Sam 9:18 - Nobonob Baibel

¹⁸ Aɗinu? Yawe Nug heeb, danab ah ag tutu mak oitteb ele, ag laa eppelagppa hanhan ii daamna. Ao, Nug heeb, geha daɗek danab ah keeke ena bekkunu dabmak aɗan oiglagnu, ag ahilag dabmak amu iitta ii mema.

Sam 9:18 ပူးပေါင်းရင်းမြစ်များ

Sam 102:17

Nug laa ag keeke iittanab iitta ele amu, Nug ahilag unuqittak dookku. Ao, Nug ahilag unuqittak ii dimettama. ⌊Nug ag ehanadkku.⌋

Sam 109:31

Da anam hekkulnu diig am, laa ag daɗek danab mauhkkunu aegeg, Yawe Nug daɗek danab laa heqoppa hibaitta dayaya, padal memananu ehanadtte.

Sam 12:5

Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.

Sam 139:19

O Kayak, na nau hak danab hadappe nauhkkulagnu ool hette! Ge, ag danab ag laa aqatteb ele, ag da uuiɗna, laih ukkeg!

Sam 50:22

Ag laa ag da dimeɗan, dahilnu ii dabmetteb ele amu, da ag bu naunab madappi, auntai laa ag ehanadkkunu laa ii daamanu, ag dahil nai imu doyeg!

Sam 71:5

O Naɗi Yawe, da na amu hekkutnu oɗ medattemnu diig am ena baknu dabmak aɗa oiyak dahil am, naib daattem. Ao, da nid nakokppan nahipnu oolppa genab doottemib.

Sam 72:4

King nug daɗek danab ah hettoɗiakppa ehanadkku. Ao, nug nid naunau ag anilkad mamelkad keekenu tutu meppig daatteb amu, nug ag ehanatteb, qagaiettakppa ii daamna. Ge, nug laa ag daɗek eheɗ hadatteb ele, nug ag tappalatteb nokkulag.

Prowerb 23:18

Aɗinu? Na anam hekkut dayeb amu, genabnab genab na butti aɗi ena daakkutnu dabmak aɗan oikkutnu elele; amu laa heeb, butti aɗi ena daakkutnu dabmak aɗa oiyak amu iitta iinab mema.

Prowerb 24:14

Uppuh leppu ubuhi ele daatte, lanaknu am ena, amubia na doyak dabmak ena ele aokkut am ena. Na doyak dabmak ena ele aokkut dayeb amu, na butti aɗi ena daakkutnu dabmak aɗan oin daappe, laa nug heeb, ena daakkutnu dabmak aɗan oiyak amu, amuam ii iitta mema.

Luk 1:53

Danab enug aqak dooppig ele amu Nug he, oolag dittiom. Ao, danab ag enulag ele amu, Nug aɗatte, ag keeke laa ii aɗappig, hamu goppig.

Luk 6:20

Ag anam heeg amu Jesus Nug ameg huma, nuhikkud ippunittak awak danab amu neekkattatta, Nug aum. “Ag gemu enulag iitta, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.