Sam 7:12 - Nobonob Baibel

¹² Danab laa nug oo ii eɗutte amu, Kayak Nug king laa nug qep elab aeg hoia, laa nug oɗe ii dim lamidtteb ele bu madatte, amubia Kayak Nug danab Nug oɗe dim lamittak ii hette ele bu medatte. O nug king lat oɗ omana, nug wan laa ag nai nug atte ii dim lamidttebnu bu madatte, Nug bu amubia medatte.

Sam 7:12 ပူးပေါင်းရင်းမြစ်များ

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

Sam 129:4

Amge Yawe, Nug aɗi hette amu, Nug genab tutukkuib hette. Nau hak danab ag da muɗippa hippaliɗppig ele, Nug muɗi amu otaɗom.”

Sam 85:4

O Kayak, na Padal ii maknu ehanittak ihinig daattem. Na eɗun aigppe, ig na guguittak daagnignu oɗ medattem. Ao, na ihinignu baula oppoɗin bemanu unuqidttem.

Sam 9:5

Na wanppanu wan anen anennu danab ah ag daulag batan, na nau hak danab hattai nauhppig. Ao, danab ah ag geha baula danab ah amu, ag ahilagnu ii dabmemana.

Aisaia 27:1

Haen laa, haen amuppa amu Yawe Nug doɗ nau laa onig lewiatan, lewiatan nug am mat laa gai-iittanab oitte amubia, Nug doɗ nau amu bu medakku. Nug qep elab ɠagattagnab ele nuhig amuppa Nug Lewiatan, lewiatan nug am mat laa itoɗiak daatte amubia, Nug doɗ amu qep amuppa nob nau medakku. Ge, Nug am doɗ naɗi naunab nau amu yuppa daatte amu, Nug qeeb mauhkku.

Aisaia 34:5

Amu Yawe atte. “Dahil qep elab nug hab aabppa aɗi uɗat hekkunu nai awa mala, qep amuam Edom danab ah bu madakkunu nekku. Da danab ah wan amuppanu, ag dahilnuib, dahil pelemppa daaglagnu ain malami amunu, am anam bekku,” awa aum.

Esekiel 18:30

Amu Naɗi Yawe Nug atte. “Da ag Israel danab ah, da ag oh anen anen ahilag hak amuppa epeɗiadkkul amunu, ag oolag eɗueg! Ag eheɗ hetteb am oh dimatteg! Ag tuɗidna hipunin heppeg, da heppi, ag padal mekkulag am aib heppig.

Esekiel 21:23

Juda danab ag nai qakkak digdig wan laalappa ele heppig amunu, ag Babilon dilag daup ag gona, ban anam hena, eɗadkkulagnu oolagppa genab ii doomna. Ag anam hekkulag, amge Babilon dilag king nug ukka heeb, ag nug waappa daaglagnu ahilag nai ɠagattag qena appig am, ag daulagppa dokku. Dob, nug aɗualatteb, ag nug eppegppa daaglag.” Yawe Nug nai amu da meɗom.

Esekiel 33:11

Ag anam atteb amunu, na ag amelagppa inam appe doyeg! Naɗi Yawe Nug inam atte. ‘Da genab bau daattem, genab amubia da nau hak danab laa mauhkkunu ool iinab daatte. Iitta. Da nau hak danab ag oolag eɗueb, ag hak nau hetteb amu dimattan, da dim lamiɗnana, bau daaglagnu ool daatte. O Israel danab ah, ag oolag eɗueb, ahilag hak nau uueg! Ag Israel buɗub, ag aɗinu mauhkkulag?’ ” Yawe Nug anam aum.

Matyu 3:10

Antteg! Epeɗiak haen am miag. Ad meu ii otte amu, nug mameg o qiie, aab aɗuppa mawe te eotte.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Duteronomi 32:41

Da qep elab dahil, qep amuam amemɗi laippun yaatte bia danab ah aqadtte amu, da qep amunu aeg hoikkul dayeb, amu da qep amuppa danab ah bu madakkul dayeb, da inam hekkul. Da dahil kekeɗ dilag eheɗ haknu nob tutukku qep amuppa madakkul. Ao, da laa ag dahilnu nau ninig ele dootteb amu, da ahilag eheɗ haknu nob elele madakkul.