Sam 76:2 - Nobonob Baibel

² Jerusalem amu, Nug appa daatte. Yo, qauko Sion am Nug appag.

Sam 76:2 ပူးပေါင်းရင်းမြစ်များ

Genesis 14:18

Uɗie amu, haen amuppa Melkisedek, Salem dilag king, amu Kayak Attannab Laa Oh Eɗattaknu mana mettak danab ele amu, nug ee, bret, wain ele awa ukka, Abram aɗi ele mattom.

2 Stori 6:6

Amge gemu da Jerusalem, da onil aguppa daakkunu tituanen, da na Dawit, da na dahilad danab ah, am Israel danab ah, da na ag gumadkkutnu da na tituanidmi,’ awa aum.

Sam 27:5

Aɗinu? Da Yawenu mettid lag, amuppa ena anam daakkul dayeb amu, uug haenppa Nug da atognoiɗebeb, da eheɗ laa ii anidpa. Yo, Nug da nuhig mettid haknu peh lagppa lokkumiɗeb daappi, uug laa da ii aniɗma. Ge, Nug heeb, da danab laa men okkai attan ena daatte, da amubia ena daakkul.

Sam 48:2

Qauko Sion amu attannab, anttak nuhig enanagnab. Wanppan danab ah oh ag qauko amu anidna, ag gamag ahak okkai dootteb. Qauko Sion ⌊am Kayaknu,⌋ am nuhig tituanak daatte. Kayak Nug wanppan king laa oh eɗattak daatte, amu Jerusalem, ⌊Sion qaukoppa daatte amu, aab⌋ amuam nuhig aab okkai.

Sam 9:11

Yawe, Nug danab ag laa makkuɗadtteb ele, Nug ag eheɗ heppignu nob tutukku madatte amu, Nug kobol nau ag hetteb ele, Nug amu daug ii atitte. Ao, Nug laa ag gai-iitta daan, laa waalagppa eheɗ daan, Nug ehanadkkunu gaatteb amu, Nug ag ii guhuɗadtte amunu, ag Yawe, Nug Sion dayaya, danab ah gumadtte ele amu, ag nuhignu, Nug binag maknu ahi laa etteg! Ao, ag Nug keeke heumnu wanppan wan ohnu danab ah oh appeg doyeg!

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Gayak Nai 2:6

⌊Kekeɗ ag⌋ dad heeg nauhtte, amubia Nug he, Nug laug nauhaknab daatte. Ao, Nug he, danab ah Nug noobppa qagmekkulagnu lag, lag amuam nauhom daatte. Yawe Nug he, Juda danab ah ag Sion tena, hobul dayaknu haen epeɗiak, Sabat ele dabmekkulagnu amu, ag amu hekkulagnu elele iitta. ⌊Juda danab ah ag hipunin heppig amunu,⌋ Yawe oo nauhak huanaknab doya; Nug king, mana mettak danab ele geɗattom.