Sam 76:3 - Nobonob Baibel

³ Am Jerusalem appa Nug kekeɗ dilag lat aeg qiialatta, Nug nuhig kekeɗ dilag guppiɗ, qep elab ele he nauheg, bannu keeke ele he nauhppig. Sila.

Sam 76:3 ပူးပေါင်းရင်းမြစ်များ

Genesis 14:18

Uɗie amu, haen amuppa Melkisedek, Salem dilag king, amu Kayak Attannab Laa Oh Eɗattaknu mana mettak danab ele amu, nug ee, bret, wain ele awa ukka, Abram aɗi ele mattom.

2 Stori 20:25

Jehosapat, nuhikkud daup ele ag anam anidna, ag kekeɗ dilag keeke aon gokkulagnu wana, ag ban haknu keeke, lamen, keeke enanag laala ele huanak anidppig. Keeke amu oh ag haen amuppaib akkan, mawadna gokkulagnu elele iitta. Keeke amuam huanak amunu, ag keeke amu mawadna gonan uɗinna, tuɗitteg ukke ukke deɗ ewamppa malappig.

2 Stori 32:21

Asiria dilag king, daup ele ag haen tutu dayaknu aab kalakppa daaegeg, Hesekaia, Aisaia ele aa amunu unuqitteh, Yawe Nug nuhig engel laa me, nug uɗia, Asiria dilag daup, danab okkai ele huanaknab, oh bia, aqe mauhppig. Yawe he, engel anam he, Senakerip nug eɗua aha, uɗa nak nau guittak ele doyaya, aab diigppa ukkom. Nug eɗua, aab diigppa ukka, deɗ laa nuhig kayaknu mettid lakka te, nug bekoɗ aɗit qep elabppa nug qeeh mauhom.

Sam 46:9

Nug anam heehe, danab ah ag nug qak hekkulagnu elele iitta daatteb amunu, wanppa ban ii daatte. Nug ahilag lat tanig, ban ele qiialatta, guppiɗ ele aab aɗuppa manatte eotteb.