Sam 72:12 - Nobonob Baibel

¹² Ag anam hekkulagnu diig am, daɗek ag nug unuqidppeg, nug ag ehanatteb, qagaiettakppa ii daamna. Ao, laa ag laa eppelagppa daatteb, auntai laa ehanadkku iitta ele amu, ag nug unuqidppeg, nug ag ehanadkku.

Sam 72:12 ပူးပေါင်းရင်းမြစ်များ

2 Samuel 14:16

Amu da imu ele dabmemi. ‘King nug dahil nai dookku amunu, Nug ehaniɗa, laa ag da, da bekkal ele nitappeg mauhɗa, i wan Kayak i aunih daakkunu metom eleppa ii daamɗanu hetteb ele amu, nug heeb, ag hekkulagnu elele iitta daaglag,’ dabmemi.

Job 29:12

Ag amu heppignu diig am, daɗek danab ag ehanittak awaknu gaaegeg, da ehanatti, ag padal ii meppig. Ao, laa mamelkad mauheg, akkaib daatteb, laa ehanadkkunu iitta amu, da ehanatti, ag padal ii meppig.

Job 36:15

Laa Kayaknu daug batak dooglagnu uutteb ele, ag anam mauhtteb, amge laa ag akka ag onilag qeeg ne oitteb amu, ag guittak doyegeg, Kayak he, ehanittak aotteb. Ao, Kayak Nug he, ag uug nau ahilagppa daan, ag doyak tutukku aotteb.

Sam 10:17

O Yawe, na daɗek danab ah, na ahilag oo hak amu, na amu doottem. Ao, na ag ahilag unuqittak doona, ɠagattag madattem.

Sam 102:17

Nug laa ag keeke iittanab iitta ele amu, Nug ahilag unuqittak dookku. Ao, Nug ahilag unuqittak ii dimettama. ⌊Nug ag ehanadkku.⌋

Sam 55:17

Buttua, amun, tuqan ele da unuqittak baal okkaippa uug nau toniɗom imunu hebippi, Yawe Nug da baal dookku.

Sam 72:4

King nug daɗek danab ah hettoɗiakppa ehanadkku. Ao, nug nid naunau ag anilkad mamelkad keekenu tutu meppig daatteb amu, nug ag ehanatteb, qagaiettakppa ii daamna. Ge, nug laa ag daɗek eheɗ hadatteb ele, nug ag tappalatteb nokkulag.

Prowerb 29:7

Genab tutukku hak danab ag, ag hettoɗiakppa epeɗiak danab ag daɗek danab dilagnu nai doya mala hettoɗia epeɗia elele mettak kobol dim lamidkkulagnu dabmena autna aotteb; amge nau hak danab ag, ag anam dab-ii-metteb.

Eklisiastis 4:1

Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.

Aisaia 41:17

Amu Yawe Nug atte. “Haen Israel danab ah, ag am danab ah daɗek, keeke iitta ele bia daatteb amu, haen ag le oug mattin ii anidppeppeg, ag le baalag eheɗnab diiebeb, da Yawe, da ahilag unuqittak doyen ehanadkkul. Ao, da, da ag Israel ahilag Kayak, da ag ii uuadpa. Da ag ehanadkkul

Luk 4:18

“Naɗi Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi, Nug nuhig Ouɗi dahilppa daatte. Nug da appi, laa ag maniguittakppa daatteb, ag uhuqak aoglagnu, da heppi, laa ag ameg gaɗuak ele daatteb, ag eɗun neegkkulagnu, da appi, laa ag laa aɗalatteg ag eppelagppa daatteb amu, ag uhuqak aoglagnu,

Luk 7:22

Amunu Jesus Nug ahilah nai amu eɗua nob ma amelahppa aum. “Aa goya, gemu aa aɗi anidpiɗ, aɗi daulahppa doopiɗ ele aakkude Jon amegppa apeɗ doyaɗ! Danab ag amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu, oɗe amu iitta mette, daulag ituak amu, ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

1 Samuel 22:2

Ag anam daaegeg, danab kuɗum uɗieg, Dawit ele daappig. Amu ag oolagppan laala ag uug nauppa daappig; am oolagppan laala ag lon mameg men doɗo amu eɗun ii medappig; am ag oolagppan laala ag gabmannu lamittak kobolnu, amu keeke laalanu ele bahilag yom. Ameg amu ag ahan uɗieg, Dawit ele daappig. Dawit nug ahilag ikki danab dayom; 400 danab anam amu, ag uɗieg, Dawit ele daappig.