Sam 8:4 - Nobonob Baibel

⁴ ⌊Keeke amu oh am keeke okkainab; aria⌋ danab ah amu, ag am aɗi daatteb amunu, na ag dabmattanna daattem? Ao, danab bekkalkad, ag am aɗi daatteb amunu, na ag atognoadttem?

Sam 8:4 ပူးပေါင်းရင်းမြစ်များ

Genesis 1:1

Digmak haenppa Kayak Nug hab, wan ele heum,

Genesis 1:14

Keeke amu anam ba daye, Kayak Nug, “Hab attannu amahlak, ag amun, tuqan, aam haen, gu haen, amu maɗ alag, maɗ bau ele oppatkkulagnu,

Genesis 19:35

Nug anam a amu, dimppa tueb me, aa mamelah wain mettaeh, nuhig dabmak oh eɗitta ukke, aɗeg gehanu nug ele niipiɗ. Amge Lot nug haen amuppa ele kobol amu ohnu dabmak eɗitta ukkom.

Genesis 21:1

Aria, Abraham nug wau Sarah ele aa oieheh, Yawe Nug Sarahnu oo bodoette enanag maɗoɗ ele hak kobol dim lamitta, Nug anukka Sarahnu keeke hekkunu nai anan qakkom amu, Nug heum.

2 Stori 6:18

Solomon nug anam unuqitta mala, nug tuɗitta inam ele unuqittom. “Amge O Kayak, na am genab nena, wan imuppa danab ele daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imuam nahipnu elelete? Am iittanab iitta.

Job 25:6

Nuhig neekkakppa kalam, hoɗoppai ele ag enanag iitta anam daatteb amunu, ig danab ig gawat bia daattem amu, ig nuhig neekkakppa ena laa iinab daattem. Ao, ig danab, ig maɗwai bia daattem amu, ig nuhig neekkakppa ena laa iinab daattem.” Bildad nug anam Job amegppa aum.

Job 7:17

Ig danab amu, ig am keeke okkainab iitta. Ig anam daattem amunu, da na ihinignu dabmak okkai aona, ⌊eheɗ heut bu megattem⌋ amu, da amunu diig ii doottem; na ihinignu dabmak okkai aottemnu diig amu, da ii doottem.

Sam 106:4

O Yawe, na nahipad danab ah dilagnu na ii helom bia me, na ehanadnana, dahilnu dabmekkutnu oɗ medattem. Na ag padal ii memananu ehanadnana, da ele ehaniɗppe padal ii mepanu unuqidttem.

Sam 136:5

⌊Ig Yawe,⌋ Nug am diignu doyak tutukku ele aɗa, Nug hab heum amu, ⌊ig Nug amegppa, “Ena heme,” atu!⌋ Aɗinu? Nuhig oo mauhaknab kobol hanhan alet daatte.

Sam 136:9

⌊Ig Yawe,⌋ Nug kalam, hoɗoppai ele tuqan gumanna, amahalkkulagnu hattom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Sam 144:3

O Yawe, ig danab ig am keeke okkai iitta. Na ig ii atognoiglom am elele, amge na atognoigttem. Ao, danab ah bekkalkad aɗelkad ig, ig oh am keeke okkai iitta. Na ihinignu dab-ii-mena, ii ehaniglom am elele, amge na ihinignu dabmena ehanigttem.

Sam 146:3

Wanppan gumak danab ag na aun, ag na padal memananu ehanidkkulagnu elele iitta, na amu dilag aib ootppa genab doome. Ao, wanppan danab mauhtteb ele, ag na padal memananu ehanidkkulagnu elele iitta, na amu dilag aib ootppa genab doome.

Sam 19:2

Deɗ anen anenppa habppan keeke ag amu ippunigtteb. Ge, tuqan oh habppan keeke ag Kayaknu doyak ippunigtteb.

Sam 4:2

Ag danab ah ag binag amahlak oppiaawak ele Kayak da meɗom amu, ag heppeg, keeke amuam keeke uɗa nak ele daakkunu hetteb; amu haen gane laa ele ukkeb, ag hak amu uuglag? Ag danab ah ag da nau ii hemi, amge ag da nau hemi atteb amu, ag anak amu, amu anak laala diig genab iittappanu ele atteb amu; haen gane laa ele ukkeb, ag anak amu uuglag? Sila.

Sam 80:17

Ig am danab ah nahipad. Na heppe, ig ɠagattag ele daagnignu oɗ medattem. Ao, ig am na begapad, nahipad danab ah, da na heppe, ig ɠagattag ele daagnignu unuqidttem.

Sam 96:5

Laa amu, wanppanu danab ah laa dilag kayak oh ag keeke genab iitta. Ag am dottolkad aakkuib daatteb, amge Yawe Nug amubia iitta. Nug hab heum.

Eksodas 4:31

Nug anam he, ag oolagppa genab dooppig. Amu haen ag Yawe Nug ahilagnu dabmak awawa dayom doon, Nug ele Isip ag kobol eheɗ iɗu iɗu ahilagppa heppig anttom ele doon amu, ag dup nona, Yawe binag meppig.

Aisaia 40:17

Yawe noobppa amu, wan atu oh am keeke ii daatte, amubia daatteb. Ao, Nug noobppa wan atu oh am keeke iitta, hamunab, uɗat mettaknu elele iitta, amubia daatteb. Nuhig neekkakppa wan atu oh am keeke nagnagnag, anttaknu elele iitta bia daatteb.

Aisaia 51:12

Amu Yawe Nug atte. “Da, ge da, da oo mak madattem. Danab am keeke gai-iitta, oh mauhtteb amunu, aɗinu ag danabnu baɗadtteb? Ao, aɗinu ag danab bekkalkad, ag gikkiɗah bia paha nauhtteb ele amu, aɗinu ag ag baɗadtteb?

Esekiel 8:15

Da amu anitti, Kayak Nug da amelppa aum. “Danab bekka, ag kobol hetteb, da kobol amunu oolppa uuaknab doottem amu, ag hetteb imu na anidme, amge na kobol nau laa Israel ag hetteb, kobol amunu nau hak am imu eɗittak, na amu ele anidkkut,” awa aum.

Matyu 8:20

A amu, Jesus Nug ɗo mehuqak danab amegppa aum. “Doɗ laa onig foks, biun bia, ag wan oɗeppa niiaknu aben ele, ai ag ele teɗ ele, amge Danab Bekkalag da amu, da niiaknu aben laa iitta,” awa aum.

Luk 1:68

“Ig Naɗi, Israel dilag Kayak, Nug binag metu. Aɗinu? Nug uɗia, Israel danab nuhikkud qagaiettakppanu eɗua uhuqak ha mattom.

Luk 19:44

geha ag ag Juda, ag buɗulkad ele tappaladna oɗoɗadna autna aoglag. Aab okkainu aɗ, lag ele menppa heppig amu kekeɗ ag loppaɗppeg, men laa nug laa qaɗeppa iinab daama. Kayak Nug ag Juda ehanadkkunu heum, amge ag amu ii dabmeppig amunu, kekeɗ ahilagnu ag anam hekkulag,” awa aum.

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.