Sam 74:1 - Nobonob Baibel

¹ O Kayak, na ig haen elabnab iikku ii ehanigme. Na ig ii ehanigmenu appe doognignu oɗ medattem. Ao, na ihinignu oot nauhtte diignu appe doognignu unuqidttem.

Sam 74:1 ပူးပေါင်းရင်းမြစ်များ

2 King 21:14

Amu dahiladnab danab ah laala oɗo yaak daaglag amu, da ii ehanadppi daappeg, da geha ag maadppi, kekeɗ eppelagppa goppeg, geha kekeɗ ag ban hena, eheɗ hattanana, ahilkad keeke ele aoglag.

Sam 10:1

O Yawe, na uma daattemnu diig appe dookkulnu oɗ medattem. Yo, uug da toniɗom daattem, haen amuppa na nakka na lokkumna daattemnu diig appe dookkulnu unuqidttem.

Sam 100:3

Ag imu doyeg! Yawe Nug am Kayak! Nug ig heikkom. Ig nuhikkud daattem. Ao, ig am nuhikkud danab ah daattem. Ig am nuhikkud sipsip bia daautut, Nug ig atognoikkakka dabmegatte.

Sam 18:8

Am genab, danab laa oppoɗi huana beeb, diig amunu kahug nug noobppa beebe, oɗeppa dittiak beebe, dittiak waappa ottag daalob amu, amubia Yawe Nug oppoɗi huananab beum.

Sam 42:11

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte, Nug am dahil Kayak.

Sam 42:9

Da Nug amegppa attem. “O Kayak, na kekeɗ niɗamanu ehanittak dahil daattem. Diig aɗinu na da uuiɗme? Ao, diig aɗinu, da mahieye, gai-iitta oiiyi, kekeɗ ag eheɗ heiɗtteb?” awe attem.

Sam 44:9

Amge gemu na ig dimekkan hee, ig gai-iitta daattem. Ao, na ig Israel, na ihinig ban danab ban gokkulagnu ii omaladttem.

Sam 50:1

Laa Ɠagattag Okkai Ele, Nug Kayak, Nug Kayak Yawe, Nug danab ah oh, ag laih aam bedeppanu ukkak laih aam nodeppanu danab ah aabaab ohppanu ag uɗina, Nug gukkuidna uɗiglagnu atte.

Sam 60:1

O Kayak, na ig uuigme. Na ihinig kekeɗ ag ig eɗigkkulagnu heme. Na ihinignu oot nauhom. Na anam heme, amge gemu amu, na eɗun, ihinignu ena doon, ehanigkkutnu unuqidttem.

Sam 60:10

O Kayak, naib, na amu hekkutnu elele, amge na ig uuigme. Ig Israel ig ban daup laippuppa tappat banppa gottem amu, na ig ele gemu ii daattem.

Sam 77:7

“Naɗi Nug ig uuikka autanab awomtai? Anamib daakkute? Ge, Nug baula ihinignu ii helo bia me, Nug ehanikkak kobol iite ha ehanigkku?

Sam 77:8

Nuhig oo mauhaknab kobol am iitta meumte? Nug keeke hekkunu nai anan qakkom ele amu, nai amuam hanhan meu ii omate?

Sam 78:1

O dahilad danab, ag dahil ippunittak imunu dabmetteg! Ao, ag da aɗi nai attem amu dooglagnu ag daulag humeg!

Sam 79:13

Ig nahipad danab ah ig am sipsip nahip dadppa gikkiɗah latteb bia daattem amu, na anam heppe, ig na amenppa, “Ena hen mekkame,” hanhan akkunig. Ao, menuattak huu laippu bia anen anen ag na aɗi heme doona, ag na binan mekkulag.

Sam 79:5

O Yawe, na ihinignu oot nauhom daatte; amu haen gane laa ele ukkeb, am nahip oo nauhak am bodoedakku? Nahip oo nauhak am hanhan daakkute? Ao, na ihinignu dahil doya laa aomanu doyak aɗan daattem. Anam amu, oo aeg bak amuam aab ewak bia diditte, am haen gane laa ele ukkeb, nahip oo aeg bak amu am iitta mekku?

Sam 80:5

Na hee, ig gayak okkai heutut, ig amenig leb am ihinig ee bia daatte. Ao, na hee, ig gayak okkai heutut, ig amenig leb am le oug lattem, amubia daatte.

Sam 85:6

Ig nahipad danab ah, ig nahipnu oonig gamag ahakkunu amu, na baula ɠagattag iqakkutnu oɗ medattem.

Eksodas 32:11

Yawe Nug Moses amegppa anam aum, amge Moses nug Yawe, nuhig Kayak, nug nuhig oo mak ag uuadmanu haaha, Nug inam Yawe amegppa anana, inam unuqittom. “O Yawe, na oo nauhak doonna, na heppe, danab ah nahipad, na danab ah amu na nahip ɠagattag okkaippa Isipnu diin uɗime ele amu, ag padal mekkulag, amge amuam uug ele.

Aisaia 64:8

O Yawe, ig am anam aakku daattem, amge na ig Mamenig daattem. Na waa keeke hak danab bia daattem, ig am wan, waa haknu, ig amubia daattem. Na ig oh heigme.

Jeremaia 23:1

Yawe Nug inam atte. “Danab okkai ag danab ah dahilad eheɗ hadatteb ele, ag am sipsip gumak danab nau, sipsip eheɗ hattaeg nauheg, lamatteg, pitaiettan gotteb, ag amubia hetteb amunu, ag gumak danab amu, ahilagnu am gadonnab gadon,” awa atte.

Jeremaia 31:37

Anam amu, Yawe Nug imu ele atte. “Danab laa nug hab genab melemel ma, elab amu gane dookku dayeb, o danab nug wannu ukku ohnu keeke hettoɗia, amu oh doya malakku dayeb amu, da Israel dilag eheɗ hak dabmein, Israel buɗub oh geɗadkkul, amge anam iinab bema,” awa atte.

Gayak Nai 5:22

Aɗinu? Antte! Na ig uuigna aut autnanab aome. Ge, na oo nauhak huanaknab ihinignu doome.

Esekiel 34:31

Amu Yawe Nug atte. “Ag Israel, ag am dahilad sipsip. Ag dahil gikkiɗah dadppa daatteb. Ag dahilad danab ah daatteb, da ahilag Kayak daattem.” Naɗi Yawe Nug anam aakku atte.

Esekiel 34:8

“Da Naɗi Yawe, da inam attem. Da genab bau daattem, genab amubia da ag sipsip gumak danab dahilad sipsip atognoadkkulagnu daatteb, da ahilagnu iikku attem. Dahilad sipsip ag ahilag gumak danab iitta amunu, laa ag eheɗ hatteg, doɗ dakkuɗ ag uɗin, aqadna ladappig. Amu sipsip dahilad ag matatun gona daappig, amge ag gumak danab ag eɗun diiglagnu ii mattialadppig. Iitta. Ag akka ag ena daaglagnu henana, dahilad sipsip dilag ii dabmeppig,” awa atte.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.

Duteronomi 29:20

Yawe Nug danab ah anamnu amu ena ii doyatta, ahilag hipunin iinab uhuqa mattama. Nug ahilagnu oppoɗi bak, oo aeg bak ele bekku. Eheɗ laa awaknu anak waappa dayaknu nai oh buk imuppa yaak daatteb amu, amu oh ahilagppa neeb, Yawe Nug geha heeb, danab ah amu ag iitta mena autna aoppeg, hab waappa amu, danab laa nug danab ah amu dilagnu baula dab-ii-mema.