Sam 83:1 - Nobonob Baibel

¹ O Kayak, na hamu daamnanu oɗ medattem. Na, O Kayak, na toettan daanna, ii ehanigkkutnu hemananu unuqidttem!

Sam 83:1 ပူးပေါင်းရင်းမြစ်များ

Sam 28:1

O Yawe, na am kekeɗ niɗamnanu ehanittak dahil daattem. Na da ehaniɗkkutnu oɗ medattem. Na da ii ehaniɗkkut dayeb, da geha laa mauhppig, da amubia daakkul. Anam amu, da anam daapanu na dahil unuqittak dookkutnu oɗ medattem.

Sam 35:22

O Yawe, na amu ohnu doottem. Ag nai hambuppuak maditteb, amu na amunu bu madakkutnu oɗ medattem. O Naɗi, na da ii uuiɗmananu unuqidttem,

Sam 44:23

Am anam daatte amunu, O Naɗi, na ahakkutnu oɗ medattem! Na ig ii ehanigttemnu diig am, da ii doottem. Ao, na ahakkutnu unuqidttem! Na ihinig nai ii doottem amu, na amubia tuɗidna hanhan hemananu, da na oɗ medattem.

Sam 50:1

Laa Ɠagattag Okkai Ele, Nug Kayak, Nug Kayak Yawe, Nug danab ah oh, ag laih aam bedeppanu ukkak laih aam nodeppanu danab ah aabaab ohppanu ag uɗina, Nug gukkuidna uɗiglagnu atte.

Sam 50:3

Ihinig Kayak Nug uɗitte. Nug ii toettama; oɗe ii qamutma. Nug uɗieye, aab ewak naɗinab Nug noobppa dayeye, ulah naɗi Nug talilitta daatte.

Aisaia 42:14

Yawe Nug ⌊nuhikkud danab ah Israel, Nug ahilagnu⌋ inam atte. “Haen elabnab da toetten dayeye, ⌊da ahilag kekeɗ ag ag aladppig ele, da ag ii hatti nauhppig⌋. Yo, da dakka oɗel qamute dayeye, ⌊da ahilag kekeɗ, ag ag hatteg nauhppig ele, da ag hadappi nauhkkulagnu ib amu, da oo nein,⌋ hamu daami. Amge gemu amu, da ah nug nid menukkunu wagai maama, ewawa, hik qe, hik huana awawa hette, amubia da uɗat okkai, guittak ele doyeye, ag ehanadkkul.