Sam 81:9 - Nobonob Baibel

⁹ Ag kayak hambuppuak ahilagppa iinab daakkuoitte. Ao, ag kayak hambuppuak laanu iinab dup nokkulagoitte.

Sam 81:9 ပူးပေါင်းရင်းမြစ်များ

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

Sam 44:20

O ihinig Kayak, ig nahipnu dup noa binan mak kobol haknu ii dimettamut. Ig kayak laa ii unuqadmut. O Kayak na, na ig aɗi hettem amu, na amu doottem. Ig lokkumakppa keeke hettem am, na anidna doottem amunu, ig kobol nau amu helomlob, na amu doon autnanab aolom.

Sam 50:7

Kayak Nug atte. “Dahilad danab ah, da appi, ag doyeg! Ao, Israel danab ah, da ahilag eheɗ haknu amu appi, ag dooglag. Da Kayak, Da ahilag Kayak.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Aisaia 28:23

Ag da aɗi amelagppa attem imu doyeg! Ao, da nai madittem imunu, ag daulag human doon autna aon, dabmetteg!

Aisaia 43:12

Da, Yawe, da ag Israel, ag padal memananu ehanadkulnu ami. Da anam awoya, da amu hemi. Kayak hambuppuak atu laihnu anam ii heum. Ag Israel, ag, ‘Da am Kayak,’ ag amu anidna malappig amunu, ag laa amelagppa amunu mattiglagnu danab ah dahilad daatteb.

Hosea 4:1

O Israel danab ah, ag ahilag wanppa daatteb amu, Yawe Nug ag aakku diia, hettoɗiakppa waum amunu, ag Yawenu nai doyeg! Nug ahilagnu atte. “Ahilag wanppa amu, oo metta ii uuak kobol, oo mauhaknab kobol ele ii daaeheh, ag ele Kayak nakok laa ii dootteb.

Malakai 2:11

Juda danab ah ag Kayaknu oolagppa genab doyak ahilag uuppig oitteb. Ao, Israel danab, Jerusalem danab ele ag kobol laa, Kayak Nug kobol amunu ooppa uuaknab dootte, ag kobol amu heppig oitteb. Aɗinu? Yawe, Nug nuhig mettid lagnu oo mauhtte, amu Juda danab ag laihnu ah, kayak hambuppuak noolagppa dup nona binalag metteb ele, ag amu ag waalkad daaglagnu diin oitteb, amuppa ag heeg, Kayaknu neekkakppa nug laug am dubuttid tak ele daatte.

Duteronomi 32:12

Yawe Nug nukka aakkuib ag omalattatta, dabmattom. Ao, danab laa dilag kayak laa ag oolagppa ii dayom.

Duteronomi 6:14

Am ag danab ah, ag ag taliliattak daatteb amu, ag amu dilag kayak noolagppa aib dup nona binalag meppig.