Sam 74:19 - Nobonob Baibel

¹⁹ ⌊Ig Israel amu, ig am nahipad danab ah, ai uppuɗil beɗulag nakok bia ɠagattag iitta daattem,⌋ amu na heppe, danab ah doɗ dakkuɗ bia, ag heigppeg nauhmatanu oɗ medattem. Ao, na nahipad danab ah, laa ag hanhan eheɗ hadatteb amu, na ahilagnu daut atimanu unuqidttem.

Sam 74:19 ပူးပေါင်းရင်းမြစ်များ

Sam 10:12

O Yawe, na ahan ⌊neekkadkkutnu oɗ medattem⌋. Ao, O Kayak, na danab nau bu madakkutnu unuqidttem! Ge, na danab ah bodoettak dilagnu daut atimanu ool daatte!

Sam 68:10

Danab ah nahipad ag appa gona daappig. O Kayak, nahipad danab ah oolagppa laa ag qakub mena daappig, amge na wanppan keeke kuɗum beppig amu, na ag keeke amu mattame.

Sam 68:13

Gemu amu ag silwa, gol ele kuɗum ele daatteb. Ai uppuɗil beɗulag nakok nug haug silwappa tonak daatte, nug beɗu am golppa tonak daatte, anamnab aakku, ag gol, silwa ele huanak aoppig.

Sam 72:2

⌊Na nug anam⌋ ehanidppe amu, nug nahipad danab ah genab tutukku hak kobolppa epeɗiadkku. Ao, ⌊na nug anam⌋ ehanidppe, nug nahipad danab ah daɗek daatteb amu, nug ahilagnu nai doya mala hettoɗia epeɗia elele mettak kobol dim lamitta, nug eppediadkku.

Sam 9:18

Aɗinu? Yawe Nug heeb, danab ah ag tutu mak oitteb ele, ag laa eppelagppa hanhan ii daamna. Ao, Nug heeb, geha daɗek danab ah keeke ena bekkunu dabmak aɗan oiglagnu, ag ahilag dabmak amu iitta ii mema.

Solomonnu Ahi 2:14

“O ah dahil, na am uppuɗil beɗulag nakok laa men bai giɗoɗoppa daatte bia daattem; o iitta, na uppuɗil beɗulag nakok laa baippa gegeti ena laappa lokkuma daatte bia daattem. Na baatnu oqotti am ena, ubuhi ele; na iɗun am enanag, tuqak ele, amunu iɗun da ippuniɗe! Ao, na heppe, da na baat doye!

Solomonnu Ahi 4:1

O ah dahil, da nahipnu ool huan mauhtte. Na am ah iɗun tuqak ele; ge, na am ah iɗun tuqaknab ele. Na amen ele am anttaknu enanagnab. Uppuɗil beɗulag nakok ag amelag enanag, amu na amen ele, na iɗun hautak dimugppa anamnab daattep; na ikkin uɗug ele am anttaknu enanag. Amu meeme ameg laa ag qauko onig Gileat heqoppa nenan ukkaegeg, danab enanag anadtte bia daatte.

Solomonnu Ahi 6:9

Ah dahil imu, nug dahil uppuɗil beɗulag nakok, nuhig neekkak enanag ele, nug dahil ah qa oppiaawaknab ele amu, nug am ah laa oh bia iitta; ag oh daatteb, amge nug nukka, nug piɗe, ag bianab ii daatte. Nug anig nug aɗeg laa iitta, dahil ah, nug nukka; anig nug nuhikkud nid laa oh dilagnu oo hette, amge nug dahil ahnu amu, nug nuhignu oo huana hette. Ah bau ag dahil ah imu, ag nug anidna, ag dooppig, nug itittak ena awom daatte; aria, kuin laa oh, amu king wauud amge wauudnab iitta oh ele, ag nug binag meppig.

Aisaia 60:8

⌊Uub okkai umu uɗitteb amu,⌋ ag lombig ulah yeeye, paha paha laih gotte, o uppuɗil beɗulag nakok nug eɗua teɗppa tutukku gotte, ag amubia gotteb amu, ⌊uub⌋ amuam attemun?

Sepanaia 3:12

Da laa ag dagom danab, ag agakka ag onilag qeeg nette ele, da ag Jerusalem appa uuadppi daaglag. Laa amu ag da Yawe, ag dahilnu oolagppa genab dootteb. Da am Yawe.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.