa tak kobol henana, ag laa, ag ag oɗelag ii dim lamidkkulag dayeb amu, ag eheɗ hadappeg, ag oɗelag dim lamidkkulagnu atteb.

Sam 79:5

O Yawe, na ihinignu oot nauhom daatte; amu haen gane laa ele ukkeb, am nahip oo nauhak am bodoedakku? Nahip oo nauhak am hanhan daakkute? Ao, na ihinignu dahil doya laa aomanu doyak aɗan daattem. Anam amu, oo aeg bak amuam aab ewak bia diditte, am haen gane laa ele ukkeb, nahip oo aeg bak amu am iitta mekku?

Sam 80:4

O Yawe Kayak Nakka Ɠagattag Oh Ele, na nahipad danab ah dilag unuqittaknu oo nauhak doottem; amu haen gane laa ele ukkeb, oo nauhak amu iitta mekku?

Sam 89:46

O Yawe, na nakka na lokkumidttem; amu haen gane laa ele ukkeb, na amu ii hemana? Na hanhan na nakka, na lokkumidkkutte? Nahip oppoɗi bak am aab diditte bia daatte; amu haen gane laa ele ukkeb, nahip oppoɗi bak am anam ii daama?

Jeremaia 47:6

Ag gaanna, ⌊kekeɗ ag Yawenu qep elab bia daatteb dabmena, qep elab nai doolo bia qep elab amegppa⌋ akkulag. “O Yawenu qep elab, na hik ii aottem. Na danab ah aqadkkutnu ii uuttem; amu haen gane laa ele ukkeb, na hik aon, aqaknu uɗat uukkut? Na eɗun, gaɗan nahip-ppa nona daye! Ao, na toettan, manin daye!” aon akkulag.

Habakuk 1:2

Habakuk nug Kayak amegppa inam unuqittom. “O Yawe, da na ehanigkkutnu haen elab unuqittette daami, gemu ele hettem, amge na da oɗelppa ii aottem; amu haen gane laa ele ukkeb, na da oɗelppa aokkut? Da na amenppa, ‘Laa ag laa dilagppa guittak nau mauhnoak mettak kobol dim lamidna, eheɗ heigtteb,’ attem, amge na ii ehanigttem; amu haen gane laa ele ukkeb, na ig ehanigkkut?

Revelesen 6:10

Anattitti, ag baalag okkaippa enana appig. “O Naɗi Nakka Ɠagattag Oh Ele, na am oppiaawak, kobol genabib dim lamidttem. Na haen ganeb danab wanppa daatteb, ag ig na ii uuittut, iqaeg mauhmut ele amu, na haen ganeb ag heppig amunu epeɗiadna, ig tiinignu nob ahilagppa eɗukkut?” aon appig.