Sam 71:20 - Nobonob Baibel

²⁰ Na da uug digdig, nau ele aokkulnu aib ii ae, aakku toniɗppig, amge na da ehaniɗppe, da ena daakkul. Yo, uug okkai okkaippanu, na humiɗna awiɗppe, da eɗue ena daakkul.

Sam 71:20 ပူးပေါင်းရင်းမြစ်များ

2 Samuel 12:11

Natan nug Kayaknu nai Dawit amegppa anam awowa, nug tuɗitta aum. “Yawe nug inam ele atte. ‘Na baenadppa dilagppanab uug naunab beeb dookkut. Da heppi, na amenppanab laa na baenadppan laa nug na waatad diieb, amunppa, danab ah noolagppa ag nug ele niiglag.

Sam 119:25

Da gappudppa dayeye, oolppa elele iittanab iitta doottem. Na ame bia amu, na ehaniɗna heppe, da eɗue, ena daakkulnu oɗ medattem.

Sam 138:7

O Yawe, uug kuɗum dahilppa bette, amge na da atognoiɗe, da ena bau daattem. Laa ag dahilnu oo aeg bak doon, kekeɗ meɗatteb amu, na ag mautadna, nahip ɠagattagppa da ehaniɗe, da padal ii mettem.

Sam 16:10

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na nug ii uuidmana amunu, Nug beɗu ii nauhma.

Sam 60:3

Na ig bu ɠagattagnab mekkame. Ao, na hee, ig uug doot, danab nug le nau la, qe oiyom bia hemut.

Sam 60:5

Ig, na ihinignu oot mauhtte ele amu, ig kekeɗ eppelagppa ii daamtanu, na nahip ɠagattag okkai amuppa ig ehanigppe qagaiettakppa ii daamtanu oɗ medattem.

Sam 80:18

Na anam hekkut dayeb amu, ig na ii dimettamta. Na ig bau dayaknu, na bau ig megappe, ig baula na onin diignig.

Sam 85:6

Ig nahipad danab ah, ig nahipnu oonig gamag ahakkunu amu, na baula ɠagattag iqakkutnu oɗ medattem.

Sam 86:13

Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

Sam 95:4

Wan unuqagnab amu, aben amuam Nug eppegppa daatte. Ao, qauko ikki, aben amu ele Nug eppegppa daatte.

Aisaia 26:19

Ig anam daamut, amge ⌊O Yawe, nahipad⌋ huu mauhna, moɗppa daatteb, ag geha eɗun ahaglag. Ag beɗulag eɗua, bau ahakku. O ag danab ah, ag matmatppa niitteb amu, ag eɗun, bau ahan gamalag ahebeb, ag eig! Aɗinu? Yawe Nug heeb, tuqan baito wan qaɗaiettakppa na, leppu mette, gikkiɗah bau bette, amubia ag moɗppa daatteb ele, ag eɗun ahaglag.

Aisaia 38:17

Am genab, da ehaniɗkkutnu na uug naunab dahilppa bekkunu ib oo ii neme. Na dahilnu oot mauhe, na dahil hipunin oh uhuqna meɗe, iitta mena, da beɗulppa iinab daatteb amunu, na ehaniɗe, da padal ii memi.

Jona 2:6

Da ukken, yu ooppanu, qauko oh diilkadppanab daami. Aben amu da ataɗguiɗa auta awe, da aakku daami. Amge Yawe, na dahil Kayak, na da eɗun aiɗe, da bau daattem.

Mak 15:34

Aria, aam ameg ewamppa Jesus Nug baag okkaippa, “Eloi, Eloi lama sabaktani,” ewa aum. Nai amu eɗuak am, “O dahil Kayak, O dahil Kayak, na aɗinu da uuiɗmenu diig appe dookkulnu oɗ medattem.”

Aposel 2:24

Amge Kayak Nug mauhak oolagppanu uhuqa he, eɗua hibaittom. Mauhak Nug aɗakkunu elele iitta.

Epesus 4:9

Amge, “Nug attan teum,” amu diig attemun? Nug wan ooppa iite noum? Yo, Nug tatam wan ooppanab noum.

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig

1 Samuel 2:6

Yawe Nug he, danab ag mauhtteb; Nug he, danab mauhppig ele amu, ag eɗun hippaidtteb. Ao, Nug he, danab ag moɗppa niitteb; Nug he, danab mauhppig ele amu ag hippaidna oitteb.