Sam 74:9 - Nobonob Baibel

⁹ Kekeɗ ag anam heppig daye, gemu ig Kayak dabmettaknu kobol danab haknu elele iitta, Kayak Nug ig butti aɗi ehanigkkunu ippunigkkunu laa ii anidttem. Propet oh iitta meppig, ig danab laa waalagppa daattem. Amu haen gane laa ele ukkeb, am anamib daakkun daatte amu, ig ii doottem.

Sam 74:9 ပူးပေါင်းရင်းမြစ်များ

Eksodas 12:13

Ag laulag od uguppa doɗ tiig laittak amu, tiig amuam ag Israel laa, ag lag amuppa daattebnu at daakku. Haen da tiig amu anttena amu, geha da ag tippaladkkul amunu, haen da Isip dilag nid ⌊danab⌋ tatamnu, doɗ ⌊dawai⌋ tatamnu ele aqadkkul amu, ahilagppa am eheɗ laa ii bema,” awa aum.

Gayak Nai 2:9

Kekeɗ ag heeg, Sion aɗnu od nena qena, wanppa niitteb; od manak qaknu keeke teppu ele amu, kekeɗ ag heeg nauhppig. Juda dilag king, anuqak danab laa ele, anukka Sion daappig amu; ag gemu wan laalappa wan laappa diia ukka laih me dayak danab daatteb. Laa gemu Kayaknu ɗo nai laa ii ippunadtte; propet ag ele Yawe eppegppanu tulelegppa aɗi keeke ele ii anidtteb.

Esekiel 20:12

Da ag tituanatti, ag dahilnu tituanak daaegeg, da ag amu dabmettalagnu at daakkunu da ag dahil Sabat deɗ ag mattami. Da ag da, Yawe, da hei, ag dahilnu tituanak daatteb dooglagnu Sabat deɗ, at daakkunu ag mattami.

Esekiel 7:26

Uug nau uɗitteb oh am nug dim lamittak uɗippeg ⌊Israel ag⌋ anidkkulag. Ulah nai am ulah nai laa nug dim lamittak uɗippeg dooglag. Israel danab ah ag propet danab ag tulegleg laa Kayaknu anidna, amunu nai ag mattaglagnu akkulag, amge propet ag elele iitta daaglag. Mana mettak danab ag dahil ɗo nai mehuqkkulagnu elele iitta daaglag, amu ikki danab ag Israel danab ah ulum mettak nai laa mattaglagnu ele, elele iitta daaglag.

Amos 8:11

Naɗi Yawe Nug inam atte. “Haen laa uɗitte amu, da heppi, keeke enug haen bia Israel wan oh tonakku, amge eenu enug haen, o lenu qaɗaiettak haen iitta. Iitta! Enug haen amuam da Yawe, dahil nainu enug haen. Danab ah ag dahil nai dooglagnu oolag hekku, amge amunu enug haen daakku.

Maika 3:6

Ag eheɗ amu hetteb amunu, ag tuqannu gatatu ooppa daan, buttinu keeke dooglagnu ag tul niiak nakok laa ii anidmana. Ao, gatatu ag tonatteb, emanppa ag dimppa aɗi keeke bekkun daatte doon mattiglagnu ehanittak ii aomna. Aam am propet hambuppuak ag amahlak ii mattama. Ao, propet hambuppuak ag amunppa ele gatatuppaib daaglag.

Maika 3:7

Propet hambuppuak, ag uɗalag nekku. Ao, eman hak danab ag uɗa nak nau guittak ele dooglag. Da Kayak, da nai nakok laa ii madapa. Anam amunu, propet hambuppuak ag uɗa nak doon, ag iɗulag hautkkulag,” awa atte.

Hibru 2:4

Kayak Nug nuhignu dabmettaknu kobol danab haknu elele iitta hattomppa, aria kobol danab haknu elele iitta laalappa, amu Nug nuhig Ouɗinu ɗo digdig ele, Nug oo niiom bia, danab mattom eleppa nai amu ɠagattag qettom.

Ikki Danab 6:17

Yawe Nug anam aum, amu Gideon nug Yawe amegppa aum. “Na genab dahilnu ootppa ena doottem dayeb amu, na da genabnab genab, am na da ele madittem dookkulnu at laa meɗakkutnu oɗ medattem.

1 Samuel 3:1

Aria, nid danab Samuel nug Eli waappa dayaya, nug Yawe noobppa Yawenu ɗo maɗoɗ uɗat heum. Amu haen amuppa amu, Yawe Nug deɗ laippu laippuib he, danab laala ag tul niinna, ag nuhig nai ib amuppa dooppig. Nug haen kuɗum anam ii heum; haen laippu laippuib heum amunu, haen amuppa Yawe Nug nai haen kuɗum miag ii atiom.