Sam 9:2 - Nobonob Baibel

² Nahipnu amu, da ool gamag huanaknab ahakku. Ao, O Kayak Attannab Laa Oh Eɗattak, da geha na oninnu humittak ahi edakkul.

Sam 9:2 ပူးပေါင်းရင်းမြစ်များ

Sam 138:1

O Yawe, da nahipnu meul ohppa, “Ena heme,” awe akkul. Da hambuppuak kayak laa oh noolagppa da na binan mak ahi edakkul.

Sam 26:7

Appa amu, da na ena hena meɗamenu ahi edettem. Ao, da nahip kobol danab hekkunu elele iitta laa kuɗum, da amunu danab ah amelagppa attem.

Sam 27:6

Amunu da kekeɗ ag da taliliɗppig daatteb, da ag eɗatten, ool gamag huana ahebeb, mettid haknu peh lagppa mana mettak hekkul. Da ahi edette, musik heinne, Yawe binag humakkul.

Sam 28:7

Yawe Nug am dahil ɠagattagnu diig daatte. Nug am dahil guppiɗ. Da nuhignu oolppa genab doyeye, Nug da ehaniɗe, da gamag ahak doyen, ahi edette, “Ena heme,” attem.

Sam 43:4

Na anam heppe amu, O Kayak, da nahip qaɗabppa wakkul. O Kayak, na maɗoɗppan gamag ahak da meɗan, oo enanagnab doyak ele da meɗattem. Nahip qaɗabppa amu, da harp qeinne, na binan medakkul. O Kayak, na dahil Kayak.

Sam 5:11

Amge na heppe, aun aɗi oh ag padal mak eɗitteb ena dayaknu ehanittak nahip-ppanu aotteb amu, ag oo gamag ahak dooglagnu unuqidttem. Ao, na heppe, ag gamag ahak ahi hanhan ettaglagnu ool daatte. Ge, na laa ag nahipnu oo mauhak doonna oitteb ele ehanadppe, ag padal ii memana, ag nahipnu gamag ahak naɗi dooglagnu oɗ medattem.

Sam 7:17

Da geha Yawe Nug genab tutukku hak kobol dim lamidtte amunu, da nuhignu, “Ena heme,” awe akkul. Da geha Yawe, Nug Attannab Laa Oh Eɗattak amu, da Nug onig humaknu ahi edakkul.

Sam 83:18

O Kayak, na heppe, ag na, na onin am Yawe amu, ag na nakkaib na wan imuppa Kayak Attannab Laa Oh Eɗattak daattem, naib wan imu gumattem amu, ag amu dooglagnu ool daatte.

Sam 86:12

O Naɗi, dahil Kayak, da meul ohppa na amenppa, “Ena hen meɗame,” akkul. Ao, da hanhan na binan mekkul.

Sam 92:1

Danab ah ag Yawe amegppa, “Ena hen mekkame,” akkulag, amuam kobol ena. Genab, O Kayak Attannab Laa Oh Eɗattak, danab ah ag na binan mekkulagnu ahi ettaglag, amuam kobol ena!

Sam 92:4

Aɗinu? O Yawe, keeke na hena meɗame ele, keeke amu he, da gamag ahak doottem. Yo, na keeke hemenu da gamag ahak doyeye, ahi edattem.

Sam 96:3

Ag nuhig binag amahlak oppiaawak elenu amu, ag wanppan wan ohnu danab ah oh amelagppa mehuqeg! Ao, ag nuhig hak enanagnu huu ohppa appeg doyeg!

Sam 97:12

Aun aɗi ag genab tutukku hak danab ah daatteb, ag Yawenu oolag gamag ahaɗ! Ao, ag Kayak, Nug oppiaawak ele, ag Nug binag meig!

Sam 97:9

O Yawe, amu anam bekkunu diig am, na Kayak Attannab Laa Oh Eɗattak daattem, na wan atu ohnu gumattem. Na kayak laa oh eɗattak daattem.

Daniel 5:18

O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Pilipai 4:4

Ag Pilipai daatteb amu, ag hanhan Naɗinu maɗoɗppan gamag ahak doyeg! Yo, da baula ag amelagppa attem, ag hanhan maɗoɗppan gamag ahak doyeg!