Sam 83:2 - Nobonob Baibel

² Aɗinu? Nahipad kekeɗ ag ahatteb. Ao, nahipad kekeɗ ag ban hekkulagnu ahatteb.

Sam 83:2 ပူးပေါင်းရင်းမြစ်များ

2 King 19:28

Na dahilnu oppoɗi bak huanak doonna, na dada hak kobol ele dim lamidttem amu, da amu doottem. Da amu doottem amunu, diig amunu da heppi, na uɗimeppa eɗun, na wanenppa gokkut. Da danab nug makau dawai noobppa aen huk ma, makau amu huk amuppa omala laih laih gotte bia, da nahip-ppa hekkul. Ge, da danab nug aen maha hos oɗeppa ma he, hos laih laih gotte, da amubia nahip-ppa hekkul.” ’ ” Yawe Nug Senakeripnu Aisaia oɗeppa Hesekaia amegppa anam mattiom.

Sam 109:1

O Kayak, nau hak danab, danab ag hambuppuak henan daatteb ele, ag dahilnu nai nau atteb. Ao, ag dahilnu hambuppuak nai maditteb Am anam amunu, na oɗen qamutna daamnanu oɗ medattem. ⌊Na heppe, hambuppuak nai ahilag miag atiak daakkunu na oɗ medattem.⌋ O Kayak naib da na binan mettem.

Sam 74:23

Nahipad kekeɗ ag nai nau kuɗum baalag okkaippa maditteb amu, na amunu dabmena, bu madakkutnu oɗ medattem. Ao, na nahipad kekeɗ ag hanhan baalag okkaippa nahipnu keeke nau atteb amu, na nai amunu dabmena, bu madakkutnu unuqidttem.

Sam 74:4

Nahipad kekeɗ ag na lautppa ig eɗigppignu enan daappig. Ag ig eɗigppig laa ippunadkkunu ahilag pilak appa qabappig.

Sam 81:15

Laa ag Yawe da, dahilnu nau ninig ele dootteb amu, ag baɗan, da noolppa dup nolob. Ao, ahilag bu am iitta ii melo.

Sam 93:3

O Yawe, yu am ebehinab ele. Duban qa, yu ihippa watte amu, oqotti huana hakkaɗ qette bia oqotti otte, oqotti amu ebehi elenab. Genab, yu duban amu ɠagattagnab, yu ihippa aoɗnana, oqotti okkai otteb.

Aisaia 17:12

O gadonnab gadon! Wan laala ohppan ban hak danab ag ⌊ig iqaglagnu⌋ uɗippeppeg, oqotti naɗi okku. Oqotti amuam yu duban huanaknab oqotti otte, amubia daakku. Ao, O gadonnab gadon. Danab wan laala ohnu uɗippeppeg, oqotti huanaknab ahakku. Oqotti amuam le okkai okkainab oqotti ahatte, oqotti am amubia daakku.

Aisaia 37:23

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Aisaia 37:29

Ao, na dahilnu oppoɗi bak huanak doonna, na dada hak kobol ele dim lamidttem amu, da amu doottem. Da amu doottem amunu, diig amunu da heppi na uɗimeppa eɗun, na wanenppa gokkut. Da danab nug makau dawai noobppa aen huk ma, makau amu huk amuppa omala laih laih gotte bia, da nahip-ppa hekkul. O da danab nug aen maha hos oɗeppa ma he, hos laih laih gotte, da amubia nahip-ppa hekkul.” ’ ” Yawe Nug Senakeripnu Aisaia oɗeppa Hesekaia amegppa anam mattiom.

Jeremaia 1:19

Ag na ele ban hekkulag, amge ag na ii eɗidmana. Aɗinu? Da na ele daattep. Da ehanidppi, na padal ii menana.” Yawe Nug anam awa aum.

Matyu 27:24

Aeg amu, Pailat nug doyom, nug heeb, ag Jesus ii mauhmanu ii amana. Iitta. Ele amu, nug qak bekkunu daye anttom amunu, nug le awa, danab ah oh amelagppa eppeg ihaaha nug aum. “Danab imu mauhkku amu, mauhak amunu aab am dahil iitta. Ag ahilag hipuninib daakku,” awa aum.

Aposel 16:22

Ag anam aegeg, aab okkai amunu danab kuɗum laala ele anam aegeg, epeɗiak danab ag Pol, Silas ele beɗulahppanu lamen uɗatna, eheɗ makkuɗatkkulagnu appig.

Aposel 17:5

Ag anam heppig, amge Juda laala ag Pol, Silas ele dilahnu, ihinigppa anam daalon dabmak aɗan daappig amunu, ag ahan, danab bahilkad iitta, ag keeke he nauhak danab, ag ee oɗiak abenppa hamu daappig ele amu, ag danab amunu laala diin qagmaadna heeg, ag ahan heeg, aab okkai amuppan danab ag ele ag muttub qeppig. Ag muttub qeegeg, Juda laala kobol imu digmeppig ele ag Jeson laugppa qaiettan gona, Pol, Silas ele diiatna, dimittim uɗin, danab kuɗum muttub qeppig ele eppelagppa mekkulagnu dabmeppig.

Aposel 21:30

Ag anam heeg, Jerusalem oh ottaina, ahan uɗin qagmeeg, ag ahan Pol aɗan eeɗna aon Kayaknu mettid lag dimittim gonana, ag aɗnu od oh manadppig.

Aposel 22:22

Pol nug nai amu mattie, Juda danab ag Pol nai mattiom amu doyeg ukke ukke, nug iitta aɗi gumatta gokkunu aum, haen amuppa ag ahan, huana qattiɗna, baalag okkaippa eppig. “Qeppeg mauhaɗ! Danab anam amu nug wanppa bau daakkunu elele iitta,” aon eppig.

Aposel 23:10

Naippan nug qak amuam okkainab be, huana heeg, ban daup dilag ikki anuqak nug antta, “Ag Pol aɗan eeɗna, gamagppa paguppeg mauhkkutai,” anana, oo baɗe, nug daup amelagppa, “Ag nona, wagai mena, Pol gamagppanu aon, omalna gona, ag laulag ooppa noig!” awa aum.

Ikki Danab 8:28

Israel ag attemnab Midian danab eɗadppig, Midian danab ag baula eɗun ɠagattag ii daappignu kaya anam aakku. Gideon nug bau dayaya, haen amuppa Israel danab ah ag maɗ 40 wan ahilagppa maɗoɗ daappig.