Sam 72:7 - Nobonob Baibel

⁷ Genab tutukku hak danab ag nug king dayebeb, ag enaib daaglag. Nahipad danab ah ag haen oh, gemu ukkeb gog tak haenppa ele, ag maɗoɗ daaglag.

Sam 72:7 ပူးပေါင်းရင်းမြစ်များ

1 King 4:25

Haen Solomon nug king dayeye amu, Juda danab ah, am Israel danab ah ele, aab onig Dan, appanu ukka ukka, Berseba aabppa batak, ag oh baɗak iittappa daappig. Amunu danab oh anen anen ag ahilag ad fig, amu muɗi grep ele waappa daanna, ag gumappig. Haen amuppa keeke eheɗ laa ahilagppa ii beum. Iitta.

1 King 5:4

gemu Yawe, Kayak dahil, Nug maɗoɗ haen ena da meɗa he, wan laa oh ag ig ele ena daattem, uug laa ele iitta

Sam 92:12

Ad pam enanag ba, okkai mette, amubia genab tutukku hak danab ah aɗi ag ena bena daatteb. Yo, ag am Lebanonnu ad sida, amubia ɠagattag betteb.

Aisaia 2:4

Am Yawe Nug geha wanppan wan ohnu danab ah dilag nai doya mala, hettoɗia, epeɗia, elele medakku. Ao, Nug geha wanppan wan anen anen oh dilag nai bappaidkku. Nug anam hekku, amu danab ah buɗub ohnu ag ahilkad qep elab aon heppeg, wan buuaknu aen laa daaglag. Ao, ag ahilkad ban lat heppeg, eɗun ad eppeg babaittaknu aen daaglag. Wan laappan danab ag ahappeg, wan laappan danab ele baula ban ii hemana. Ag ban hak sul ele baula ii hemana.

Aisaia 60:1

Jerusalem danab ah, Juda danab ah ele, ahilag amahlak uɗiom. Ao, Yawenu binag amahlak oppiaawak ele amu, amuam ahilagppa beum daatte. Anam amunu, ag ahan, aam danab ah amahlak madatte bia, ag danab ah laa oh Yawenu amahlak matteg!

Aisaia 60:22

Ag Juda ag oolagppanu aab ikki laa, aab ikki amuam danab kuɗum iitta amu, ag dahil ehanittakppa appatna, kuɗumnab daaglag. Ao, aab ikki nakoknab, aab ikki laa oh aab ikki amu eɗidtteb amu, aab ikki amuam appatppeg, huu naɗinab, ɠagattag ele daakku. Da am Yawe. Da keeke imu bekkunu haen uɗieb amu, da paha heppi bekku.” Yawe Nug anam atte.

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Sekaraia 9:10

Yawe Nug inam atte. “Da geha heppi, ban haknu karis ag baula Israel appa ii daamna. Ao, da heppi, hos banppanu ag Jerusalem appa baula ii daamna. Ge, da geha ban haknu lat heppi qiiadkkulag. Amu king ahilag Nug geha heeb, wanppan wan ohppa ag ban kobol uuna, ag maɗoɗ ele daappeg, ahilag king nug geha danab ah wan atu ohppanu gumadkku. Yo, Nug geha le naɗi Yupretis appanu digma ukka, wan batakppa ele gumadkku.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Luk 1:33

Nug haen oh Jakop buɗubnu king daakku. Nuhig ɗo maɗoɗ am ii tuqa aoma,” awa aum.

Luk 2:14

“Kayak Nug attannab daatte; ig Nug binag amahlak oppiaawak ele metu! Wanppanu danab, ag nuhignu daatteb amu, ag maɗoɗ mattom,” aon appig,

Aposel 4:32

Danab ah ag oolagppa genab dooppig ele ag anam aakku henana, ag oh dabmak laippuppa oolag laippu dayeye, amu danab laa nug keeke ele nug nuhignuib ii aɗom. Iitta. Keekeppa amu ag nug ehanitteg,