Sam 71:22 - Nobonob Baibel

²² O Kayak, na oo metta ii uuak kobol hanhan dim lamidttem amunu, da harp qeinne, binan mekkul. Yo, O Israel dilag Kayak, oppiaawak ele, da laia qeinne, nahipnu ahi edette, na binan mekkul.

Sam 71:22 ပူးပေါင်းရင်းမြစ်များ

2 King 19:22

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Sam 138:2

Na hee, na onin, nahip nai ele anuqak daattep amunu, da ool ekuɗe, nahip mettid lag nahipnu tituanak daatte, da aben amu neegppi ukkeb gomelen, da na oo mauhaknab kobol, oo metta ii uuak kobol ele dim lamidttemnu dabmein, da na amenppa, “Ena heme,” akkul.

Sam 144:9

Na binan maknu amu, O Kayak, da ahi bau edakkul! Ao, na binan maknu amu, da laia, nuhig muɗi 10 ele qekkul.

Sam 25:10

Am danab ah aun aɗi ag Yawenu nug tituana nai qakkak dim lamidtteb, ag nuhig nai ele oh waappa daan, dim lamidtteb ele amu, Yawe Nug oo mauhaknab kobolppa, oo metta ii uuak kobolppa ele ag ehanadtte.

Sam 33:2

Ag ahi baag dim lamidna, harp qenana, ahi amuppa ag Yawe onig humeg! Yo, ag ahi baag dim lamidna, laia muɗi nuhig 10 ele qenana, ahi amuppa ag Yawe binag okkai metteg!

Sam 43:4

Na anam heppe amu, O Kayak, da nahip qaɗabppa wakkul. O Kayak, na maɗoɗppan gamag ahak da meɗan, oo enanagnab doyak ele da meɗattem. Nahip qaɗabppa amu, da harp qeinne, na binan medakkul. O Kayak, na dahil Kayak.

Sam 56:4

Ao, da Kayak, da nuhig nai binag mettem amu, da nuhignu oolppa genab doottem. Anam amunu, da ii baɗapa. Ge, ⌊Kayak Nug danab dahilppa aɗi hekkulagnu ii uuatteb hekkulag amu,⌋ danab ag aɗi keeke dahilppa hekkulagnu elele iitta.

Sam 78:41

Haen kuɗum ag Kayak ma anttak medappig. Ao, ag eɗuna heeg, Israel dilag Kayak Oppiaawak Ele, Nug oo nauhom.

Sam 89:1

O Yawe, da oo mauhaknab kobol nahipnu oo gamag ahak doyeye, hanhan ahi edakkul. Yo, da geha oo metta ii uuak kobol nahipnu laa amelagppa madikkul.

Sam 89:18

Aɗinu? Ihinig king, nug ihinig guppiɗ daatte amu, nug Yawenu danab. Yo, ihinig king nug ig Israel, nug ihinig Kayak Oppiaawak Elenu danab.

Sam 98:3

Am Yawe Nug oo mauhaknab kobol nuhig, oo metta ii uuak kobol nuhig ele Israel dilagnu dabmaama dim lamidkkunu nai anan qakkom. Yawe Nug anam hekkunu nai anan qakkom, amu Nug aakku heum. Ihinig Kayak Nug ehanikke, ig padal ii memut, amu wanppan danab ah oh ag amu anidppig.

Sam 98:4

Ag wanppan danab ah, ag gamag ahak naɗi doon, ag Yawe binag mekkulagnu baalag okkaippa eig! Genab, wanppan danab ah oh ag gamag ahak naɗi doon, laippun digmena, ahi etteg! Ag ahi ettanna, qedadaɗaknu keekeppa qedadaɗeg!

Sam 98:5

Ag Yawe Nug onig okkai aokkunu ag harp amu qeig! Ao ag harp qenana, ag ahi baag enanag laala ele ettalatteg!

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Aisaia 43:3

Ag anam ii nauhmana. Aɗinu? Da Yawe, ahilag Kayak, da am ag Israel, ahilag Kayak Oppiaawak Ele; da am ahilag padal memananu ehanittak daattem. Da heppi, Isip danab ah ag, ag oulag daappeg, ag Israel, ag qagaiettak ii daamna. Ao, da heppi, Kus, Seba danab ah ele ag, ag Israel danab ah oulag daappeg, amuppa da ag Israel eɗuen, aben enappa maadkkul.

Aisaia 5:16

⌊Ag anam aakku daaglag⌋, amge Yawe Nukka Ɠagattag Oh Ele, Nug geha nai doya mala hettoɗia epeɗia elele mettak kobol nuhigppanu binag okkai aokku. Ao, Kayak Oppiaawak Ele, Nug genab tutukku hak kobolib dim lamidtte, Nug kobol amuppa heeb, danab ah ag nuhig oppiaawak dayak anidkkulag.

Aisaia 5:19

Laa ag, “Ig nuhig uɗat anidkkunignu Israel dilag Kayak Nug keeke laa ihinignu dabmette ele amu, keeke amu Nug paha haɗ!” atteb amu, ahilagnu am gadonnab gadon. Ao, laa ag, “Ig amu doognignu, Israel dilag Kayak Oppiaawak Ele Nug aɗi keeke hekkunu maittak awom amu, Nug amu heeb baɗ!” aon atteb amu, ahilagnu am gadonnab gadon. ⌊Ag padal mekkulag.⌋

Aisaia 5:24

⌊Ag anam hetteb⌋ amunu, wit keeke gumu qaɗaiettak ewa iitta mette, amubia ag nauhkkulag. Ao, gikkiɗah qaɗaiettak aab aɗuppa ewa malatte amu, amubia ag nauhkkulag. Amu ad diɗilag beɗaeg, ad bunaɗtte; bala, ⌊uɗulag ele⌋ na qa iitta mette bia amu, ag anam nauhkkulag. Aɗinu? Ag am Yawe Nukka Ɠagattag Oh Ele, ag nuhig ɗo doyaknu uuppig oitteb. Ao, ag Israel dilag Kayak Oppiaawak Ele, ag nuhig nai dimedappig oitteb.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 60:9

⌊Yawe atte, amubia uub amuam ag wan umanabnu danab ah aon uɗitteb.⌋ Nug atte. “Danab ah wan miagnu, wan umanu ele ag da aniɗna, ehanittak aoglagnu oolag huana hette,” awa atte. Uub tatam uɗitteb amu, ag Tarsisnu. Ag, ag Juda, ag bekkalkad umanabnu aon uɗinna, ag laih appanu danab dilag silwa, gol ele, ag amu ele aon uɗitteb. Ag Yawe, Nug ag Israel, ahilag Kayak Oppiaawak Ele, Nug ag Israel binalag okkainab meum ele amu, ag diig amunu ag silwa, gol amu ele aon uɗin, Nug binag mekkulagnu hetteb.

Maika 7:20

Na anukkanab ig mamenkad aɗi amelagppa ihinigppa aɗi hekkutnu nahip nai ɠagattag qena mattime amu, na Jakop buɗubppa aɗi hekkutnu ame amu, na anamib hekkut. Ao, na Abraham buɗub dilagnu oot gai-iitta doon oot mattan ehanadkkutnu ame amu, na anamib hekkut.

Rom 15:8

Da inam attem. Kristus, Nug Kayaknu nai ig alankad amelagppa qakkatta aum amu, nai amuam genab miag atikkunu, Kristus Nug Juda dilag maɗi nid beum.