Sam 80:1 - Nobonob Baibel

¹ O na ig Israel, na ihinig gumitta danab, na sipsip gumitta danab nug sipsip ameg laa diia, laih gotteb bia na ig Israel anuqna gonana omaigttem amu, na ihinig unuqittak imu dookkutnu oɗ medattem. Na sia king nahip-ppa engel okkai-kerubim aɗit dottolah gamalahppa daattem amu, na heppe,

Sam 80:1 ပူးပေါင်းရင်းမြစ်များ

2 Samuel 6:2

Dawit nug danab amu oh ele ag ahan, Kayaknu Tituanak Nainu Kunup aon, Jerusalem uɗiglagnu aab onig Bala, Juda wanppa dayom amu, ag appa goppig. Tituanak Nainu Kunup, amuam Kayaknu, am Yawe Nukka Ɠagattag Oh Ele, Nug sia king nuhigppa, engel okkai-kerubim aɗit dottolah, Tituanak Nainu Kunup amuppa daattep ele, Nug aa gamalahppa daatte.

2 King 19:15

Hesekaia nug kola me dayeye, nug Yawe inam unuqittom. “O Yawe, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Na aakkuib am wan ohppan Kayak daattem.

Job 10:3

Na danab ah eheɗ hadattem am ena doottemte? Ge, na aɗi aɗi na eppenppa heme ele eheɗ hadattem am enate? Na nau hak danab ag keeke laa hekkulagnu lokkumakppa doonna maittak eheɗ aon hetteb amu, na ahilagnu, “Ag ena hetteb,” doottem am enate?

Sam 45:1

Da dabmak enanagnab awewe, da ool huananab gamag ahatte! Ao, da kingnu nai ena ena madikkul. Ge, da lemaɗul am danab laanu pen, nai ena ena yaaladtte, amubia daatte. Da yaakkulnu iitta, amge da oɗelppa madikkul.

Sam 5:1

O Yawe, na da unuqidttem imu dookkutnu oɗ medattem. Na dahil dabmak unuqag daatteb imunu dabmekkutnu unuqidttem.

Sam 50:1

Laa Ɠagattag Okkai Ele, Nug Kayak, Nug Kayak Yawe, Nug danab ah oh, ag laih aam bedeppanu ukkak laih aam nodeppanu danab ah aabaab ohppanu ag uɗina, Nug gukkuidna uɗiglagnu atte.

Sam 50:2

Sion, nuhig neekkak am qa oppiaawak ele. Kayak Nug Sion appa dayeye, nuhig amahlak appanu aha, aben ohppa ukka amahaltte.

Sam 55:1

O Kayak, na dahil unuqittak dookkutnu oɗ medattem! Ao, da ehaniɗkkutnu oninppa ettem haenppa amu, na daut ii itumnanu unuqidttem.

Sam 60:1

O Kayak, na ig uuigme. Na ihinig kekeɗ ag ig eɗigkkulagnu heme. Na ihinignu oot nauhom. Na anam heme, amge gemu amu, na eɗun, ihinignu ena doon, ehanigkkutnu unuqidttem.

Sam 69:1

O Kayak, da danab laa nug le lana mauhkku hette, da amubia doottem amunu, na da padal mepanu ehaniɗkkutnu ool genabnab daye oɗ medattem!

Sam 77:20

Na nahipad danab ah sipsip ameg laa diia ukkak bia omaladme. Na Moses, Aron ele ehanate, aa amu hepiɗ.

Sam 78:52

Nug amu Isip dilagppa heum, amge Nug danab ah nuhikkud sipsip ameg laa diia laih ukkak bia omalatta ugekke, ag Isip uun goppig. Ao, danab nug sipsip diia, laih gotte, amubia Nug nuhikkud danab omalatta dabmadette, ag atu taɗakppa elele ena oippig.

Sam 78:67

Naɗi Nug anam heum, amge Nug Josep buɗub dilag ⌊Israel dilag huu okkai oolagppa anuqak daakkunu⌋ uuom. Ao, nug Israel dilag huu okkai Epraim ⌊anuqak daakkunu⌋ ii tituanattom.

Sam 80:19

O Yawe Kayak Nakka Ɠagattag Oh Ele, na eɗun aigppe, nagattoppa wakkunignu oɗ medattem. Ao, na ehanigppe, ig padal ii mematanu, na ig ele daagnignu, na oot ihinignu ena daakkunu unuqidttem.

Sam 80:3

O Kayak, na eɗun aigppe, ig nagattoppa wakkunignu oɗ medattem. Ao, na ehanigppe, ig ii padal mematanu, na ig ele daagnignu, na oot ihinignu ena daakkunu unuqidttem.

Sam 80:7

O Kayak Nakka Ɠagattag Oh Ele, na eɗun aigppe, nagattoppa wakkunignu oɗ medattem. Ao, na ehanigppe, ig padal ii mematanu, na ig ele daagnignu, na oot ihinignu ena daakkunu unuqidttem.

Sam 94:1

O Yawe, na danab ah aun aɗi ag eheɗ hetteb ele, na ag heppignu nob tutukku bu mattaknu Kayak daattem. O Kayak, na nahip hak ɠagattag amu epponna, danab ah eheɗ hetteb amu, na ag heppignu nob tutukku bu madakkutnu oɗ medattem.

Sam 99:1

Yawe Nug king daatte! Wanppan wan anen anen oh dilag danab ah ag hahaɗeg! Ao, Yawe Nug sia king nuhigppa, engel okkai-kerubim aɗit dottolah gamalahppa daatte! Wan nug uɗalaɗ!

Aisaia 40:11

Amu Nug sipsip gumak danab laa nuhikkud sipsip atognoadtte, amubia nuhikkud danab ah atognoadtte. Sipsip gumak danab nug sipsip nakkud diia, momoppa maatta, gamanattatta, anilkad amu qinonob omalatta gotte bia nuhikkud danab ah dilagppa hette.

Aisaia 60:1

Jerusalem danab ah, Juda danab ah ele, ahilag amahlak uɗiom. Ao, Yawenu binag amahlak oppiaawak ele amu, amuam ahilagppa beum daatte. Anam amunu, ag ahan, aam danab ah amahlak madatte bia, ag danab ah laa oh Yawenu amahlak matteg!

Aisaia 63:11

Nug anam he, nuhikkud danab ah ag anukka Yawe Nug ag ehanattomnu dabmeppig. Ag Mosesnu haenppa Nug kobol digdig ehanadkkunu heum amu, amuam ag daulagppa doum. Ag amu dabmena, akka akka nug oɗ medappig. “Laa Nug yu gamagppa ib he, ig memetankad aɗi, ahilag okkai Moses ele, ag ib amuppa laih ena goppig amu, Nug gemu adeppa daatte? Laa Nug nuhig Ouɗi Oppiaawak Ele ag oolagppa meum amu, Nug gemu adeppa daatte?

Esekiel 1:13

Danab nug engel okkai-kerubim waɗele amu antta, nug ag beɗulag am aab eotte, ottag bia, o hul eotte, amubia anidkku. Amu engel okkai-kerubim waɗele amu oolagppa keeke laa aab aɗu dittiak bia dayom. Am aab aɗu amu laa guguitta ukka, eɗua laa guguitta uɗia, anam haaha, ag oh oolagppa oiyom. Aab aɗu diditte amuam dittieye, amahlak okkainab amahlom. Amemɗi amu aab aɗu diditte, amuppanu ya ukkom.

Esekiel 10:4

Bud aben amu ambe, Yawenu binag amahlak oppiaawak ele engel okkai-kerubim daye attan boppala dayom amu, am appanu aha, Kayaknu mettid lagnu od uguppa ukka daye, bud Kayaknu mettid lag ambe, Kayaknu binag amahlak oppiaawak elenu amahlak okkai amahalele, mana mettak danab dilag haɗap-ppa amahlak okkai dayom.

Esekiel 34:23

amu da geha king laippu laa, dahil maɗi nid Dawit, ag madappi, nug ag atognoadkku. Nug geha sipsip gumak danab laa, nug nuhikkud sipsip gumadtte, amubia ag gumadkku.

Esekiel 43:2

Nug omaiɗa uɗie, da kaɗag uɗitteppanu neekki ukke, da Israel dilag Kayaknu binag amahlak oppiaawak ele appanu uɗieye anidmi. Amu da Kayak baag ele doomi, amu le okkai ui huana otte, amubia. Amu nuhig binag amahlak oppiaawak ele huana amahale, wan oh amahla auta autanab awom.

Daniel 9:17

Amunu, O Naɗi, ihinig Kayak, na nahip maɗi nidnu unuqittak imu dookkutnu ool daatte. O Naɗi, na oninnu anuqak doon, na heppe, nahip mettid lag gemu hele-ettak daatte babaittak daakkunu oɗ medattem.

Jon 10:14

Da am sipsip gumak danab ena. Da dahilad sipsip doyadttem, sipsip ag ele da dooiɗtteb,

Duteronomi 33:2

Nug aum. “Yawe Nug Sinai qaukoppanu neum. Nug danab ah nuhikkud ehanadkkunu Seir appa amahlak mattom. Yawe binag amahlak oppiaawak ele am Paran qaukoppan amahala dayom. Ban danab nuhikkud tausen tausen gane ag anam nug ele daaegeg, aab dittiak amu heqo naɗiap-ppa dayom.

Hibru 13:20

Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!

1 Pita 2:25

Anukka ag am sipsip hetteb, amubia ag ib ettan goppig, amge gemu ag eɗun ahilag gumak danab, sipsip gumak danab bia daatte, ahilag okkai, Nug ag atognoadtte ele amu, ag Nug gumidna uɗippig.

1 Pita 5:4

Anam dayeb amu, haen Sipsip Gumak Danab anuqak eɗua uɗieb amu, ag onig okkai ii nauhtte ele amu aoglag.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.

1 Samuel 4:4

Ag anam appig amunu, ag heeg, danab ag Silo gona, ag Kayaknu Tituanak Nainu Kunup kontrak inak ele, Yawe Nukka Ɠagattag Oh Ele, Nug appa sia king nuhigppa, engel okkai-kerubim aɗit dottolah gamalahppa daatte amu, ag amu aon uɗippig. Eli bekoɗ Hopni, Pinias ele, aa ele uɗipiɗ.