Sam 69:18 - Nobonob Baibel

¹⁸ Dahil kekeɗ ⌊ag eheɗ heiɗtteb amunu,⌋ na da gukkuiɗak daanna ehaniɗppe, da amunu qagaiettakppanu eɗua uhuqak hena meɗakkutnu oɗ medattem. Ao, da kekeɗ eppelagppa daapanu na ehaniɗkkutnu unuqidttem.

Sam 69:18 ပူးပေါင်းရင်းမြစ်များ

Job 6:23

Ag da kekeɗ eppelagppanu awiɗkkulagnu deɗ laa ag oɗ mattamite? O iitta, da ag danab oo doyak ii doonna nau hetteb ele, da amu eppelagppanu awiɗkkulagnu ag en ahilag aon, danab amu mattaglagnu ag amelagppa amite?

Sam 10:1

O Yawe, na uma daattemnu diig appe dookkulnu oɗ medattem. Yo, uug da toniɗom daattem, haen amuppa na nakka na lokkumna daattemnu diig appe dookkulnu unuqidttem.

Sam 111:9

Nug nuhikkud danab ah qagaiettakppanu eɗua uhuqak ha mattom. Ao, Nug nuhig nug tituana nai qakkak nai, Nug nai amu hanhan daakkunu meum. Yawe Nug oppiaawak daatte. Danab ah ag nuhignu ebehilag oh bodoetta le mette.

Sam 143:7

Yawe, da ool gai-iitta ma auta awa dayeye daattem, na oot meɗan, pahanab gumiɗna uɗin, unuqittak dahil nob ena mekkutnu oɗ medattem. Na oot da meɗan, da dimeɗamnanu unuqidttem. Na dimeɗappe amu, da mauhkkul.

Sam 22:1

O dahil Kayak, O dahil Kayak, na aɗinu da uuiɗmenu diig appe dookkulnu, na dahilppanu uma wana qagaiettakppa daapanu ii ehaniɗttemnu diig appe dookkulnu, amu na dahil gayak ii doottemnu diig ele appe dookkulnu oɗ medattem.

Sam 22:12

Dahil kekeɗ ag da makau dawai kuɗum danab talilidna daatteb bia heppig daatteb. Yo, ag wan onig Basannu makau dawai ban paha paha hetteb danab talilidna daatteb bia taliliɗppig daatteb.

Sam 22:19

O Yawe, na dahilnu awaidna, uma daamnanu oɗ medattem. Na am dahil ɠagattag, na paha dona ehaniɗkkutnu unuqidttem!

Sam 22:20

Laa qep-ppa iweb mauhpanu, na da ehaniɗppe qagaiettakppa ii daapanu oɗ medattem. Yo, na da ehaniɗna heppe, dahil kekeɗ ag qai bia amu, ag da ii iumnanu unuqidttem.

Sam 27:9

O Yawe, na nakka na lokkumidmananu unuqidttem. Ao, na da, nahip maɗi nid, na dahilnu oot nauheb, di-ii-meɗamnanu oɗ medattem. Na am dahil ehanittak daattem. O Yawe, na da di-ii-meɗan, da ii uuiɗmananu na oɗ medattem. Na amu dahil Kayak, na aakkuib da padal mepanu ehanittak daattem.

Sam 31:5

O Yawe, da ouɗil na eppenppa mettem. O Yawe, na Kayak, na doyak diig genabib ohnu diig daattem. Na da qagaiettakppanu eɗua uhuqak hena meɗakkutnu oɗ medattem.

Sam 49:15

Amge dahilnu amu, Kayak Nug moɗppa niiaknu qagaiettakppanu eɗua uhuqak ha meɗeb, da mauhak eppegppa ii daapa. Aɗinu? Nug heeb, da Nug eppegppa daakkul. Sila.

Jeremaia 14:8

O Yawe, naib ig Israel ehanigkkutnu elele. Uug nau haenppa naib na ihinig Padal ii maknu ehanittak daattem. Anam amunu, na aab diig danab iitta bia daattemnu, o na danab laih gokkunu oiyaya, tuqan laippu ɗo danab wan laappa dayaya, buttua aha gotte, na amubia daattemnu,

Gayak Nai 3:57

Ge, da na oninppa ei, na gumiɗna uɗin, na da amelppa, “Na aib baɗame,” aon ame.

Duteronomi 32:27

Amge da anam heppi, ahilkad kekeɗ ag da kalemlem iuglag amu da doomi. Ao, da amu heppi amu, ahilkad kekeɗ ag inam akkulag. ‘Ig ag eɗadmut. Yawe Nug ii heum!’ ” Yawe Nug anam aum.

Josua 7:9

Kanan danab, amu danab laala wan imuppa daatteb ele amu, ag imu beum doon, ag oo mekkan, ig iqappeg mauhkkunig. Ag amu hekkulag, amge O Yawe, amu anam beeb amu, na onin okkai, amuppa am attem bekku?” awa unuqittom.