Sam 86:3 - Nobonob Baibel

³ O Naɗi, da na deɗ oh, amun, tuqan ele na unuqidttem amunu, na dahilnu oot gai-iitta doon oot meɗan ehaniɗkkutnu oɗ medattem.

Sam 86:3 ပူးပေါင်းရင်းမြစ်များ

Sam 25:5

Na heppe, da nahip doyak diig genabib doyen, dim lamittei! Aɗinu? Na am dahil Kayak, na am dahil padal mepanu ehanittak daattem. Da deɗ oh amun tuqan ele nahipnu oolppa genab doottem.

Sam 4:1

O dahil Kayak, na am genab tutukku hak kobol aakkuib hettem. Anam amu, haen da na oninppa ettem, na nob meɗakkutnu ool daatte. Haen uug nau iutte amu, na dahilnu oot gai-iitta doon, oot meɗan ehaniɗna heppe, uug iitta mekkunu da oɗelppa aokkutnu oɗ medattem.

Sam 41:5

Dahil kekeɗ ag dahilnu oo aeg bak doon, ag dahil mauhaknu tappaɗna atteb, “Nug ganeb mauhkku? Ao, Nug ganeb mauheb, laa oh ag nug wanppa dayom am daulag atikku?” aon atteb.

Sam 55:17

Buttua, amun, tuqan ele da unuqittak baal okkaippa uug nau toniɗom imunu hebippi, Yawe Nug da baal dookku.

Sam 56:1

O Kayak, na dahilnu oot gai-iitta doon oot meɗan ehaniɗkkutnu unuqidttem. Aɗinu? Kekeɗ daup ag da huana lamiɗtteb. Yo, kekeɗ dahil ag deɗ oh amun tuqan ele banel uɗina, iuglagnu hetteb.

Sam 57:1

O Kayak, da nahip-ppanu padal mak eɗitteb ena dayaknu ehanittak aottem amunu, na dahilnu oot gai-iitta doon oot meɗan ehaniɗkkutnu oɗ medattem. Ao, na dahilnu oot gai-iitta doon oot meɗan ehaniɗkkutnu unuqidttem. Da padal mepanu, matuk nag anig haug waappa daatte bia, da na guguitten daakkul. Ao, da anam hebippi ukkeb ukkeb, uug naunab amu oh qe-eɗilkkulag.

Sam 88:10

Na kobol danab hekkunu elele iitta, na amuppa laa mauhppig ele ehanadkkutnu hettemte? Ao, mauhppig ele ag ahan, na binan mettebte? Sila.

Sam 88:2

Na dahil unuqittak dookkutnu oɗ medattem. Ao, da na unuqidppippi, na daut human dookkutnu unuqidttem.

Sam 88:9

Da uug doyeye, keeke ena laa pehette anidkkulnu elele iitta. O Yawe, deɗ anen anen da nahip ehanittaknu oɗ medattem. Ao, da eppel nahip-ppa bahie ukke, da na unuqidttem.

Luk 18:7

Nug ah amu ehanidkkunu aum amu, Kayak Nug danab ah nuhikkud, Nug ag tituanattom ele amu, ag hanhan tuqan amun ele deɗ oh unuqidppeppeg amu, Kayak Nug ag iite ehanadma? Nug ag baubau oɗmak haknu amelag maama, paha ii ehanadma? Anam iitta.

Luk 2:37

Anam daayya, nug gamu mauhe, qab ma, hamu maɗ 84 dayaya, nug Kayaknu mettid lag ii uuttom. Nug ee ohnu kud ma dayaya, unuqittatta, tuqan amun ele Kayak noobppa dup noa binag maama dayom.

Epesus 6:18

Ag hanhan Kayak Ouɗippa Kayak Nug ag ehanadkkunu unuqittak digdigppa attem attem Nug ag ehanadkkunu unuqidkkulag. Ag keeke amu dabmenana ag aib bodoedappig. Amu ele ag Kayaknu danab ah oppiaawak ele laa oh dilagnu ele hanhan unuqidkkulag.