Sam 72:6 - Nobonob Baibel

⁶ King nug gu naana, gikkiɗah le medatte bia, nug anam bia daakku. Yo, nug gu naunau na, wan le medatte bia daakku.

Sam 72:6 ပူးပေါင်းရင်းမြစ်များ

2 Samuel 23:4

nug am buttua haen enanag, lombig iitta aam baaba, amahlak wan medatte, nug amahlak amubia daatte. Ge, danab anam amu, nug gu wan leppu mette, keeke wanppa bette amu, nug gu nug na mala, amahlak okkai bette, nug amahlak amubia daatte,’ awa aum.

Sam 65:10

Amu na hee, gu huana elele dad ohppa na, wan buuak amuppa le dayeye, wan ena gai-iitta dayeye, na hee, ee keeke ena betteb.

Prowerb 16:15

King nug laa ena neekkitteb amu, laa amu nug bau daakku; amu king nug laanu ena ii helo bia me, nug amu hette, kobol amuam gu na, wan ehanidtte bia.

Prowerb 19:12

Kingnu oppoɗi be ameg kokoɗ eppak am laion baunu gayak bia; amge ena doyak nuhig am gikkiɗahppa baito daatte bia.

Aisaia 5:6

Dad mameg nug anam anana amu, nug tuɗitta aum. “Geha da wan amu heppi, wan meu waknu nakokib elele bia dayebeb, appa danab nug muɗi grep babaittak uɗat, wan buuak uɗat laa ele ii hema. Uud keeke qaun ele bena dad tonappeg, da geha gu ele dad amuppa nemanu, da ɗo mekkul,” awa aum.

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

Maika 5:6

Ig otiadpput, danab okkai amu ag Asiria wan qep elabppa heppeg nauha auta aokku. Ao, ag Nimrot appag diig, am Asiria, ag ahilag qep elab ag eppelagppa daappeg, wan amu heppeg nauha auta aokku. Laa Nug ig Israel gumigkku, Nug danab okkai eblaih ewam ele amu eppelagppa heeb, ig Asiria eppelagppa ii daamta. Aɗinu? Asiria ag ig Israel eɗigkkulagnu uɗiglag. Ao, ag ihinig wan tom ooppa laippu tappa ukkakppa uɗiglag.

Duteronomi 32:2

Da aɗi madikkul ele imu am, gu nette, amubia dayaɗ! Yo, nai dahil, amuam baito nette bia dayaɗ! Genab, amuam, gu digittig na, gikkiɗah hittu aɗatte, amubia dayaɗ! Yo, guttid na, dattan hittu yuɗ aɗatte, amubia dayaɗ!