Sam 72:17 - Nobonob Baibel

¹⁷ Danab ah ag hanhan king daulagppa dokkunu ool daatte. Ao, aam amahleb ukkeb ukkeb, batak haenppa batak, ag nuhignu daulagppa dokkunu ool hette. Wan atu ohppan danab ah oh nuhig itittak ena aon, ag nug binag mekkulagnu ool daatte.

Sam 72:17 ပူးပေါင်းရင်းမြစ်များ

Genesis 12:3

Danab aun laa na itittak ena medakku, da nug itittak ena medakkul, amge danab aun laa na eheɗ laa awaknu anak waappa daakkutnu akku amu, da nug eheɗ laa awaknu anak waappa daakkunu akkul. Wanppanu huu oh ag nahip-ppa itittak ena aoglag,” awa aum.

Genesis 22:18

amu da heppi, na buɗunppa wan ohppan danab ag itittak ena aoglag. Aɗinu? Na nai dahil dim lamidme.’ Yawe Nug anam awa atte,” awa aum.

2 Samuel 7:13

Laa nug gumak uɗat nuhig nug eppegppanu matakka ii aoma; da heppi, hanhan nug eppegppa, nug buɗub eppelagppa ele daakku. Nid nahip amu, nugnab dahil lag, da onil amuppa daakkunu amu, nug hekku.

2 Samuel 7:16

Na buɗunad ag hanhan da noolppa daaglag. Ag iitta ii memana. Laa nug gumak uɗat nahip na eppenppanu matakka ii aoma; da heppi, hanhan na eppenppa, na buɗunad eppelagppa ele daakku.’ ” Yawe Nug Natan, Dawit amegppa anam akkunu amegppa aum.

1 Stori 17:12

Laa nug gumak uɗat nuhig nug eppegppanu matakka ii aoma; da heppi, hanhan nug eppegppa, nug buɗub eppelagppa ele daakku. Nid nahip amu, nugnab dahil lag, dahilnu hekku.

Sam 21:7

King nug Yawenu ooppa genab dootte amunu, Kayak Attannab Laa Oh Eɗattak Nug oo mauhaknab kobol doya dim lamitta heeb, nug ii na qema.

Sam 45:17

Da heppi, danab ah ag hanhan na dabmettaglag. Da anam hekkul, diig amunu amu, wan ohppan danab ah ag na onin okkai hanhan mettaglag.

Sam 89:36

Da inam ami. ‘Da geha heppi, nug buɗub oolagppanu laala ag ahilag haen anen anenppa, ag Israel dilag king hanhan bena daaglag. Yo, da geha heppi, aam dayebeb amu, king dayaknu ehah am nug buɗuppudppa hanhan daakku.

Eksodas 3:15

Kayak Nug anam anana amu, Nug nai tuɗitta, Moses amegppa nai imu ele aum. “Na nai amu ag amelagppa awona, na Israel danab ah amelagppa inam ele appe doyeg! ‘Yawe, Nug ag mamelkad aɗi dilag Kayak, amuam Nug Abrahamnu Kayak, Nug Aisaknu Kayak, amu Nug Jakopnu Kayak ele amu, Nug he, da ag gumatte uɗimi.’ Da onil am anam aakku, amu da onil amuam hanhan anamib daakku. Amu Israel danab ag gemu daatteb, ag buɗulkad, alalkad aɗi, dimppa ag bekkulag ele amu, ag oh am da onil am anam ag dabmakppa aɗaglagoitte,” awa aum.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Matyu 1:21

Nug geha nid danab aokku, amu na Nug onig Jesus ataɗkkut. Aɗinu? Nug nuhikkud danab ah, ag ahilag hipuninnu padal ii memananu ehanadkku,” awa aum.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Luk 1:48

Aɗinu? Da am nuhig maɗi ah, keeke hamu bia, amge Nug dahilnu oo doyom! Kayak Ebehi Oh Ele Nug keeke naɗinab dahilppa heum amunu gemu, butti aɗi ele buɗub buɗub doobob, danab ah amu ag akkulag. ‘Kayak Nug itittak ena okkai nug mettom,’ aon akkulag. Nug onig am Oppiaawak Ele.

Aposel 3:16

Amu i Jesusnu oonihppa genab doomuɗ, amuppa Jesus Nug he, danab imu, ag nug anidna dootteb ele, nug enanagib daatte. Yo, i Jesusnu oonihppa genab doottep, ib amuppa Nug he, danab imu nug ag anidtteb bia eɗua ena daatte,” awa aum.

Galesia 3:14

Kayak Nug Abraham itittak ena mettom amu, Nug itittak ena amu aakkuib Kristus Jesusnu uɗatppa, Nug iitta aɗi ele madakkunu, ig Kristen oh ig Nai Ena doout, oonigppa genab doottem, amuppa ig nuhig Ouɗi megakkun nai qakka aum amu, ig Nug aognignu, Kristus Jesus Nug ig ihinig hipuninnu qagaiettakppanu eɗua uhuqak ha mekkom.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Epesus 3:14

Da Kayaknu dabmak amu dabmein, da amunu Mame noobppa gatel qaun ottem.

Pilipai 2:10

Kayak Nug geha danab oh hab attannu, wanppanu, amu mauhakppanu ele, ag oh Jesus onig doona, ag Nug noobppa gatelag qaun okkulagnu, ag, “Jesus Kristus Nug am Naɗi,” amu ele akkulagnu, Nug onig amu Jesus mettom. Danab oh ag, “Jesus Kristus Nug am Naɗi,” akkulag amu, amuppa Mame Kayak, Nug binag amahlak oppiaawak ele aokku.

Kolosi 1:3

Ag Kristus Jesusnu oolagppa genab dooppignu nai, ag Kayaknu danab ah oppiaawak ele oh dilagnu oolag mauhttenu nai amu, i anam doyoɗa, unuqittak ihinihppa haen oh amu i ihinig Naɗi Jesus Kristus Mameg Kayak amegppa ahilagnu, “Ena heme,” aoɗ attep.

1 Pita 1:3

Ig Kayak, Nug am ihinig Naɗi Jesus Kristus Mameg amu, ig Nug binag metu! Aɗinu? Nug ihinignu oo gai-iitta doya oo mekka ehanikkom. Jesus Kristus mauha, eɗua hibaittom, amuppa ig bau menuak mekkom. Nug ig amu mekkom amunu, ig Kayak noobppa bauklel ele daagnignu genab dootta, amunu dabmak aɗat oittem.

Revelesen 15:4

O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.