Sam 69:29 - Nobonob Baibel

²⁹ O Kayak, da uug nau doyeye, guittakppa daattem. Nahip Padal ii maknu ehanittak da ehaniɗa, dahil guppiɗ daakkunu oɗ medattem.

Sam 69:29 ပူးပေါင်းရင်းမြစ်များ

Sam 109:22

Da am daɗek, keekenu tutu mak dayeye, da oolppa guittak naɗi ele doottem amunu, na anam hekkutnu oɗ medattem.

Sam 109:31

Da anam hekkulnu diig am, laa ag daɗek danab mauhkkunu aegeg, Yawe Nug daɗek danab laa heqoppa hibaitta dayaya, padal memananu ehanadtte.

Sam 18:48

Ge, Yawe Nug da dahil kekeɗ dilagppan ehaniɗe, da padal ii mettem. O Yawe, na hee, da kekeɗ eɗatten, ahilag ikki daattem. Ao, na danab ag laa guittak nau mauhnoak mettaknu tiilagppa daatte amu, na da ag eppelagppanu eɗun awiɗme.

Sam 20:1

⌊Danab ah ag unuqidppig.⌋ “Haen uug nau na tonidtte amu, ig Yawe Nug nahip unuqittak doya, ehanidkkunu oonig daatte. Yo, ig guittak ohppanu Jakop buɗub dilag Kayak Nug na dabmedakkunu oonig daatte.

Sam 40:17

Amge da am daɗek, keekenu tutu mak daattem; Naɗi Nug da dabmeɗakkunu ool daatte. O Kayak dahil, naib dahil ehanittak daattem. Naib na ehaniɗe da qagaiettakppa ii daattem; na da ehaniɗppe padal ii mepanu haen elab ameg mak ii daapanu unuqidttem.

Sam 59:1

O Kayak, na heppe, da kekeɗ dahilad eppelagppa ii daapanu oɗ medattem. Ao, laa iuppeg mauhkkulnu oolag hette ele amu, na da ehaniɗppe, ag amu ii hemananu unuqidttem.

Sam 70:5

Amge, O Kayak, da am daɗek, keekenu tutu mak daattem; na da pahanab ehaniɗkkutnu oɗ medattem. O Yawe, na am dahil ehanittak daattem, na ehaniɗe, da padal ii mettem. Anam amu, na ehaniɗppe da padal ii mepanu haen elab ameg mak ii daapanu unuqidttem.

Eksodas 32:33

Moses nug anam aum, amge Yawe Nug Moses amegppa aum. “Iitta. Da danab ah ag hipunin hetteb ele, da agib onilag obikkul.

Jeremaia 17:13

O Yawe, naib ig Israel buɗub ehanigppe, ig ena daagnig. Danab ah oh ag ib apiɗidna, na uuidna oitteb ele, ag uɗa nak aoglag. Laa ag na, Yawe, ag ib apiɗidna, na uuidna, oitteb, ag yaak gappudppa dayaya, paha nauhtte, ag amubia nauhkkulag. Aɗinu ag anam nauhkkulag? Ag na Yawe, na keeke ena ohnu diig daattem amu, ag ib apiɗidna, na uuidna oitteb.

Matyu 8:20

A amu, Jesus Nug ɗo mehuqak danab amegppa aum. “Doɗ laa onig foks, biun bia, ag wan oɗeppa niiaknu aben ele, ai ag ele teɗ ele, amge Danab Bekkalag da amu, da niiaknu aben laa iitta,” awa aum.

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.