Sam 81:5 - Nobonob Baibel

⁵ Nug ig Israel danab ah ɗo amu mekkom. Ao, Nug Isip bu mattom, haen amuppa Nug mekkom. Ge! Haen ig laa ag nai laa mattieg ig ii doomut ele, haen amuppa Nug ɗo amu ig mekkom.

Sam 81:5 ပူးပေါင်းရင်းမြစ်များ

Sam 114:1

Israel danab ah ag Isip uuppig dimppa, ge, Jakop buɗub ag laa dilag wan, amuam Isip, wan amuppan danab ag nai laa madippig amu, haen ag wan amuppanu ahan goppig dimppa, Kayak Nug he, nuhig mettid lag am Juda oolagppa dayom. Ao, Israel ag oh Nug waappa daaeg, Nug ag gumattom.

Sam 77:15

Na ɠagattag okkainab ele, amu ɠagattag amuppa na nahipad danab ah qagaiettakppanu eɗua uhuqak dayaknu heme. Nahipad danab ah amu, ag am Jakop, amu Josep ele buɗulti. Sila.

Sam 78:6

Nug ag hekkulagnu aumnu diig am, menuattak huu laippu bia laa daappeg, amu dimugppanu, ag ɗo nai amu ele dooglag. Ao, nid ag haen amuppa ii menuattak amu, ag ele amu dooglag. Am ag ele keeke amuib appeg, ag bekkalkad, aɗelkad ele, ag ele dooglag.

Eksodas 11:4

⌊Amge amu ii bak haenppa, Moses Nug Paro ele daayya,⌋ nug Paro amegppa inam aum. “Yawe Nug atte. ‘Gemu tuqan imuppa, tugmag anam, da geha laih Isip dilagppa talilie oikkul.

Eksodas 12:12

Tuqan amuppa amu, da geha Isip wanppa oiyeye, Isip danab ah dilag nid ⌊danab⌋ tatamnu oh, amu doɗ nalkad ⌊dawai⌋ tatamnu oh ele aqakkul. Amuppa amu, da kayak hambuppuak oh Isip dilag amu, da ag bu okkai madakkul. Da am Yawe.

Eksodas 12:27

amu, aria ag inam akkulag! ‘Anukka, haen Yawe Nug Isip danab ah dilag nid ⌊danab⌋ tatamnu aqe mauhppig amu, gemu ig Israel, ig hettem imu am, alai aɗi bekkalkad tatamnu mauhmananu ag sipsip, o meeme aqaeg, doɗ amu tiilag ag lag ahilkad od uguppa laitteg, Yawe Nug tiig amu antta, laulkad amu tippalatta he, engel nug ag ii aqom amu, ig hettem imu am, keeke amu daunigppa dokkunu daatte. Doɗ imu ig aqaut mauhtteb ele amu, doɗ amuam alai aɗi doɗ aqaeg mauhna, ag bekkalkad tatamnu abenlag aoeg, ii mauhppig, amubia daanna, ippunigtteb.’ ” Moses nug ag amelagppa anam aum. Moses nug anam a amu, danab ah ag nai amu doona, ag Yawe noobppa dup nona Nug binag meppig.

Eksodas 12:29

Ag kobol amu heppig, aria tuqan tugmag Yawe Nug Isip dilag nid ⌊danab⌋ tatamnu aqe mauhppig. Nug Isip nid ⌊danab⌋ tatamnu oh, Isip dilag king Paronu, danab okkai dilag, danab hamu dilag, amu danab maniguittak nau gatatu ele daappigppa ele, Nug ahilkad nid ⌊danab⌋ tatamnu oh aqe mauhppig. Nug doɗ, makau, sipsip, meeme keeke, Nug amu nalkad ⌊dawai⌋ tatamnu ele aqe mauhppig.

Aisaia 28:11

Anam amunu, ag da oɗel dab-ii-mekkulag dayeb, aria, Kayak nug laihnu danab, ag nailag laa, Israel ag ii dootteb ele amu, Nug danab amu maatteb, ag Israel gumadna uɗina, ag ag oɗelagppa nai madappeg dooglag.

Jeremaia 5:15

Amu Yawe Nug inam ele atte. “O Israel danab ah, da wan umanunabnu daup ag banelag uɗiglagnu hettem. Wan amuppan danab ah ag memetalkad anukkanab wan amu aoppig daatteb. Huu amu ag aguppaib daatteb; ii iitta metteb. Ag Israel, ag danab amu dilag nai ii dootteb. Ao, ag ahilag mattiak am, ag oolag ii maidtte.

Esekiel 20:20

ag dahil Sabatnu am dahilnu tituanak daatte dabmenana, ɗo da deɗ amunu mattami ele dim lamitteg! Ag anam hekkulag dayeb amu, Sabat deɗ am ag Israel ag dahilad daattebnu dooglagnu at dayebeb, ag dooglag, da Yawe, da ahilag Kayak daattem.”

Amos 6:6

Ag wain huana latteb; ag goɗen muttuɗig enanagnab, daden nob okkai ele laatteb. Ag amu oh hetteb, amge ag Israel padal mekku, ag amunu dabmena, oolag ii dootte; ag amunu dabmak nakok laa ii aotteb.

Duteronomi 28:49

Yawe Nug wanppan wan laanu danab, ag am atu umanabnu amu, Nug ag diia uɗikku. Danab amu ag ai igel, doɗ nakok laa aokkunu notte amubia hekkulag. Am ag danab amu nailag madippeg doon, oolag ii maidkku.

Duteronomi 4:45

Amu Israel danab ah ag Isip uun ukkaeg, Moses nug ɗo iɗu iɗu, haknunab anak ele mattom am imu.