Sam 92:5 - Nobonob Baibel

⁵ O Yawe, na kobol danab laa hekkunu elele iitta kuɗum hettem! Ao, nahip dabmak am unuqagnab noak daatte.

Sam 92:5 ပူးပေါင်းရင်းမြစ်များ

Sam 104:24

O Yawe, na keeke digdig kuɗum hattame! Na nakka nahip doyak dabmak ena okkai amu uɗat mettan heme! Na keeke amu hattana hee, wan atu ohppa doɗ, amu keeke laa oh ele ambak daatteb.

Sam 111:2

Yawe Nug keeke okkainab hette. Danab ah ag nuhig uɗatnu enanagnab dootteb ele, ag nuhig haknu tutukku dabmenan oitteb.

Sam 139:17

O Kayak, nahip dabmak dahilnu amu, da amunu enanagnab doottem. Dabmak amuam kuɗumnab! Da ebqelomlob amu, ihinu ebqak amu eɗittak daalo. Da niioya ahattem amu, na eleib daattep. Na da ii uuiɗttem.

Sam 36:6

Nahip genab tutukku hak kobol amu naɗinab, qauko attannab hume tak, amubia daatte. Ao, nahip nai doya mala hettoɗia epeɗia elele mettak kobol am naɗinab, am yu gamag unuqagnab noa ukkak bia daatte. O Yawe, na danab ah atognoadnana, doɗ ele atognoadttem.

Sam 40:5

O Yawe, dahil Kayak, na keeke kuɗum, danab amu hekkunu elele iitta, na aakku heme. Ao, na keeke ena ena kuɗum ihinignu maidme amu, laa nug keeke amu ohnu eɗua, na amenppa ab dookkutnu elele iitta. Keeke na hekkutnu maidttem am huanak, ebqaknu iitta amunu, da ma anttak hein, da laa amegppa keeke amu ohnu akkulnu hekkul dayeb amu, da elele iitta. Am keeke kuɗum, huanak ele.

Sam 64:6

Ig amu hepput, dimppa aun nug ig hemutnu laa ippuanatteb anidkkulagnu elele? Ao, ig am keeke laa haknu maidta, autanab aomut ele amu, maittak amuam ena eleleib,” atteb. O gadon, am genab, danab ag oolag unuqagppa, ahilag dabmakppa ele eheɗ haknu daatte, amuam kaliaknab daattep.

Sam 66:3

Ag Kayak amegppa inam aig! “Keeke na hattame am enanagnab. Danab ag amu anadna, ag ebehilag oh bodoetta le mette. Ɠagattag nahip am okkainab, amu nahip kekeɗ ag amu doona, ag baɗana, na noomppa gatelag qaun ona daatteb.

Eklisiastis 7:24

Wan imuppa keeke oh ib attenppa ba gotte amu; ba ukkak amunu diig oh da dookkulnu elele iitta. Danab laa amu ohnu diig dookkunu elele iitta.

Aisaia 28:29

Doyak imu oh am Yawe Nukka Ɠagattag Oh Ele, nuhigppanu uɗitte. Nug ulum ena ena ele megatte. Nug doyak dabmak okkai okkai, laa oh eɗattak ele.

Jeremaia 23:20

Yawenu oo nauhak am anamib dayebeb ukkeb, Yawe Nug nuhig dabmakppa aɗi aɗi hekkunu dabmette, Nug ooppa aɗi bekkunu maittak awom daatte, keeke amu oh ba maleb, oppoɗi bak amu iitta mekku. ⌊Amu Yawe atte⌋ “Butti haen adekku ag imunu diignu doyak tutukku aɗaglag.

1 Korint 2:10

Keeke amuam lokkumak dayom, amge Kayak Nug he, nuhig Ouɗi ig ippunikkom. Kayak Ouɗi Nug keeke oh mattia anidtte. Ge, Nug Kayaknu dabmak oh lokkumak daatte, Nug amu ele anidtte.

Revelesen 15:3

Ag anam daanna, ag Moses, Kayaknu maɗi nid, amu Sipsip Nag, Nug ele edapiɗ amu, ag amu ettanna inam appig. “O Naɗi Kayak Nakka Ɠagattag Oh Ele, nahip hak am onig, ɠagattag ele, danab antta nug enanag doya dabmak kuɗum aotte. Nahip ib am ib tutukku, genab ele. Na wannu king hanhannu.