Sam 92:1 - Nobonob Baibel

¹ Danab ah ag Yawe amegppa, “Ena hen mekkame,” akkulag, amuam kobol ena. Genab, O Kayak Attannab Laa Oh Eɗattak, danab ah ag na binan mekkulagnu ahi ettaglag, amuam kobol ena!

Sam 92:1 ပူးပေါင်းရင်းမြစ်များ

Sam 107:1

Ag Yawe amegppa, “Ena heme,” aon aig! Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte.

Sam 107:15

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 107:8

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 135:3

Yawe Nug ena amunu, ag Nug binag meig! Ao, Yawe onig am enanagnab amunu, ag ahi Nug onig attan humaknu ele etteg!

Sam 147:1

Ag Yawe binag meig! Aɗinu? Ig Kayak ihinignu binag maknu ahi ettaladkkunig amu, amuam ena! Ge! Ig nuhignu binag maknu ahi ettaladkkunig amu, amuam enanagnab, tutukku ele.

Sam 33:1

Ag genab tutukku hak danab ah, ag Yawe binag mekkulagnu ahi etteg! Ao, ag genab tutukku hak danab ah, ag Nug binag mekkulag am ena!

Sam 50:23

Danab laa nug ena heme anaknu ofa ha, da meɗakku dayeb amu, amuam ena. Amuppa nug da binal mette. Amu da nug ehanidppi, nug padal ii memanu ippu dahil ippunidkkulnu amu, nug ofa amuppa ib amu matultte.” Kayak Nug anam awa atte.

Sam 52:9

“O Kayak, na keeke ena ena ele hena meɗame amunu, da alet, hanhan na onin humakkul. Genab, na am ena amunu, da nahipad danab ah ag nahipnu oo metta ii uuak kobol dim lamidtteb ele, da ag noolagppa binan mekkul.”

Sam 54:6

O Yawe, na am ena amunu, da na noomppa ɗo hamu mettaknu ofa hekkul. Da na binan mekkul.

Sam 73:28

Dahilnu amu, da Kayak guguitte daakkulnu am ena! Da Naɗi Yawe Nug dahil padal mak eɗitteb ena daakkulnu ehanittak daakkunu oɗ mettai, Nug anam daatte. Da keeke ena okkai okkai oh Nug hette amu, da laa oh amelagppa akkul.

Sam 82:6

Da ami. ‘Ag am Kayak ganiappud. Ao, ag am oh Kayak Attannab Laa Oh Eɗattak bekkod daatteb.

Sam 92:8

Nau hak danab ah dilagppa anam aakku bekku, amge O Yawe, na keeke oh dilag okkai daattem. Na hanhan hab attan onin binan okkai ele daattem.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Daniel 5:18

O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Epesus 5:19

Ag qagmena daana amu, ag sam, mettidnu ahi, amu Naɗi binag maknu ahi ele etteg! Ag oolkadppa Naɗi humidkkulagnu, ag ahiettak, amu ahi baag ele heig!

Hibru 13:15

Danab laa ag Kayak binag mekkulagnu amu ag doɗ keeke main Nug medatteb, amge ihinignu amu, ig Jesus uɗat naɗi ihinignu heum, ig amuppa, mana mettak bia hanhan Kayak binag metu! Ig amu hekkunignu amu, ig oɗenigppa Kayak Nug am ihinig Naɗi akkunig.

Hibru 4:9

amunu, Kayak Nug nuhikkud danab ag hik aon daaglagnu hik awak ⌊enanag, hanhannu ele⌋ babaittom daatte. Amuam deɗ eblaih aɗit elenu hik awaknab ahilag.