Sam 78:3 - Nobonob Baibel

³ Ig kaya imu daunigppa doout, ikkinigppa daatte. Ao, kaya imu, ig mamenkad aɗi ag aegeg doomut.

Sam 78:3 ပူးပေါင်းရင်းမြစ်များ

Job 13:1

Da amu oh antten malami. Da daulppa ele mattiegeg doomi. Ao, da keeke amu oh daulppa doyen, da diignu doyak tutukku aomi.

Sam 145:4

⌊O Yawe,⌋ haen oh nid anilkad mamelkad ag nahip uɗat enanu nid ahilkad amelagppa mattiglag. Yo, ag geha na uɗat okkai, ɠagattag heme, ag amunu amelagppa mattiglag.

Sam 44:1

O Kayak, ig mamenkad aɗi, ag na anukkanab keeke oh na heme, ag amunu amenigppa mattieg doomut. Yo, ig nai amunu daunigppanab doomut.

Sam 48:8

Tatam ig daunigppaib doomut, gemu ig amenigppanab anidmut. ⌊Jerusalem danab ah ag Kayak oɗe genab dim lamidkkulag dayeb amu,⌋ Kayak Nug nuhig aab okkai Jerusalem, Nug hanhan aab amu atognobob, padal ii mema. Jerusalem am Kayaknu aab; am Yawe Nukka Ɠagattag Oh Ele, nuhig aab. Sila.

Eksodas 10:2

Da amu heminu diig laa am, geha ag Israel danab ah, ag da dahilnu dabmettaknu kobol danab haknu elele iitta Isip danab ah ahilagppa hemi, da Isip danab ah ɠagattag hattami ele amu, ag Israel ag kaya amu, ag bekkalkad, alalkad ele amelagppa madippeg dooglagnu hemi. Laa ele amu, ag Israel, ag dahil hak amuppa, geha ag oh da am Yawe dooglagnu hemi,” awa aum.

Eksodas 13:8

Am deɗ naɗi amu haen beeb, ag bekkalkad amelagppa inam akkulag! ‘Yawe Nug keeke oh ha, ig Isip wanppanu aikka omaikka uɗiom amunu, kobol ig hettem imu amu, ig Yawe keeke naɗi heum, ig amu dabmekkunignu hettem.’

Aisaia 38:19

Danab bau daatteb, ag na onig okkai medatteb, ag ⌊baelkadppa aɗi amelagppa⌋ da gemu hettem bia, ag nahip ehanittak okkainu maditteb. Mamelkad ag nid naunau ahilkad amelagppa layag oo metta ii uuak kobol nahip na dim lamidnana, danab ah ehanadtteb ele amu, ag amunu ag amelagppa maditteb.