Sam 83:4 - Nobonob Baibel

⁴ Ag atteb. “Ahappeg, ig hepput, Israel ag nauhna autnanab aoppeg, ahilag wan iitta maɗ! Ao, ahappeg, danab ah laa ag baula Israel wan ii dabmemananu ig hepput, Israel ag nauhna autnanab aweg!” aon atteb.

Sam 83:4 ပူးပေါင်းရင်းမြစ်များ

Nehemaia 4:2

Nug awa awa iqaaqa, nug laikkud amelagppa, Samaria dilag daup ele amelagppa aum. “Juda danab imu, ebehilag iitta ele, ag attem dabmena hetteb? Ag eɗun, aɗ hekkulagte? Ag eɗun, doɗ manadna, ahilag Kayak mettaglagte? Ag uɗat dabmetteb ele am paha malaglagte? Ag men kekeɗ loppaɗeg nena, aab ewakppa nauhppig, kinipan ameg okkai hume tak niitteb amu, ag amu eɗun aon, keeke laa hekkulagte?” awa aum.

Sam 74:8

Ag amu hewona, ag ihinignu, “Ig hepput, ag nauhna autna aoglag!” dabmeppig. Ao, ag ihinig wanppa aben oh ig na Kayak, ig na binan memut ele amu, ag amu oh amotatteg eon malappig.

Eksodas 1:10

Ahappeg, ig pehettak dabmetu! Israel danab ah imu ag tuɗidna appatnana, kuɗumnab daappeppeg, haen laa ihinig kekeɗ banenig uɗiglag dayeb, haen amuppa Israel ag ihinig kekeɗ ele ouqeppeg, ig ele ban heppeg, ag wan imu uun, oolna gomananu, ig dabmak ena aot, ⌊ib enanag epeɗidta, oolaknu ib ahilag amu oo netu⌋!” awa aum.

Prowerb 1:12

Ag anam awona amu, ag inamtai tuɗidna akkulag. “Danab nug bau dayaya, laippun oɗe awa mauha, gaɗa moɗppa notte, amubia ig moɗ bia daat, danab aotu! Ao, mauhak danab moɗppa noa daatte, amubia ig laa aopput, ig eppenigppaib dayaɗ!” akkulagtai.

Jeremaia 11:19

Da sipsip gaiɗ manan, danab qeeb mauhak abenppa awa gotte, da sipsip amubia daami. Ag da iuppeg mauhkkulnu dabmena, ag, “Danab ad o qiie, ad amu ii daatte, meu ele ii otte, ig amubia Jeremaia, nuhigppa hepput, nug amubia dayaɗ!” anana, ag, “Danab ag Jeremaia onig baula dabmemananu, ig makkuɗpput, nug danab ah bau daatteb ele oolagppa aib dayom!” ele appig amu, da Yawe ii ippuniɗom haenppa amu, da amu ii doomi.

Jeremaia 31:36

“Da aamnu nai bappaidmi, kalam, hoɗopai ele dilag nai bappaidmi, yunu nai ele bappaidmi; amu keeke amu ohnu ɗo nai mattien ɗo amu memi, ɗo amu iitta mekkulag dayeb, Israel ag da noolppa huu daatteb bia ii daamna. Amge anam iinab bema,” awa atte.

Jeremaia 48:2

O Moap danab ah, auntai laa nug ag binalag ii mette. Kekeɗ ag ⌊ahilag aab tomppa daatte onig⌋ Hesbon eɗidna, ag appa daan, ib attenppa Moap heppeg nauhkkunu nai mattiglag. Ag akkulag. ‘Ahappeg, ig Moap hepput nauhaɗ!’ aon akkulag. Aab onig Madmen, appa amu kekeɗ ag qep elabppa heppeg, hele-ettak daakku.

Esekiel 38:10

Amu Naɗi Yawe Nug inam ele atte. “Haen amuppa Gog, na dabmak aon, na eheɗ hak laa hekkutnu maittak aokkut.

Daniel 7:25

King amu nug Kayak Attannab Laa Oh Eɗattaknu nai nau anana, nug Kayaknu danab ah oppiaawak ele uug nau madatta, nug heeb, ɗo laala Kayak meum, keeke laala ele Kayak meum daatte baolikkunu hekku. Nug anam heebeb, Kayak Nug ib oo ii nekku amunu, king amu nug Kayaknu danab ah oppiaawak ele maɗ ewam maha ele eɗadkku.

Aposel 4:17

Amge danab laih laihnu ag doomnanu, ig danab aɗit imu aa baula Jesus onigppa nai ii mattimyanu apput doyeɗ!” aon appig.

Josua 9:2

King amu ag keeke beumnu doon, ag ahan, ag ahilkad ban daup aɗaeg ooho, ag Josua, Israel ele ban hekkulagnu dabmeppig.