Sam 85:12 - Nobonob Baibel

¹² Yawe Nug genab keeke ena ig megakku. Nug mekkebeb, wan ihinigppa ee meu ena ena bekku.

Sam 85:12 ပူးပေါင်းရင်းမြစ်များ

Sam 67:6

Ihinig wanppa ee kuɗum be, ig aomut; Kayak, Nug am ihinig Kayak, Nug itittak ena ig mekkom.

Sam 72:16

Ihinig wanppa ee dattanu meu huana okkulagnu ool daatte. Yo, qauko ikkilkadppa ee bekkulagnu ool hette. Ad meulkad oeg, ig lattem ele, Lebanon appa ena betteb amubia, ippa ena bekkulagnu ool daatte. Ge, gikkiɗah atuppa hamu betteb, ad meu amubia bekkulagnu ool hette.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Aisaia 32:15

Wan amu nauha anam dayeb ukkeb, Yawe Nug nuhig Ouɗi hab attannu ig mekkeb batakku. Yawe Nug anam heeb, atu taɗak amu, wan amuam wan ittag ele bekku. Ao, Nug anam heeb, wan ittag ele, am ittag huanaknab ele daakku.

Aisaia 45:8

Gu na, wan oh leppu medatte, amubia genab tutukku hak kobol hab attannu wan atu oh tonaɗ! Ao, gu lombigppanu na, wan oh leppu medatte, amubia genab tutukku hak kobol hab attannu na, wan atu ohppa dayaɗ! Wan nug gu awe, keeke bette, amubia ⌊genab tutukku hak kobol neeb,⌋ Padal ii maknu ehanittak kobol ba, okkai maɗ! Ao, wan gu awe, keeke bette, amubia ⌊genab tutukku hak kobol neeb,⌋ kobol amu, Padal ii maknu ehanittak kobol ele oh laippu okkai meiɗ! Da, da Yawe, da kobol amu hei beum.

Lewitikas 25:19

Anam hena, ag wanppan keh huana aona, ag lappeg, oolag aɗebeb, wan amuppa baɗak iittappa daaglag.

Lewitikas 26:4

da geha gu nekkunu haen nuhigppa meppi nokku. Geha wan nug ee heeb beeb, ad ag meu oadkkulag.

Maika 6:8

Amu oh am iitta. Yawe Nug na aun daattem, Nug na kobol ena oh ippunitta malom. Nug na attem hekkutnu ippunittom? Amu inam; na nai doya mala hettoɗia epeɗia elele mettak kobol tutukku dim lamidna, na laa dilagnu oo gai-iitta doya oo metta ehanittak kobol ele hena, na nakka na onin qeppe neeb, na nahip Kayak, na Nug ele oiyeɗ! Nug na amu hekkutnu oo daatte.

Sekaraia 8:12

Am Yawe Nug atte. “Anam amunu, da heppi, Israel danab ah ag aɗi eppaglag am meu okku. Grep muɗi ahilag meu oobob, dad ahilag ele ee meu oobob, gu ele elele nekku. Da Yawe, da Israel danab ah oɗo yaak daatteb, da ag aulag daakkunu ag anam madakkul.

Matyu 13:23

Aria, ee aeg wan enappa nena qeppig ele amu, nai amu inam ippunigtte. Danab nug nai daugppa doya dabmedatte, nai diig ele oo maidtte amu, nug meu ena otte, laa 100, laa 60, laa 30 eppakppanu eɗittak, anam otte,” awa aum.

Matyu 13:8

Amge ee aeg laala ag wan enappa nena qena, ena bena, meu oppig. Ee aeg laala ag meulkad 100 oppig. Laala ag meulkad 60 oppig, amu laala ag 30 oppig.

Aposel 2:41

Am danab ag Pita nai mattiom, ag amu genab doonna, ahilag ebqak am 3,000 keeke, amu ag layattak aoppig. Aona, ag Jesusnu oolagppa genab dooppig ele, ag amu oolagppa ukkaeg, oh laippu daanna,

Aposel 21:20

Pol nug kaya amu mattie doona, ag Kayak binag mewona, ag Pol amegppa appig. “O lainig, na doottem, Juda tausen kuɗumnab ag Jesusnu oolagppa genab doon, Kristen beppig, amge Kristen amu oh ag ɗo ihinig ele dim lamidkkulagnu wagai huana metteb.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.