Sam 76:6 - Nobonob Baibel

⁶ O Jakopnu Kayak, haen na haknunab ae amu, kekeɗ ihinkad dilag hos ag mauhatteg, ahilkad bannu karis ulum aɗak danab, ag ele mauhppig.

Sam 76:6 ပူးပေါင်းရင်းမြစ်များ

2 Samuel 10:18

Aram ag anam heppig amge Dawit, nuhikkud daup ele ag ban heeg, Aram dilag daup ag ooleg, Dawit aɗi ag Aram dilag daup bannu karis lamadppig amu 7,000 aqaeg mauheg, amu ban danab baelagppa oin, ban heppig ele 40,000 ag aqaeg mauhppig. Ag Aram dilag ban daup ikki Sobak ele qeeg mauhom.

2 King 19:35

Yawe Nug anam aum dimppa, nuhig engel nug aha ukka he, Asiria dilag daup daappig ele, ag oolagppanu danab 185,000, ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

2 Stori 32:21

Asiria dilag king, daup ele ag haen tutu dayaknu aab kalakppa daaegeg, Hesekaia, Aisaia ele aa amunu unuqitteh, Yawe Nug nuhig engel laa me, nug uɗia, Asiria dilag daup, danab okkai ele huanaknab, oh bia, aqe mauhppig. Yawe he, engel anam he, Senakerip nug eɗua aha, uɗa nak nau guittak ele doyaya, aab diigppa ukkom. Nug eɗua, aab diigppa ukka, deɗ laa nuhig kayaknu mettid lakka te, nug bekoɗ aɗit qep elabppa nug qeeh mauhom.

Sam 104:7

Amge, O Yawe, na e, le laih ukkom. Ao, na hakkaɗ bia qalan, baat okkaippa nai mattie, le laippun laih ukkom.

Sam 18:15

O Yawe na he, ulah huanak hos ihie, ulah huana noobppa doa gotte, amubia Na hee, ulah huanak ukke, yu oppate, yu unuqag diigppa oolnu noak daatteb amu, ag miag atippig. Ao, Yawe na nai hee, wan ukku miag atiom.

Sam 80:16

Ig am nahip danab ah, amge kekeɗ ag ig danab laa nug grep muɗi okkulatte neeg, manatte eoppig bia heikke nauhmut. Ao, na nahipad danab ah alattette, ag mauhtteb.

Eksodas 15:1

Haen amuppa Moses nug Israel danab ah ele ag Yawenu ahi laa inam edappig. “Da Yawenu ahi edakkul. Aɗinu? Nug ban naɗinab imu eɗittom. Ao, Nug hos, danab hosppa daappig ele akke, yu ooppa noppig.

Eksodas 15:10

Ag anam appig, amge Yawe, na haen laippuib ouɗi iwale, yu nug Isip tonom. Ao, ag am yu naɗi ooppa unuqagnab men bia noppig.

Eksodas 15:21

Ag amu henena, Miriam nug ag amelagppa ahi inam ettom. “Yawe Nug ban naɗi eɗitta, Nug hos, amu danab hos attan daappig ele, Nug amu oh akke, yu ooppa noppig amunu, ag nuhignu ahi etteg!” awa ahi ettom.

Aisaia 37:36

Yawe Nug anam aum dimppa nuhig engel nug aha ukka he, Asiria dilag daup daappig ele, ag oolagppanu danab 185,000 ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

Jeremaia 51:39

Babilon ag laion enug qe hette bia daatteb amunu, ag anam aakku daappeg, da ee naɗi ahilagnu babaitten madappi, ag lanana, le ele huana lappeg, kaaka aqeb, eheɗ imanna, ag niinna, baula ii ahamna. Ag anam niiakib niiglag. Danab nug sipsip nag, o nug sipsip dawai okkai, o meeme diia, aqak abenppa gotte, amubia da Babilon danab ah diikkul.” Yawe Nug anam atte.

Jeremaia 51:57

Amu Yawe Nug atte. “Da heppi, Babilonnu ehanittak anuqak danab, doyak dabmak ena ele danab, gawana, ban daup ikki danab, ban daup ele ag danab le ɠagattag huanak lawowa, niie ukke mauhtte, amubia Babilon danab amu ag mauhkkulag.” Yawe Nukka Ɠagattag Oh Ele, Nug king daatte, Nug anam awa atte.

Esekiel 39:20

Balal dahilppa ag hos teppu, laa nug qaɗeppa dayom teppu ele lakkulag. Ag ban danab ɠagattag, ban danab digdig teppulag ele lakkulag. Ag labeppeg, oolag aɗa autanab aokku.’ ” Naɗi Yawe Nug anam atte.

Nahum 1:6

Yawe Nug oppoɗi beeb, aun nug ii nauhma? Ao, Yawe Nug oo nauhak huanaknab doyeb, auntai laa nug ena daakku? Nuhig oppoɗi bak am aab aɗu bia. Nug he, men Nug noobppa daatteb amu, ag aoɗtteb.

Nahum 2:13

⌊Amu bekkunu diig am⌋ Yawe Nukka Ɠagattag Oh Ele Nug inam atte. “Niniwe danab ah, da ahilag hak amunu eheɗ doyeye ool ii madattem. Da heppi, ahilag bannu karis eon, iitta mekkulag. Da heppi, kekeɗ ag nid bau ahilkad qep elabppa aqappeg mauhkkulag. Da heppi, ag baula wanppan laa, laion hetteb bia, guittak ii mattamna. Ag baula wan laappan danab ele ban hena eɗadna, ahilag wan aoglagnu nai awa ukkak danab maadppeg ii gomana.” Yawe Nug anam awa atte.

Nahum 3:18

O Asiria dilag king, nahipad ehanittak ag niitteb. Nahipad anuqak danab ag niiglagnu bet attan tetteb. Amu, diig amunu nahipad danab ah ag wana, qaukoppa tamtam tena daan oitteb. Ag anam daan oiyegeg, laa eɗua diiadkkunu laal iitta.

Sekaraia 12:4

Deɗ amuppa da heppi, bannu hos oh ag eheɗnab baɗappeg, daup hos attan oinna ban hetteb amu, ag oh dabmak ahilag eɗatteb, ag kaaka daaglag. Ge, da Juda danab ah neekkatten atognoadkkul, amge da heppi, Juda dilag kekeɗ, ahilkad hos oh ag amelag gaɗuak daakku.” Yawe Nug anam awa atte.

1 Samuel 26:12

Dawit nug anam anana, nug ban, le nippud ele Saul ikki guguittak daapiɗ am awe, Abisai ele eɗuya gopiɗ. Aa gopiɗ, amge Saulnu danab oolagppa laippu laa aa ii anatom. Keeke laala aa hepiɗ, am ele laippu laa ii anatom. Iitta. Aɗinu? Yawe nug he, ag niin gad meppig amunu, ag oh anam niippig.