Sam 73:2 - Nobonob Baibel

² Amge dahilnu amu, ⌊da Kayak Nug nai doya mala hettoɗia epeɗia elele mettak kobol hanhan dim lamidtte, da amu oolppa genab ii dookkul bia hein,⌋ da nein qekkulnu hemi. Ge, da am laa nug keeke laa eheɗnab taataɗ qetta, na qekkunu hette bia hemi.

Sam 73:2 ပူးပေါင်းရင်းမြစ်များ

1 Stori 22:7

Amu Dawit nug Solomon amegppa aum. “O bekkal, da Yawe, dahil Kayak, da Nug laug, Nug onig amuppa daakkunu hekkulnu dabmein, ool okkai dayom.

Job 12:5

Danab ag keeke oh elele, ag laa uugppa daatteb dilagnu, ‘Ag am keeke hamunab,’ dootteb; ge, ag laa nena qekkulagnu hetteb dilagnu anamib dootteb.

Job 21:4

Da danab laa eheɗ heiɗomnu naittuɗ hettemte? Iitta! Da Kayak eheɗ heiɗomnu naittuɗ hettem amunu, aɗinu da ool maɗoɗ ele dayeye, Nug ameg mekkul?

Sam 116:8

O Yawe, na ena heiɗme. Aɗinu da anam attem? Na da ehaniɗe, da ii mauhmi. Na da ehaniɗe, da ii gaattem. Na da ehaniɗe, da ii nein qettem.

Sam 17:15

Amu da, da genab tutukku hak kobolppa na anidkkul. Haen da niiak abenppanu ahen, na anitten amu, da elelenab dookkul.

Sam 17:5

Da na ippunppa oimi. Ao, da na dim lamittaknu ii uumi.

Sam 35:13

Haen ag oɗe mena daaegeg, da ahilagnu mahimi. Ao, da dakka, da onil qei ne, da ele ee ohnu kud mein daami. Ge, da dup noin aute awen, da ahilagnu unuqidmi.

Sam 38:16

Da unuqitte ami. “Dahil kekeɗ ag dahilnu, ‘Enanagnab na qeum,’ amananu, na ehaniɗppe, da nein ii qepanu oɗ medattem. Ge, dahil kekeɗ ag da eɗilmananu, na ehaniɗppe, da nein ii qepanu unuqidttem.”

Sam 5:7

Na oo mauhaknab kobol dim lamidttem amunu, da na lautppa wakkulnu elele. Da nahipnu ebehil oh bodoetta le me doyen, nahip mettid lag nahipnu tituanak daatte ele, da amu neekkitten, da dup noin binan mekkul.

Sam 94:18

O Yawe, haen da, “Da nein qekkulnu hettem!” ami amu, na nahip oo mauhaknab kobolppa ehaniɗme.

Prowerb 5:14

Da Kayaknu danab ah oolagppa dayeye, moɗ nauppa nein qein mauhkkulnu, da moɗ amu agappanab iikku daattem.” Na anam aon akkut.

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.

1 Samuel 12:23

Amge dahilnu amu, Yawe da unuqittakppa ag ehanadkkulnu uɗat meɗom amunu, da uɗat amu uuen, nuhigppa hipunin hepanu amu, da Nug ahilagnu unuqidkkulnu iinab uupa. Iitta. Da amu heinne, da ag ib ena, ib tutukku ele tuɗitten ippunadkkul.

1 Samuel 2:9

Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.