Sam 7:13 - Nobonob Baibel

¹³ Am king nug kekeɗnu daup aqadkkunu bannu keeke babaitta malom, amubia Kayak Nug danab ah kobol nau hetteb bu madakkunu babaitta daatte. Ao, king nug nuhikkud daup ag lat doɗo amotadppeg eoppeppeg, ewadppeg gona, kekeɗnu lag ɠagattag, aɗ keeke adppa hak amuppa manadkkulagnu bappalattom daatteb, amubia Kayak Nug danab ah kobol nau hetteb bu madakkunu babaitta daatte.

Sam 7:13 ပူးပေါင်းရင်းမြစ်များ

Job 6:4

Laa Nukka Ɠagattag Oh Ele amu, nuhig lat doɗo da iwom. Amu lat doɗo aegppan leppu nau da ouɗilppa ukkom daatte. Ge, Kayak he, da baɗak eheɗ nau doottem.

Sam 144:6

Na heppe, nahip amemɗi amemɗiag aweb, nahip kekeɗ ag matatun gokkulagnu oɗ medattem! Na nahip lat doɗo eppe, lamatteb gokkulagnu unuqidttem.

Sam 18:14

Nuhig lat aeg am amemɗi, amu Nug lat aeg e, nuhig kekeɗ ag oolna, matatun goppig. Yo, nuhig amemɗi ɠagattag palaedatta amahlele, ag oolna goppig.

Sam 45:5

Nahip lat doɗo am aelkad hawaɗnab ele amunu, aeg amu ag nahip kekeɗ gamalagppanab otuladna notteb. Wan imuppan wan anen anenppan danab ag na noomppa nena qena, na baen waappa niitteb. ⌊Anam amunu Kayak he, nahip ɗo maɗoɗ attem daattenu dabmak inam dayaɗ!⌋

Sam 64:3

Ag lemaɗulag am qep elab biappa nai maditteb. Ao, ag nai mattin, aɗi atteb amu, nai amuam lat aeg hawaɗ kekeɗ dilagppa etteb bia maditteb.

Sam 64:7

Amge Kayak nukka nau hak danab hatteb nauhkkulag; danab nug laa lat doɗoppa guittak medatte bia. Ag pahanab guittak aona, nena qekkulag.

Gayak Nai 2:4

Yawe Nug kekeɗ lat omana daatte bia daye; Nug eppeg naɗiap lat doɗo ekkunu babaittak dayom. Kekeɗ ag danab aqaeg mauhtteb; amubia Nug laa, ag lailkad dilag neekkakppa enanag daappig amu, Nug aqe mauhppig. Nug Juda danab ah, Nug ahilag eheɗ haknu oppoɗi be; Nug bu eheɗ ag mattom.

Habakuk 3:11

Na nahip lat doɗo e ukkaegeg, amemɗi awom. Ao, na nahip ban ele eewo, amemɗi awom. Anam amu, aam, kalam ele hab waappa toettaya daapiɗ.

Habakuk 3:13

Na amu hemenu diig am, na nahipad danab ah ehanadppe, qagaiettak ii daamnanu heme. Ao, na laa na nug okkai daakkunu goɗen gokkaɗakppa tituanme amu, na nug padal memanu ehanidme. Na danab ag wan laa, appan danab ah ag nau hak danab ah ele amu, na amu dilag okkai maduduɗme. Ao, na nuhig lamen ikki ukka baegppa batak amu, na amu oh uɗadme. Sila.

Duteronomi 32:23

Da heppi, uug naunab digdignu Israel danab ah qaɗelagppa uɗikku. Ao, da uug naunab, danab ag latppa lailkad aqatteb bia heppi, ahilagppa nekku.

Duteronomi 32:41

Da qep elab dahil, qep amuam amemɗi laippun yaatte bia danab ah aqadtte amu, da qep amunu aeg hoikkul dayeb, amu da qep amuppa danab ah bu madakkul dayeb, da inam hekkul. Da dahil kekeɗ dilag eheɗ haknu nob tutukku qep amuppa madakkul. Ao, da laa ag dahilnu nau ninig ele dootteb amu, da ahilag eheɗ haknu nob elele madakkul.

Duteronomi 32:42

Da lat doɗo dahil kuɗum ewadppi, danab ah kuɗumnab tiilag layadkku; laa mauhkkulag, laa ii mauhppeg, da aɗualadppi, da eppelppa daaglag. Ao, da heppi, qep elab dahil am danab ah aqadkku; laa aqadkku am ahilkad ikki danab.’ ” Yawe Nug anam akku.

2 Tesalonaika 1:6

Kayak Nug kobol tutukkuib hette, amu Nug inam hekku. Aun ag uug madatteb amu, Kayak Nug ag amunu nob nau matta,

Revelesen 16:6

Danab imu ag nahipad danab ah oppiaawak ele, amu propet nahipad ele tiilag aɗappig amunu, na tiig lakkulagnu mattame. Ag nob amu aoglagnu daappig, amu na heme, amuppa na elelenab heme,” awa aum.

Revelesen 6:10

Anattitti, ag baalag okkaippa enana appig. “O Naɗi Nakka Ɠagattag Oh Ele, na am oppiaawak, kobol genabib dim lamidttem. Na haen ganeb danab wanppa daatteb, ag ig na ii uuittut, iqaeg mauhmut ele amu, na haen ganeb ag heppig amunu epeɗiadna, ig tiinignu nob ahilagppa eɗukkut?” aon appig.