Sam 71:14 - Nobonob Baibel

¹⁴ Amge da amu, da hanhan na heppe, dahilppa ena bekkunu dabmak aɗen oiyeye, amen mekkul. Da na baubau binan mekkul.

Sam 71:14 ပူးပေါင်းရင်းမြစ်များ

Job 13:15

Da amu hekkulnu diig am inam. Kayak heeb, da mauhkkultai, amge anam bekkunulob, da Nug ehaniɗeb, da eɗuen ena daakkulnu dabmak aɗe daattem; da Nug amegppanab da dahilnu nai madippi, Nug dookku oolppa genab doottem.

Sam 130:7

O Israel danab ah, Yawe Nug danab ah dilagnu oo mauhaknab dootte. Ao, Nug danab ah qagaiettakppanu eɗua uhuqak hette amu, amuam elelenab amunu, ag Nug nuhig hak amu heeb gog tekkunu dabmenan oiyeg!

Sam 43:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

Sam 71:6

Na da menuiɗak haenppan digmena ehaniɗme, gemu ele hettem. Yo, na da ehaniɗe, da anil menuiɗom. Da na hanhan binan mekkul.

Gayak Nai 3:21

Dahilnu anam daatte, amge da keeke laa dabmein; da keeke ena bekkunu dabmak aɗa oiyaknu doottem.

Gayak Nai 3:24

Da dakka, da nai mattieye, da attem. “Keeke ena oh da eppelppa daakkunu elele amu, Yawe nukka keeke amu oh abenlag awa dayeye, Nug da ele daattep amunu, da ena, elele daattem! Nug anam daatte amunu, da Nug ehaniɗkkunu ameg mekkul,” awe attem.

Gayak Nai 3:25

Laa ag Yawe heeb, keeke ena bekkunu dabmak aɗan oitteb amu, Yawe Nug ahilagnu kobol ena hette. Ge, laa ag Yawe mattina, dim lamidkkulagnu Nug maditteb, Nug ahilagnu kobol ena hette.

Gayak Nai 3:26

Ig bodoettak, oonigppa maɗoɗ ele Yawe ehanikkeb, ig padal ii mematanu ameg mekkunig am ena;

Pilipai 1:9

Amu da ahilag oo mauhak kobol am okkai meebeb, amu ahilag doyak, ahilag diignu doyak tutukku ele aa ele okkai mepeɗ daaglagnu Kayak unuqidttem.

1 Tesalonaika 4:10

Ao, ag Makedonia appa lailkad oh dilagnu oolag mauhtte, amge O ig lainkad, ag kobol amu tuɗidna mamanidppeg, okkainab daakkunu ahilkad dabmak iikku maɗedattem.

Hibru 10:35

Amunu ag ooppa ɠagattag qettak ahilkad amu aib maoppeg ukkom. Aɗinu? Geha ag keeke amunu nob enanag aoglag.

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

1 Jon 3:3

Am danab ah ag Kristus anidna, Nug daatte bia daaglagnu dabmak aɗan oitteb ele, ag Kristus Nug oppiak daatte, ag amubia oppiak daaglagnu hetteb.