Sam 92:7 - Nobonob Baibel

⁷ Dabmak ag ii dootteb ele amu inam. Nau hak danab ag gikkiɗah enanag bette, amubia betteb. Yo, danab ah ag nau hetteb ele, ag enanag anam betteb. Amge ag padal mena autna aoglag.

Sam 92:7 ပူးပေါင်းရင်းမြစ်များ

Job 12:6

Danab laa ag ban hena, laa guittak mettanna, ahilkad keeke aotteb ele, ag maɗoɗ ele daatteb. Ao, laa ag ahilag hakppa heeg, Kayak oppoɗi bette ele, ag baɗak iittappa daatteb. Ag ahilag kayak hambuppuak eppelagppa aɗan maon oitteb.

Sam 37:38

Anam amge hipunin danab amu, Nug heeb, ag padal mekkulag. Ao, nau hak danab ah, ag buɗulkad iitta daaglag.

Sam 73:12

Amuam nau hak danab ah dilag ib aakku. Ag wanppa bau daan oiyegeg, uug ii aqeeqe, ag en okkai aonnaib daatteb.

Sam 73:22

haen amuppa da kobol kaaka, doyak iitta ele hemi. Ge, da doɗ, dabmak iitta ele, amubia daami.

Sam 94:4

Ag am beɗup tak danab nau daan, ag beɗup tak danab ah nau bia nai maditteb. Ao, nau hak danab ah ag dada danab dilag nai mattinna daatteb.

Prowerb 1:32

Aɗinu? Danab ah ag doyak ii awak ele daatteb amu, ag ahilag eheɗ hakppa mauhkkulag. Ao, danab ah ag Kayak dab-ii-menan ii dim lamidtteb ele, ag kaaka bia oinna, uug laa iinab bema anana oitteb ele amu, ahilagppa padal mak aakku bekku.

Aisaia 37:27

Appan danab ah ag ahilag ɠagattag iitta me, ag oolag uug nau qe, ag uɗalag neum. Ag am datta keeke eppak, keeke amu digma baaba, gai-iitta daatte bia daappig. Ao ag gikkiɗah aben laa wan teppu iittanabppa appa be, ulah gakkaɗak nau uɗia he, okkai ii meum haenppa bunaɗtte, ag amubia daappig.

Malakai 3:15

Anam amunu, ig inam attem. Beɗuppa tak danab ag itittak ena aon oitteb. Laa ag eheɗ hetteb, ag en okkai aotteb, am laa ag Kayak Nug ahilagnu eheɗ hekkunu, Nug amegppa atteb ele amu, ag uug laa ii anidtteb amunu, ig anam attem. Ag dahilnu anam atteb.” Yawe Nug anam atte.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

1 Pita 1:24

Kayak naippa nai amunu inam daatte. “Danab oh ag gikkiɗah bia daatteb, binag amahlak oppiaawak ele ahilkad am bala haɗag bia daatte. Gikkiɗah qaɗaiedatte, haɗag oh mauɗna, nena qetteb,