Sam 85:10 - Nobonob Baibel

¹⁰ ⌊Qinob, Kayak Nug heeb,⌋ oo mauhaknab kobol, amu oo metta ii uuak kobol ele aa ouqak miagib daaglah. Ge, genab tutukku hak kobol, amu maɗoɗ kobol ele am tamaniya daaglah.

Sam 85:10 ပူးပေါင်းရင်းမြစ်များ

Prowerb 3:3

Na oo mauhaknab kobol, oo metta ii uuak kobol ele aib uuatme. Ao, na danab nug keeke qettoɗmanu nug baagppa qakke daatte, amubia na kobol amu hanhan dim lamidkkutnu anam bia he! Ge, na danab laa nug keeke laa daug atimanu uɗugppa yaatte, amubia na kobol amu daut atimanu aon ootppa me!

Sam 89:14

Nahip ɗo maɗoɗppa danab ah ag genab tutukkuib hak kobol waappa daan, nahip nai doya mala hettoɗia epeɗia elele mettak kobol waappa ele daan oitteb. Ao, na aɗi aɗi hettem amu, amuppa danab ah ag nahip oo mauhaknab kobol, oo metta ii uuak kobol nahip ele miagib anidtteb.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Sam 100:5

Aɗinu? Yawe Nug enaib dayaya, enaib ele hette. Nuhig oo mauhaknab kobol hanhan alet daatte. Ao, nuhig oo metta ii uuak kobol am haen oh, anamib daatte.

Rom 5:21

amunu, hipunin nug he, mauhak danab tonattom daatte, amubia Kayaknu ehanittak okkai hamu mettak, amuam he, ihinig Naɗi Jesus Kristus, nuhigppa danab ag genab tutukku hak danab bena, bauklel hanhannu aotteb.

Sam 72:3

Anam amu qaukoppa, ⌊aben laa ohppa ele⌋ maɗoɗ daakku. Ao, qauko nakok, amuppa, ⌊aben laa ohppa ele⌋ genab tutukku hak kobol nug daakku.

Maika 7:20

Na anukkanab ig mamenkad aɗi amelagppa ihinigppa aɗi hekkutnu nahip nai ɠagattag qena mattime amu, na Jakop buɗubppa aɗi hekkutnu ame amu, na anamib hekkut. Ao, na Abraham buɗub dilagnu oot gai-iitta doon oot mattan ehanadkkutnu ame amu, na anamib hekkut.

Aisaia 45:24

‘Yawe Nugib genab tutukku hak kobol diig daatte. Nugib am ɠagattag ele,’ ” aon akkulag. Amu laa oh ag Yawenu oo nauhak okkai dootteb, ag amu uɗalag nekku.

Hibru 7:2

Mette amu, Abraham nug keeke oh awom, nug amunu obatak eblaih tanig ele ooppanu obatak laippu Melkisedek mettom. Melkisedek onignu mehuqak am, “Genab tutukku hak kobolnu king.” Melkisedek nug am Salemnu king. Amunu meu am, “Maɗoɗnu king.”

Rom 5:1

Aria, ig oonigppa genab doout, Kayak Nug ihinignu, “Genab tutukku hak danab,” awa aum amunu, ihinig Naɗi Jesus Kristus, nuhigppa amu ig Kayak ele maɗoɗ daattem.

Luk 2:14

“Kayak Nug attannab daatte; ig Nug binag amahlak oppiaawak ele metu! Wanppanu danab, ag nuhignu daatteb amu, ag maɗoɗ mattom,” aon appig,

Aisaia 46:13

Da hei, danab nug da noolppa genab tutukku daakkunu kobol aakku miag uɗiom daatte; am uma ii daatte. Ao, dahil padal ii memanu ehanittak am paha uɗikku; laa nug heeb, ib am keldoak ii daama. Da danab ah Sion daatteb ehanadppi, ag padal iinab memana; da heppi, dahil binag amahlak oppiaawak ele am okkainab Israel oolagppanu miag atikku.” Yawe Nug anam atte.