Sam 74:3 - Nobonob Baibel

³ Na aab okkai laa ag loppaɗeg na autanab awom amu, na aab amu anidna dabmekkutnu oɗ medattem. Ao, kekeɗ ag nahip mettid lag heeg nauhom amu, na lag amu anidkkutnu unuqidttem.

Sam 74:3 ပူးပေါင်းရင်းမြစ်များ

2 King 25:9

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Nehemaia 1:3

Da amunu oɗ mattai, ag da amelppa appig. “Kekeɗ ag Jerusalemnu aɗ loppaɗeg, nauhakib dayeye, aɗnu od ele aab aɗuppa manappig amunu, Juda ag appa daatteb amu, ag uug nau doon, uɗa nak guittak ele, ag amu ele dootteb,” aon appig.

Nehemaia 2:13

Da tuqan ukken, da tatam aɗnu od laa onig Oolnu Noaknu Od, da od amuppa aab dimittim ukke, da eɗuen, le qeppuɗia bette ele laa onig Makkai Okkai laanu Le, da le amu guguitten ukke, le amu qe-eɗitten wain, od laa onig Kinipannu Od, od amuppa wami. Wain ugekke, da Jerusalemnu aɗ kekeɗ dilag daup ag loppaɗeg, nauhak dayom italen ukke, aɗnu od ele aab aɗuppa maippig anidmi.

Nehemaia 2:3

Da baɗami, amge da king amegppa ami. “O king, na hanhan bau daakkutnu ool daatte. Amge da alai aɗi dakkeɗalag, da mamelad aɗi ag aguppa daan oin mauheg boumadppig amu, kekeɗ ag aab okkai amu heeg nauhe, ag aab amu aɗnu od ele aab aɗuppa manatteg eoppig. Ag anam heppig, amu da oolppa uug okkai doottem,” awe ami.

Sam 44:23

Am anam daatte amunu, O Naɗi, na ahakkutnu oɗ medattem! Na ig ii ehanigttemnu diig am, da ii doottem. Ao, na ahakkutnu unuqidttem! Na ihinig nai ii doottem amu, na amubia tuɗidna hanhan hemananu, da na oɗ medattem.

Sam 44:26

Na ahan dona ig ehanigkkutnu oɗ medattem! Ao, na nahip oo mauhaknab kobol dabmena, na ig qagaiettakppanu eɗua uhuqak dayaknu hekkutnu unuqidttem.

Sam 79:1

O Kayak, iitta aɗi danab ag nahip wan aoppig daatteb. Wan amuam nahip, am na aut daatte. Ao, ag nahip mettid lag nahipnu tituanak daatte, ag lag amu heeg, nahip neekkakppa dubuttid tak ele daatte. Ge, ag heeg, Jerusalem am kinipan ameg okkai hume tak, anamib daatte.

Aisaia 10:6

Anam amu, da Kayak, da heppi, Asiria danab, ag danab ah laa, danab ah amu ag dahilnu, dahil haknu ele uuak dootteb, ⌊am Israel danab ah aakku,⌋ da ag danab ah dahil amu bu mattaglagnu ahilag wanppa gokkulagnu gokkulag. Ao, da, Kayak, da Asiria ag danab ah amu ag oo nauhak da meɗatteb, ⌊am Israel danab ah aakku,⌋ da ag danab ah dahil amu dahil bu aoglagnu heppi, ag ahilagppa gokkulag. Da Asiria ag banelag gona, Israel dilag keeke, ahilag en ele aoglagnu heppi gokkulag. Yo, da Asiria ag gona, Israel eheɗ hattan, tappaladppeg noppeg, oɗoɗadna autna aoglagnu heppi gokkulag.

Aisaia 25:10

⌊Aɗinu ag anam akkulag?⌋ Yawe Nug geha Sion qauko anam ena atognokku, amge Moap aɗi, ag eheɗ naunab aoglag. Makau ag gikkiɗah qaɗaiettak tappan oinna biieg, gikkiɗah biiak ele kaboliak daatteb, kekeɗ ag Moap dilagnu amubia hekkulag.

Aisaia 61:4

Danab ah amu ag geha eɗun lag keeke anukka heeg nauhadppig buualadkkulag. Yo, ag geha eɗun, lag, amu keeke laa ele, laa ag anukkanab loppaɗatteg nauhppig ele amu, ag heppeg, ena daaglag. Ag geha eɗun, aab okkai anukka laa ag heeg nauhom amu heppeg, ena daaglag. Yo, ag geha eɗun, aab okkai anukka laa ag loppaɗatteg nauhadppig ele, ag amu heppeg, ena daaglag.

Jeremaia 52:13

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Gayak Nai 1:10

Kekeɗ ag uɗin, Juda dilag en aon goppig; wanppan wan laala, amuppan danab ag Kayak ii dim lamidtteb ele, ag Yawenu mettid lag ooppa ukkaegeg, Juda danab ah ag amelagppa anadppig. O Kayak, na danab amunu ag na lautppa wana nokkulagnu aib ame; amge ag wana noppig.

Daniel 11:31

King amu nug heeb, nuhikkud daup ag heppeg, Kayaknu mettid lag am Kayaknu neekkakppa dubuttid tak ele daakku. Kingnu daup ag Israel deɗ oh doɗ manan, Kayak medatteb, ag amu baula hemananu appeg, ii hemana. Ag keeke naunab laa, keeke amuam heeb nauhak bekkunu keeke, ag keeke amu Kayaknu mettid lag, amuppa qabappeg daakku.

Daniel 9:17

Amunu, O Naɗi, ihinig Kayak, na nahip maɗi nidnu unuqittak imu dookkutnu ool daatte. O Naɗi, na oninnu anuqak doon, na heppe, nahip mettid lag gemu hele-ettak daatte babaittak daakkunu oɗ medattem.

Daniel 9:27

Wan laappan okkai amu nug danab ah kuɗum, wan atu kuɗumppanu ele nug tituana nai qakkak hekkulag. Amu haen maha amu gamagppa okkai amu nug heeb, Israel danab ah ag mana mettak, ofa ele iɗu iɗu Kayak mettaglagnu elele iitta daaglag. Okkai amu nug anam ha, nug heeb, ag keeke naunab laa, keeke amuam heeb nauhak bekkunu keeke, ag keeke amu Kayaknu mettid lagppa qabappeg daakku. Nug heeb, ag appa qabappeg, keeke amuam anam dayeb ukkeb ukkeb, Kayak ib attenppa danab okkai amu nauhkkunu ɗo laa meum amu, ib amuppa danab okkai amu nug nauhkku.” Gabriel, nug da, Daniel, da amelppa anam aum.

Maika 1:3

Aɗinu? Antteg! Yawe Nug nuhig dayak abenppanu uɗitte. Ao, Nug nuhig aben uua, wanppa na, qauko igippa tappa oitte.

Maika 3:12

Ag Jerusalem danab okkai, ag nau amu hetteb, ag nai hambuppuak amu ele maditteb amunu, ag beɗulagppa kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak bia daakku. Anam amu, Kayaknu mettid lag, amunu tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.

Mak 11:17

Jesus Nug anam hewowa amu, Nug ag amelagppa aum. “Kayak naippa yaak inam daatte. ‘Danab ag da laul am wanppan wan ohppanu danab ah dilag unuqiɗak lag dooglag,’ amge ag heeg, nug yab danab naunab dilag lokkumak aben bia daatte!” awa aum.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Josua 10:24

Ag diin uɗieg, Josua he, Israel danab oh ag uɗieg, ⌊Josua nug he, king amu ag wanppa ukkan qena niiegeg,⌋ Josua nug ban daup ikki amelagppa aum. “Ag dona, king imu baelagppa baalkad tappalatteg!” awa aum. Nug anam a, aakku ag anam hekkulagnunab anak anamnab heppig.

Revelesen 11:2

Amge na Kayaknu mettid lagnu haɗap, iitta aɗi ag aguppa oitteb amu, na haɗap amuppa melemel aib meme. Haɗap amuam melemel maknu dimittim dayaɗ! Aɗinu? Kayak Nug haɗap amu iitta aɗi ag amuppa daaglagnu otiom. Amu iitta aɗi ag Jerusalem, aab okkai amuam Kayaknu amu, ag aab amu kalam 42 eheɗ naunab hettaglag.