Sam 83:13 - Nobonob Baibel

¹³ O dahil Kayak, na heppe, ag gappud kalu ulah iwale gotte bia daaglagnu oɗ medattem. Ao, na heppe, ag ee aeg dappunkkeg, ulah iwale gotte bia daaglagnu unuqidttem.

Sam 83:13 ပူးပေါင်းရင်းမြစ်များ

Job 13:25

Na ad uɗug laa ulah ye gotte, na dahilnu amubia doon, genab guittak tuɗidna meɗakkut-te? Ao, da am ee aeg dappunkkeg ulah ye gotte bia daattem, amu na da genab guittak tuɗidna meɗakkutnu da dim lamiɗkkutte?

Job 21:18

Haen kuɗum Kayak Nug he, ag ulah keeke uug iitta iwala, ye gotte bia daattebte? Iitta. Ao, haen kuɗum Kayak Nug he, ulah huana iwalala, ee aeg dappunkkeg ye gotte bia daattebte? Iitta.

Sam 22:1

O dahil Kayak, O dahil Kayak, na aɗinu da uuiɗmenu diig appe dookkulnu, na dahilppanu uma wana qagaiettakppa daapanu ii ehaniɗttemnu diig appe dookkulnu, amu na dahil gayak ii doottemnu diig ele appe dookkulnu oɗ medattem.

Sam 35:5

O Yawe, na heppe, ulah iwaleb, ee aeg dappunkkeg uma gotteb, amubia nahip engel laa, nug laa ag da eheɗ heiɗkkulagnu hetteb ele am lamatteb, ag uma gokkulagnu oɗ medattem.

Sam 44:4

⌊O Kayak,⌋ na am dahil King, dahil Kayak ele. Naib danab ah nahipad, Jakop buɗub, na ag ehanatte, ag ahilkad kekeɗ eɗadtteb.

Eksodas 15:7

Na dagom onin ɠagattag okkai naɗi ele daattem, amu na amuppa, na nahip kekeɗ tabatte noppig. Ao na hee, nahip oo nauhak huanak, aab aɗu bia, amu ag ewatte, ag gikkiɗah bunaɗak aab eotte, ag amubia daappig.

Aisaia 40:24

Danab okkai amu ag am bala danab ebatte, ag amubia daatteb. Nug eppe, okkai mekkunu haaha, diɗi wanppa digma noono, ulah gakkaɗak uɗia he bunaɗtte, amubia Kayak Nug he, danab okkai amu ag iitta metteb. Ag ulah ee aeg dappunkkeg mawa uma gotte, amubia Kayak Nug he, ag ii daatteb.

Aisaia 41:2

Aun nug kobol genab tutukku ele dim lamitta haaha, okkai laa aam bedeppa daatte amu, nug nug dabmak metta he, nug yagbak doya aha, ⌊wan kuɗum eɗadkkunu dabmaama hette⌋? Laa nug danab amu he ahom amu, nug wan kuɗum awa, okkai amu eppegppa mette. Ao, laa Nug danab amu he ahom amu, Nug he, okkai amu nug king eɗadtte. Okkai amu nug qep elab nuhigppa wan amu oh he nauhna, gappud bia daatteb. Yo, nug lat nuhigppa king amu oh eɗatte, ag nauhna autna aotteb.

Jeremaia 13:24

Yawe Nug atte. “Da heppi, atu taɗakppan ulah ee aeg dappunkkeg iwale gotte, amubia ag, Juda danab ah, ag matatun gona daaglag.

Esekiel 35:10

Amu Yawe Nug atte. “Ag Edom ag Israel wan, Juda wan ele dilahnu, ‘Wan aɗit amu ihinig daaglah. Ig gota aognig,’ appig. Ag da wan aɗit am ohppa daami, ag amu ii dabmenan, ag anam appig,” awa atte.

Esekiel 36:2

na, ‘Naɗi Yawe Nug inam atte,’ awona, na nai imu appe doyeg! ‘Kekeɗ ag ahilagnu, “Ehe, enanag! Qauko anukka daaegeg uɗie uɗie, gemu ele daatteb amu, qauko amuam gemu ihinig daatteb,” aon appig.

Matyu 3:12

Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.