Sam 72:9 - Nobonob Baibel

⁹ Danab ah ag atu taɗakppa oinna daatteb ele, ag nug noobppa dup nokkulag. Nuhig kekeɗ ag nug noobppa nena qena, gappudppa niiglag.

Sam 72:9 ပူးပေါင်းရင်းမြစ်များ

Genesis 3:14

Ah nug anam a, Yawe Kayak Nug doya, Nug mat amegppa aum. “Na keeke nau imu heme amunu, nahip eheɗ laa awaknu anak waappa dayak am aabppan doɗ laa oh eɗattak. Ge, am doɗ dakkuɗ ele laa oh eɗattak. Na ootppaib oinna; amu na gappud lanana oippeppe ukkeb, na mauhkkut.

1 King 9:18

aab Balat, amu aab Tatmor ele eɗua bappalattom. Aab Balat, Tatmor ele aa amu, aa Juda wan atu taɗakppa daapiɗ,

Sam 110:1

Yawe Nug dahil Naɗi amegppa inam atte. “Na da eppel naɗiap-ppa daappe ukkeb, da nahip kekeɗ na waatppa maadkkul,” awa aum.

Sam 110:6

Nug wanppan wan anen anen dilag danab ah epeɗiatta, bu matta heeb, kuɗumnab mauhkkulag. Nug ikki danab wan ohppanu aduduɗatteb nauhkkulag.

Sam 22:29

Dada hak danab ah ag Nug noobppa dup nokkulag. Yo, aun aɗi ag bau daan mauhtteb, ag Nug noobppa dup nokkulag.

Aisaia 49:23

Ag Juda amu, king laala ag ag mamelkad daaglag. Kuin laala ag anig nid huh medatte, ag ahilagnu anambia daaglag. King aɗi amu, ag Juda ahilagnu okkai doon, ag ag noolagppa gatelag qaun ona, gomelna ag iɗulag wanppa mekkulag. Ag ag baelagppa dup nona binalag mekkulag. Ag amu hekkulag amunu, ag Juda, ag da am Yawe doon, laa ag da amel metteb ele, ag uɗa nak ii doomna ele dooglag.” Yawe Nug anam atte.

Maika 7:17

Ag uɗa nak doon, ag mat gappud hoɗutte bia hekkulag. Ao, ag doɗ digdig ag oolagppa wanppa oinna, gappud latteb, ag uɗa nak doon, ag amubia hekkulag. Ag eheɗ baɗan, hahaɗna, ag ahilag teɗppanu dimittim uɗiglag. Ag baɗan, ag Yawe, Nug am ihinig Kayak, ag Nug dim lamidkkulagnu nuhigppa gokkulag. Ag ag Juda, ag ahilagnu ele baɗaglag.

Luk 19:27

King nug anam ana, nug nai tuɗitta aum. ‘Aria laa ag da kekeɗ meɗan, da ahilag king daakkulnu uuppig amu, ag diin, da noolppa ippa dona, aqappeg mauheg!’ awa aum.” Jesus anam aum.