Sam 69:35 - Nobonob Baibel

³⁵ Aɗinu? Kayak Nug danab ah ag Sion daatteb ele ehanatteb, ag padal ii memana. Ao, Nug heeb, danab ah ag Juda aab okkai baula buualadkkulag. Ge, danab ah nuhikkud ag appa daan, ag heppeg, wan ag eppelagppa eɗua daakku.

Sam 69:35 ပူးပေါင်းရင်းမြစ်များ

1 Stori 16:32

Yu, nuhig keeke oh ele, ag gamalag aheb, eig! Ge, dad okkai oh, amuppan keeke oh ele, ag gamalag ahaɗ!

Sam 102:13

Na geha ahan, Sion danab ah dilagnu oot bodoetta le meeb ehanadkkut. Na amu hekkutnu diig am, gemu aakku na haen amu mena bappaidme daatte. Ao, na ehanadkkutnu gemu aakku anam hekkutnu nai ana tituanme.

Sam 102:16

Aɗinu? Yawe Nug Sion baula buukku. Nug nuhig binag amahlak oppiaawak ele uɗikku.

Sam 145:10

O Yawe, keeke oh na hattame amu, ag geha na binan mekkulag. Ao, danab ah nahipad ag nahipnu oo metta ii uuak kobol dim lamidtteb ele, ag geha na onin attannab humaglag.

Sam 145:21

Da geha Yawe binag medakkul. Keeke oh bauklel daatteb, ag ele Yawe hanhan binag metteg! Yawe Nug oppiaawak daatte.

Sam 148:4

Hab attan ukke ukke, adekku batatte, hab amu ⌊na danab ah Nug binag metteb bia, na⌋ Nug binag mee! Le attan daatte ele amu, ⌊danab ah Nug binag metteb bia, na⌋ ele Nug binag me!

Sam 51:18

Na enanag, elele doon, danab ah Sion daatteb amu ehanadkkutnu oɗ medattem. Yo, na Jerusalem danab ah ehanadppe, ɠagattag daaglagnu unuqidttem.

Aisaia 14:32

Amu haen Pilistia dilag nai awa ukkak danab ag uɗin, amunu ig oɗ megappeg, ig aɗi amelagppa akkunig? Ig geha ahilag oɗmak inam nob mekkunig, “Yawe Nug he, Sion nug eɗua ɠagattag daatte amunu, danab o ah nuhig aun nug uug maokku, nug ukka, Sion ta, nug padal mak eɗitteb ena dayaknu aben amuppa ena daakku.” Ig anam akkunig.

Aisaia 44:23

Yawe Nug keeke okkai heum amunu, ag habppanu, ag oo gamag ahak okkai doon, ahi etteg! Ag wanppa daatteb, ag huana eig! Yawe Nug Jakop buɗub hipuninnu qagaiettakppanu eɗua uhuqak ha mattom; Nug nuhig binag amahlak oppiaawak ele Israel oolagppa he, miag atiom amunu, wanppan keeke oh Yawe hattom ele amu, ag ahi etteg!

Aisaia 44:26

Da dahil propet, ag am dahilad maɗi nid, da aɗi nai ag madattem amu, da hei, nai amu meu otte. Ao, da aɗi nai dahil propet oɗelagppa mettem amu, da hei, nai amu genab bette. Amu da Jerusalemnu attem, ‘Israel danab ah ag eɗun, aguppa daaglag.’ Ao, da Juda dilag aab, ‘Danab ag aab amu eɗun bappaladkkulag,’ attem. Ge! Kekeɗ ag Jerusalem, Juda dilag aab naunau ele heeg nauhppig amu, da aab amu ohnu attem. ‘Da heppi, ag ena, babaittak daaglag.’

Aisaia 46:13

Da hei, danab nug da noolppa genab tutukku daakkunu kobol aakku miag uɗiom daatte; am uma ii daatte. Ao, dahil padal ii memanu ehanittak am paha uɗikku; laa nug heeb, ib am keldoak ii daama. Da danab ah Sion daatteb ehanadppi, ag padal iinab memana; da heppi, dahil binag amahlak oppiaawak ele am okkainab Israel oolagppanu miag atikku.” Yawe Nug anam atte.

Obadaia 1:17

Amge dahilad danab ah uug haenppa ii mauhkkulag amu, ag qauko Sion, appa ehanittak aon daaglag. Sion am dahilnu tituanak daakku. Anam amu, Israel danab ah ag eɗun, ag aulag wan, da, Yawe, da ag mattami amu, ag amu eɗun aoglag.

Revelesen 14:1

Amu da eɗue neekke amu, Sipsip Nag Sion qaukoppa hibaitta dayeye, danab ah 144,000 Nug ele daappig anidmi. Nug onig, amu Nug Mameg onig ele ag uɗalkadppa yaak daapiɗ.