Amu Yawe Nug atte. “Da heppi, kekeɗ nau waɗele ag Juda danab ah, ahilagppa bekkulag. Laa am ban haenppa kekeɗ ag qep elabppa aqappeg mauhkkulag. Laa am qai ag laa gaɗalag eeɗadna, laih gokkulag. Laa am ai ag uɗin, gaɗalag lakkulag. Amu laa am doɗ dakkuɗ ag ag gaɗalag qai, ai ele ii lappig ele, ag lakkulag.
Sam 79:2 - Nobonob Baibel2 Ag nahip maɗi nid aqan, beɗulkad ai lattaglagnu maadppig. Ao, nahipad danab ah ag nahipnu oo metta ii uuak kobol dim lamidtteb ele, ag gaɗalkad am doɗ dakkuɗ dilag ee daappig. အခန်းကိုကြည့်ပါ။ |
Sam 79:2
7 ပူးပေါင်းရင်းမြစ်များ
“Ag oɗe naunabppa mauhkkulag. Ag mauhppeg, laa ag ii mahimna, ii boumadmana ele. Ag gaɗalag hamu kinipan bia wanppa niiglag. Ele amu, kekeɗ ag qep elabppa ag aqappeg mauhppeppeg, ag enugppa ele mauhkkulag. Ag mauhna, ag gaɗalag am ai hab waappa hagagaɗna oitteb, doɗ dakkuɗ wanppa oitteb ele dilag ee daaglag,” awa atte.
Juda danab, laa Jerusalemnu, laa Juda wanppa laih laihnu amu, ag aɗi aɗi hekkulagnu, ag attem attem daaglagnu maittak aotteb amu, aben imuppa da heppi, maittak amu iitta mekku. Juda dilag kekeɗ, ag Juda danab aqaglagnu hetteb ele amu, da heppi, ag ag qep elabppa aqappeg mauhkkulag. Da heppi, ag aqappeg mauhppeg, ai hab waappa hagagaɗna oitteb, doɗ wanppa oitteb ele amu, ag gaɗalag lakkulag.
Amu Yawe Nug atte. “Danab ah ag da, Yawe, ag dahilppa hipunin heegeg uɗie, gemu ele hetteb amunu, da uug nau madakkul. Ao, da heppi, ag danab ameg gaɗuak ele ib antta, wana gokkunu ib maditte bia henan daaglag. Kekeɗ ag aqappeppeg, ag tiilag huanak, wanppan nekku. Ge, ag aqappeppeg, ag biilag am wanppa doɗ biiak bia daaglag,” awa atte.
ကြော်ငြာတွေ