Sam 73:3 - Nobonob Baibel

³ Aɗinu? Da beɗuppa tak danab ah dilagnu amu, da ahilagnu amel qe ool elele ii dayom. Yo, da nau hak danab ah, enulag okkai ele anatten, da ahilag keekenu amel qe ool elele ii dayom.

Sam 73:3 ပူးပေါင်းရင်းမြစ်များ

Job 12:6

Danab laa ag ban hena, laa guittak mettanna, ahilkad keeke aotteb ele, ag maɗoɗ ele daatteb. Ao, laa ag ahilag hakppa heeg, Kayak oppoɗi bette ele, ag baɗak iittappa daatteb. Ag ahilag kayak hambuppuak eppelagppa aɗan maon oitteb.

Job 17:8

Genab tutukku hak danab ag da aniɗna, ag ottaitteb; laa ag beɗulagppa aab iitta, ag ahan, ag danab ag Kayaknu nuhig haknu ele uuak danab daatteb dilag naippa yaaladtteb.

Job 21:7

⌊Amuam⌋ aɗinu nau hak danab ag kaino mena, bau daan oitteb? Ao, aɗinu ag ɠagattag tuɗidna aon, anam daan oitteb?

Job 24:23

Kayak Nug paɗatteb, hipunin danab ag, “Ig baɗak iittappa inamib daagnig,” akkulagtai; amge Kayak Nug ahilag hak neekkidtte.

Sam 10:5

⌊Haen Kayak ahilag ib oo ii nette amu, haen amuppa⌋ nau hak danab ag keeke oh hetteb, amuppa ag eleleib hetteb. Ag na Kayak, ag nahip bu qak ag amelag meum daatte am ag ii anidtteb. Ag ahilkad kekeɗ eheɗ nau aon aon aqadtteb.

Sam 37:1

Nau hak danab ag ena daaglagtai, amge na amunu, “Attemnab anam daatte,” na dabmak amunu tuqa ii awak aib aome. Ao, laa ag eheɗ hetteb ele, na amu dilagnu aib amen qeeb oot elele ii dayom.

Sam 37:7

Na Yawe noobppa dagom daappe, Nug nuhig uɗat hekkunu na oot bodoettak ele Nug ameg mee! ⌊Hipunin⌋ danab ag enulag ele daaglagtai, amge na amunu, “Attemnab anam daatte,” na dabmak amu tuqa ii awak aib aɗan oime. ⌊Hipunin⌋ danab ag eheɗ hekkulagnu lokkumakppa doonna, maittak eheɗ aon, ag anam hekkulagtai, amge na amunu ele, na, “Attemnab anam daatte,” na dabmak amu tuqa ii awak aib aɗan oime.

Prowerb 23:17

Na hipunin danab dilagnu aib amen qe, oot elele ii dayom; iitta, na hanhan Yawenu ebehin oh bodoetta le mekkunu yag-nab-bak doye!

Prowerb 24:1

Na nau hak danab dilagnu aib amen qe, oot elele ii dayom. Ao, na ag ele daaglagnu aib heme.

Prowerb 3:31

Amu danab nug laa guittak nau mauhnoak mettaknu tiigppa daatte amu, na nuhignu aib amen qeeb oot elele ii dayom; na aib kobol nug hette ele, na amunu laippu laanu oot heeb dim lamidme.

Eklisiastis 7:15

Amu da bau wanppa daye, da gaɗappa, unuqagppa ele anttak laippu iittanu oiyak dahil imuppa oiyeye, da keeke aɗit anidmi. Laa am genab tutukku hak danab nug genab tutukku hak kobol haaha oitte, amge nug paha mauhtte; laa am nau hak danab nug nau hak haaha oitte, amge nug paha ii mauhtte. Iitta. Nug haen elab bau dayaya, wanppa oitte.

Jeremaia 12:1

⌊Da Jeremaia, da Yawe inam unuqidmi.⌋ “O Yawe, haen oh da nai laa, na nai amunu diig appe dookkulnu na amenppa attem amu, na kobol tutukkuppaib mehuqe doottem, amge gemu da na nai doya mala hettoɗia epeɗia elele mettak kobol nahipnu oɗ medakkulnu hettem. Am inam. Nau hak danab ag ena daanna, enub kuɗum aotteb. Da amunu diig ii doottem. Ge, danab ag nahipnu oolagppa genab ii dootteb, na ii dim lamidtteb ele, ag uug laa ii doon, elelenab daatteb. Da amunu diig ii doottem.

Malakai 3:15

Anam amunu, ig inam attem. Beɗuppa tak danab ag itittak ena aon oitteb. Laa ag eheɗ hetteb, ag en okkai aotteb, am laa ag Kayak Nug ahilagnu eheɗ hekkunu, Nug amegppa atteb ele amu, ag uug laa ii anidtteb amunu, ig anam attem. Ag dahilnu anam atteb.” Yawe Nug anam atte.

Jems 4:5

Kayak nai laa amunu ag keeke hamu bia doottebte? Nai amuam inam. “⌊Nuhig⌋ Ouɗi, Kayak Nug ig oonigppa meum daatte ele amu, Nug ihinignu dahil doya laa aomanu doyak aɗa daatte.”