Sam 74:13 - Nobonob Baibel

¹³ Na nahip ɠagattagppa he, yu laih laih dayom. Na nahip ɠagattagppa na yuppan doɗ okkai nau ele ikkilkad oɗoɗatte aoɗppig.

Sam 74:13 ပူးပေါင်းရင်းမြစ်များ

Nehemaia 9:11

Na hee, yu obata, laih laih dayom amunu, ig mamenkad aɗi ag wan qaɗaiettakppa le amu mataɗna goppig, amge na hee, Isip dilag daup lamadppig ele ag waeg, yu eɗua abenppa ukka, tonatta auta autanab awom. Ag men yu unuqagnab notte bia nona, yu ooppa daappig.

Sam 66:6

Kayak he, ib qaɗaiettak laa le naɗi gamagppa ba dayeye, ig alankad ag baelagppa le amu laih laih gilil bia dayeye, ag le mataɗna, laih wappig. Kayak Nug anam heum amunu, ig nuhignu oonig gamag okkai aheb, binag humatu!

Sam 78:13

Nug ag noolagppanab he, yu obate, laih laih dayeye, amuppa omalattom! Ao, Nug he, le gilil bia heqolag laih laih hippaidya daapiɗ!

Eksodas 14:21

Anam daye, Moses nug eppeg attan huma, yu epponitte, tuqan amuppa Yawe Nug he, laih aam bedeppanu ulah ɠagattag uɗia, ulah nug heehe ukke, wagɗom. Ulah amu yu duttune, yu gamagppa oppata, aɗit laih laih ɠagattag gilil bia dayeye, wanppa ib qaɗaiettak dayom.

Eksodas 14:28

Yawe Nug anam he, yu eɗua pana na, Paronu ban daup ag bannu karis attan daan, ban heppig, daup ag hos attan daan, ban heppig ele, daup oh ag Israel dim lamadna yu gamagppa nona ukkaegeg tonattom. Laippu laa ii dayom; oh mauhppig!

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Esekiel 32:2

“Danab bekka, na nai oo doyak ele imu Isip dilag king Paro nug amegppa inam appe doyaɗ! ‘Paro, na am wanppan wan laa oh oolagppa laion bau bia daattem. Ao, na am yuppan doɗ okkai nau ele bia daattem. Wagai nug le nakokppa itoɗiaya, baegppa heehe, le dubuttid ele daatte, na amubia hettem,’ ” awa atte.